Jerimaya 50:37 - Ika

³⁷ “Ọpịa-agha ya bunụmanị ẹshin lẹ ụgbọ-ẹshin Babilọnụ; ya d'e gbu itumunyẹ ile rị ndị-agha a! Obi k'e dẹnhin wẹ kẹ ikpoho. Ọpịa-agha ya weri akụ-lẹ-ụba Babilọnụ! Wẹ sikọ d'e kpọnrin wẹ ile.

Jerimaya 50:37 ပူးပေါင်းရင်းမြစ်များ

Ẹbụ-ọma 46:9

Ọ mẹ wẹ a lụbehi agha imẹ ụwa ile; ọ kpagisọnmẹ ụta, e gungwọnpụ obo, a dụn akpaịn ọkụn.

Ẹbụ-ọma 76:6

Ogẹn yụ wụ Chuku Jekọpụ gi bigbọ, ndị-agha lẹ ẹshin-agha wẹ nọ ranhịn ụran wẹ ghalẹni e tẹnhin!

Azaya 19:16

O ru ogẹn ahụn, ndị Ijiptu jẹnkọ d'a rịchanrịn kẹ ikpoho ndụn rịlẹni; wẹ k'a rị a ma piripiri yeni ẹka Osolobuẹ ihiẹn ile rị okpuru ẹ gi rị e mẹ wẹ ihiẹn.

Azaya 45:3

M k'e ye i akụ-lẹ-ụba rịdẹ imẹ ishi, akụ-lẹ-ụba rịsọnmẹ ebe zuerini, y'e gi ẹ marịn nị mmẹ wụ Osolobuẹ, Chuku ndị Izrẹlụ, onyẹ hụn kpọ ị ẹfan tumẹ i.

Jerimaya 25:20

uwẹ lẹ ndị alị ọzọ ile rị alị wẹ; e yezighọ m ndị-nze alị Uzu lẹ ndị-nze alị ile rị ichẹn-ichẹn rị okpuru ndị Filistia — kẹ hụn kị Ash'kẹlọnụ kẹ hụn kị Gaza kẹ hụn kị Ẹkrọnụ lẹ ndị ile họdụ imẹ Ash'dọdụ;

Jerimaya 25:24

lẹ ndị-nze Arebịa ile lẹ ndị-nze ndị ọzọ ile rị imẹ atụ;

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 50:10

Wẹ k'e kpọnrinchanrịn ihiẹn ile rị Babilọnụ; ndị ile k'a kwarị ihiẹn ẹ k'a kwajun ẹfọ. Mmẹ wụ Osolobuẹ ku ẹ.

Jerimaya 50:26

Gha nị alị hụ teni bịa d'a maye ẹ ọgụn. Gbukpọchanrịn nị ebe wẹ e dọnmẹ ihiẹn w'e ri; kpọnkikomẹ ni Babilọnụ kẹ ikpọn-ọka! Tikpọchanrịn n'a! Egbuhọdụkwọlẹ ni onyẹ ọwụlẹ!

Jerimaya 51:21

ịyụ kẹ m gi e gbu ẹshin lẹ ndị-agha rị e nyinni wẹ; ịyụ kẹ m gi e tikpọ ụgbọ-ẹshin lẹ ndị-agha rị a nyannị wẹ;

Jerimaya 51:22

ịyụ kẹ m gi e gbu ikẹnnyẹ lẹ ikpoho; ịyụ kẹ m gi e gbu ẹgẹdi lẹ nwata; ịyụ kẹ m gi e gbu ikorọbịa lẹ ịgbagba;

Jerimaya 51:30

“O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Jerimaya 51:4

Wẹ k'e gbu wẹ tọ alị Babilọnụ, wẹ k'e zugbu wẹ tọ ọgbara-ogbe Babilọnụ.

Izikẹlụ 30:5

“Ndị Ẹtiopịa, ndị Putu, ndị Ludu lẹ ndị Arebịa ile lẹ ndị Libia lẹzi ndị ile wẹ ile gba kịgbama kẹ ọpịa-agha sikọ d'e gbu.

Izikẹlụ 39:20

Ụnụ sikọ d'e ri anụ m k'e buye ụnụ rijun ẹfọ: anụ ẹshin lẹ ndị e nyinni wẹ lẹ anụ ndị odogun-agha lẹ ndị agha ile.’ Ya kẹ Osolobuẹ Nwọn Ihiẹn Ile ku.

Nahum 2:13

Mmẹ lẹ ịyụ rọ, Ninivẹ! Ya kẹ Osolobuẹ ihiẹn ile rị okpuru ẹ ku. M k'a dụn ụgbọ-anyịnyan ndị ahụn Ninivẹ nwọn ọkụn, e họnrin wẹ ẹnwụnrụn; ọpịa-agha k'e gbuchanrịn ndị nke i hụn wụ ụmụ ẹwọrọ ị, a napụ m'ị alị ndịnị ị rị e gbu a kwarị ihiẹn wẹ; anụkọzị wẹ olu ndị ụkọ ị!

Nahum 3:13

Ndị-agha ụnụ wụhụ ikpoho imẹ igunrun ụnụ. Ọnụ-mgbọn obodo ụnụ rịchanrịn oghe tọnị ndị-iṅẹnrẹn ụnụ; ọkụn a dụnpụgụọ ihiẹn ụnụ gi fidọn ọnụ-mgbọn.

Hagaị 2:22

M k'e wepụ ndị-nze alị-eze ichẹn-ichẹn ukpo, e tikpọ m ihiẹn ile alị-eze ichẹn-ichẹn gi a kpa ikẹn; m k'e titu ụgbọ-anyịnyan lẹ ndị rị a nyannị wẹ; ẹshin lẹ ndị rị e nyinni wẹ k'a dan, makẹni ndị rị e nyinni wẹ k'e gi ọpịa-agha gbu ibe wẹ.