Jerimaya 51:30 - Ika

³⁰ “O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Jerimaya 51:30 ပူးပေါင်းရင်းမြစ်များ

Ẹbụ-ọma 107:16

O tikpọpụ ọnụ-mgbọn igwe-bronzu, kpagipụ igwe wẹ gi fidọnsọnmẹ wẹ!

Ẹbụ-ọma 147:13

Makẹni, o fidọnkẹnmẹ ọnụ-mgbọn i; ọ gọzi ndị nke i hụn rị imẹ i.

Ẹbụ-ọma 76:5

Ị nọdẹ napụchanrịn ndị odogun-agha hụ ihiẹn wẹ, a dan wẹ ranhịn ụran wẹ ghalẹni e tẹnhin! Ndị-agha wẹ ile asanị ẹka mẹ ihiẹn-anaị.

Azaya 19:16

O ru ogẹn ahụn, ndị Ijiptu jẹnkọ d'a rịchanrịn kẹ ikpoho ndụn rịlẹni; wẹ k'a rị a ma piripiri yeni ẹka Osolobuẹ ihiẹn ile rị okpuru ẹ gi rị e mẹ wẹ ihiẹn.

Azaya 47:14

E Lee ẹ, wẹ nọ nwan kẹ irurue ọkpọ-nkụn; ọkụn k'a dụnpụ wẹ! Asakọdẹ wẹ ẹka zụọpụha enwẹn wẹ imẹ ọkụn. Ọnwan ẹlẹkwọ ikeke-ọkụn ịhịan gi a chụ oyi, ọnwan ẹlẹkwọ ọkụn w'a nyan.

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 50:15

Yi ni n'ẹ oro-agha azụụn ile! Ọ rịọmagụọ dodo! Ụlọ-agha a ile a dangụọ! E tikpọchanrịn wẹ mgbọn ẹ! makẹni mmẹ wụ Osolobuẹ rị e mẹgwarị a. Mẹgwarị n'a! Mẹ n'ẹ ihiẹn o mẹ ndị ọzọ!

Jerimaya 51:32

E chekingụọ wẹ ebe ile w'a gha e fetu iyi, mụ ọkụn ye ẹfịfịa-mirin ile w'a hụarị imẹ ẹ, egun a tụgbu ndị agha Babilọnụ.

Jerimaya 51:57

M k'e mẹ ndị-isi Babilọnụ lẹ ndị marịn ihiẹn rịn'a ra, tụ, mẹzikwọ ndị-ọkịkị a lẹ ndị ndị-odogun agha a ra, tụ. Wẹ k'a ranhịn, ranhịnchanrịn, etẹnhinkọ wẹ.’ Ya kẹ Eze ku, Onyẹ hụn ẹfan a wụ Osolobuẹ ihiẹn ile rị okpuru ẹ.

Ẹkwan 2:9

Ọnụ-mgbọn Jerusalẹm a dangụọ; ọ kpagipụgụọ ihiẹn ndị wẹ gi fidọn wẹ, wiwipụ wẹ. Eze ẹ lẹ ndị-isi ẹ rị nwan alị ndị ọzọ; Iwu Osolobuẹ arịzị, ndị-amụma rịn'a ara hụnzị ihiẹn ọwụlẹ ebe Osolobuẹ rị.

Emọsụ 1:5

M k'e tikpọ ọnụ-mgbọn Damaskọsụ, gbu ndị bi alị wẹ wụ Aram: kẹ ndị bi Ọdanmgbugbu Avẹni kẹ onyẹ rị a kị obodo Bẹt-Idẹni. Wẹ k'a kpụn ndị Aram shi alị Kiri.” Osolobuẹ e kugụọ a!

Nahum 3:13

Ndị-agha ụnụ wụhụ ikpoho imẹ igunrun ụnụ. Ọnụ-mgbọn obodo ụnụ rịchanrịn oghe tọnị ndị-iṅẹnrẹn ụnụ; ọkụn a dụnpụgụọ ihiẹn ụnụ gi fidọn ọnụ-mgbọn.

Rẹvẹleshọnụ 18:10

Egun afụnfụn ọ rị imẹ ẹ anịkọ wẹ nọkunmẹ ẹ. Wẹ k'e turu ebe teni, a sị, “Heuu! Heuu! Ledẹ obodo uku nwẹn! Obodo uku wụ Babilọnụ! Osolobuẹ e gigụọ ube ohu yechanrịn a afụnfụn a!”