Jerimaya 50:42 - Ika

⁴² Wẹ bu ụta lẹ obo; ẹfọ jọ wẹ, w'a ra mẹ omikẹn. Ụzụn wẹ nọ kẹ nke ohimin ẹbi rị a kpọ wẹ nyinlanị ẹshin wẹ; wẹ dọnye wẹ kẹ ndị shikọ ọgbọ-agha, wẹ lala d'a lụsọn yụ wụ Babilọnụ agha!

Jerimaya 50:42 ပူးပေါင်းရင်းမြစ်များ

Ẹbụ-ọma 46:6

Alị ichẹn-ichẹn e susuhu; alị-eze wẹ hụ e mẹhunmẹ — olu Chuku hanhụ, ụwa ile e dẹnhin!!

Ẹbụ-ọma 74:20

Dodo, nyanhan nkwa ị, makẹni egbu-lẹ-egbu e jungụọ ebe ile gba ishi imẹ alịnị.

Azaya 14:6

hụn gi ọnụma dụtusọnmẹ ndị alị ichẹn-ichẹn, a dụsọnmẹ wẹ ịkpa, e gi olulu e bu alị ichẹn-ichẹn e che okpuru ẹ, a maye wẹ eje-ọmaye ghalẹni e bi.

Azaya 47:1

Osolobuẹ sị, “Hidan n'ị nọdị akpakalị, Nwagbọọ wụ obodo Babilọnụ; nọdị akpakalị nị ukpo-eze arịzịa, ịyụ, nwagbọọ ndị Babilọnụ. Akpọkọzị wẹ i onyẹ-alụlụa mọbụ onyẹ w'a pụpọma.

Azaya 47:6

M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Azaya 5:28

Ọbara-ụta wẹ tụ nkọ, e kwọnchanrịngụọ wẹ ụta wẹ ile; akpụkụ ẹshin-agha wẹ ze kẹ ọmụma, ụkụ ụgbọ-ẹshin agha wẹ a gba fịafịafịa nọkẹ ufere.

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 47:3

ogẹn wẹ e gi nụ nkiti-ụkụ ẹshin-agha lẹ ụzụn ụgbọ-anyịnyan agha lẹ ụkụ ụgbọ-ẹshin ndị-iṅẹnrẹn wẹ gi lala. Ndị nẹdi elekọdẹ ẹnya azụụn nị wẹ yeni ụmụ wẹ ẹka makẹni ẹka a lịlọpụgụọ wẹ yeni egun.

Jerimaya 50:14

“Kehunmẹ ni Babilọnụ, ụnụ ile a gba ụta. Gba n'a ụta! Agbahọdụkwọlẹ ni akpụ ọbara-ụta ohu, n'o mẹgụọ Osolobuẹ njọ.

Jerimaya 50:9

Lee ẹ, m sikọ d'a kpọli alị ichẹn-ichẹn wẹhẹ wẹ d'a lụsọn Babilọnụ agha, alị ichẹn-ichẹn hụn k'e bugbu enwẹn wẹ ọda, hụn ghasọnmẹ ẹbamịn-ugu bịa. Wẹ k'e werisọnmẹ ọnọdị lụsọn ẹ agha, gha ebẹhụ weri ẹ. Ụta wẹ jẹnkọ d'a nọ kẹ nke odogun-agha, hụn ghalẹni agbafie.

Jerimaya 51:27

“Weshi ni ihiẹn-ahịma elu nị ndị alị kọnrin agha! Gbu nị opi imẹ alị ichẹn-ichẹn! Kwademẹ ni alị ichẹn-ichẹn nị wẹ d'a lụsọn ẹ agha; kpọhanị alị-eze ndịnị d'a lụsọn ẹ agha: ndị Araratị lẹ ndị Mini lẹ ndị Ash'kẹnazị. Tumẹ ni ọkị-agha; wẹhẹ ni ndị-agha gi ẹshin a lụ hụn bu ọda kẹ igurube.

Jerimaya 8:16

Oro ẹshin-agha ndị-iṅẹnrẹn gi lala rị a han, a hanrukwọrị alị Danị; ẹshin wẹ ndị ahụn nwọn ndụn ọda-ọda hụ e yi oro alịnị ile hụ e mẹhunmẹ. Wẹ lala d'e ripụ alịnị lẹ ihiẹn ile rịn'a, obodoni lẹ ndị ile bin'ẹ.”

Izikẹlụ 26:3

Osolobuẹ Nwọn Ihiẹn Ile sị nwan: M k'e mẹ yụ wụ Taya ihiẹn! M wela alị bu ọda d'a maye i nọkẹ ẹbiri-ohimin.

Juwẹlụ 2:5

Wẹ zụnla kẹ ụgbọ-ẹshin agha, fetula ugu ndịnị; a han kpata-kpata kẹ ẹfịfịa-ọkpọnkụn ọkụn rị a dụn, wẹ nọ kẹ okẹn igunrun agha jẹnkọ d'a lụma agha.

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”