Jerimaya 51:29 - Ika

²⁹ Elu ụwa jẹnkọ d'e mẹhunmẹ, a fịkọ, makẹni Osolobuẹ k'e mẹrịrị ihiẹn ọ mamanị Babilọnụ — ntikpọ hụ ọ sị o k'e tikpọ alị Babilọnụ, nkewụnị ịhịan ebikọzị a.

Jerimaya 51:29 ပူးပေါင်းရင်းမြစ်များ

Azaya 14:16

Ndị hụnn'ị k'a gba ị ile, e ro ihiẹnni mẹn'i, a sị, “Ụnụ sị ọnwan wụ okẹnnyẹ nwẹn zinzin ụwa, okẹnnyẹ nwẹn mẹhunmẹ alị-eze ichẹn-ichẹn?

Azaya 24:20

Elu-ụwa rị e ruehunmẹ kẹ onyẹ-manya, a mahihie kẹ ụlọ-ubi ufere rị e zinzin; nnupụ-isi ẹ rị e gbu ẹ hụn o k'e gi danchanrịn, o lihikọzị.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Jerimaya 50:13

M gi ọnụma mẹgụ Babilọnụ ihiẹn m k'e mẹ ẹ, ịhịan ebikọzị a; o k'a gbachanrịn okpokoro. Onyẹ ghafe Babilọnụ, egun a tụ a, ọ jụsọhị makẹ ihiẹn mẹn'ẹ.

Jerimaya 50:36

Ọpịa-agha ya d'e gbu ndị amụma-ụgha rị Babilọnụ! Wẹ k'e họnrin ndị-nzuzu. Ọpịa-agha ya d'e gbu ndị odogun-agha a! Egun k'a tụ wẹ, tụgbu wẹ.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 50:45

Gọn ni nwan ntịn ihiẹn Osolobuẹ chọ n'o mẹ Babilọnụ, ihiẹn ọ chọ n'o mẹ alị ndị Kal'di: Ndị k'a mayeni wẹ k'a kpụnrụnrịrị ụmụ wẹ, tikpọpụ alị wẹ hụn wẹ nọ e ri.

Jerimaya 50:46

Ọdịdan wẹ k'e mẹhunmẹ ụwa; ẹkwan wẹ k'e rudẹ alị ichẹn-ichẹn.

Jerimaya 51:26

Ahụnkọdẹ wẹ ọmụma ọwụlẹ imẹ i weri, kẹ hụn w'e gidẹ gbe iyetọ mọbụ dadọn ụlọ, makẹni ị k'a gbachanrịn okpokoro jẹnrin ejẹn. Mmẹ wụ Osolobuẹ ku ẹ.

Jerimaya 51:28

Kwademẹ ni ndị alị ichẹn-ichẹn nị wẹ d'a lụsọn ẹ agha: kẹ ndị-nze Mẹdịa, kẹ ndị gọvanọ wẹ kẹ ndị-isi wẹ ile kẹ alị ile rị okpuru wẹ.

Jerimaya 51:37

Babilọnụ k'e họnrin mkpọkọ-mkpọkọ, anụ-ọfịa e bikin ẹ; ọ wụrụ ihiẹn egun w'e gi a kpa ẹmụ, ebe ịhịan bilẹni.

Jerimaya 51:43

Obodo ndị rịn'a k'a gba okpokoro, họnrinsọnmẹ alị ọkpọ-nkụn lẹ atụ; alị ịhịan bilẹni alị wẹ ghalẹni a gha.

Jerimaya 8:16

Oro ẹshin-agha ndị-iṅẹnrẹn gi lala rị a han, a hanrukwọrị alị Danị; ẹshin wẹ ndị ahụn nwọn ndụn ọda-ọda hụ e yi oro alịnị ile hụ e mẹhunmẹ. Wẹ lala d'e ripụ alịnị lẹ ihiẹn ile rịn'a, obodoni lẹ ndị ile bin'ẹ.”

Juwẹlụ 2:10

Wẹ pụha, alị e mẹhunmẹ, igwere e mẹhunmẹ; ẹnyanwụn lẹ ifọn a gba-ishi, kokisẹ e tibehi.

Emọsụ 8:8

Ẹlẹ ọnwan haịn alịnị k'e gi mẹhunmẹ onyẹ ọwụlẹ rịn'a a kwan ụya? Alị k'e buli kẹ Iyi Naịlị, o k'e buli kẹ Iyi Naịlị, ziẹnban.”

Rẹvẹleshọnụ 18:2

Ọ nọ weshi olu elu sị, “Ọ dangụọ! Babilọnụ uku a dangụọ! Ọ wụrụọlẹ ebe eje-mmọn bi, ebe mmọn ile rụnị bi, ebe nnụnụ ile rụnị bi; ebe anụ ile rụnị w'a sọ bi.