Jerimaya 50:36 - Ika

³⁶ Ọpịa-agha ya d'e gbu ndị amụma-ụgha rị Babilọnụ! Wẹ k'e họnrin ndị-nzuzu. Ọpịa-agha ya d'e gbu ndị odogun-agha a! Egun k'a tụ wẹ, tụgbu wẹ.

Jerimaya 50:36 ပူးပေါင်းရင်းမြစ်များ

Samuẹlụ Nke Ẹbụọ 15:31

A gwagụọ wẹ Defidi, sị, “Ahitofẹlụ rị ndị wẹ lẹ Absalọm gba zun'i umẹ.” Defidi nọ mẹ ekpere, sị, “Osolobuẹ dodo, mẹ ndụnmọdụn ọwụlẹ Ahitofẹlụ jẹnkọ d'e ye wụrụ nzuzu.”

Samuẹlụ Nke Ẹbụọ 17:14

Absalọm lẹ ndị Izrẹlụ ile nọ sị, “Iroro Hushaị onyẹ Aki tụ ka nke Ahitofẹlụ mma.” Ihiẹnni mẹ makẹni ịya kẹ Osolobuẹ kwademẹ n'o gi ẹ kpọrọpụ ezigbo iroro hụ Ahitofẹlụ tụ, kẹn'ọ hụn ụzọ mẹ Absalọm okẹn-ihiẹn.

Ihiẹn Mẹni Nke Ẹbụọ 25:16

Kanị eze e gbu oku ye ẹ ọnụ, sị, “Onyẹ tumẹ i onyẹ-ndụnmọdụn eze? Gba nkịtịn! Ra ị chọ nị wẹ gbu i?” Ya onyẹ-amụma nọ kubehi, kanị ọ sị, “Makẹ ihiẹnni i mẹ lẹ ndụnmọdụn m ị jụ, a marịnọlẹ m nị Osolobuẹ chọ n'o gbu i.”

Azaya 43:14

Lee ihiẹn Osolobuẹ ku — Osolobuẹ Onyẹ-mgbapụha ụnụ, Onyẹ-nsọ Izrẹlụ: “M k'e gi ufiri ụnụ zi ndị-agha jẹn Babilọnụ, mẹ ndị Babilọnụ gi ụgbọ-mirin ndị ahụn wẹ gi a nyan isi gbapụ.

Azaya 44:25

Mmẹ haịn ndị-amụma ntụ gi e ku ọzọ, ọzọ e mẹ, e mẹ ndị a hụn-ụzọ a nọ kẹ ndị ẹwobi; mmẹ haịn o gi arụnahịn ndị marịn ihiẹn, ihiẹn wẹ marịn e họnrin ihiẹn nwọnlẹni isi.

Jerimaya 48:30

A marịngụọ m nị wẹ rị e mẹkarị enwẹn wẹ mmaka — mmẹ wụ Osolobuẹ ku ẹ; isi wẹ rị a nyan arị mma; wẹ rị a nyan isi mmakanaka.

Jerimaya 49:22

Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.

Jerimaya 50:30

Ufiri ẹ, agha hụ k'e gbu ikorọbịa a tọ ogbe ẹ; nke ndị-agha a k'a gụ ụhụọhịn ahụn. Mmẹ wụ Osolobuẹ ku ẹ.”

Jerimaya 51:23

ịyụ kẹ m gi e gbu onyẹ e du anụ lẹ igunrun-anụ; ịyụ kẹ m gi e gbu onyẹ-ugbo lẹ okẹn-efin o gi a rụn ugbo; ịyụ kẹ m gi e gbu ndị ọkịkị lẹ ndị-isi.

Jerimaya 51:30

“O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Jerimaya 51:32

E chekingụọ wẹ ebe ile w'a gha e fetu iyi, mụ ọkụn ye ẹfịfịa-mirin ile w'a hụarị imẹ ẹ, egun a tụgbu ndị agha Babilọnụ.

Nahum 2:8

Ninivẹ te nọkẹ ọmị ogẹn ẹ: kanị wẹ rị nwan a gba a a tọ; olu hụ e yi “Kụsị nị! Kụsị nị!” kanị, onwọndẹni onyẹ rị e lee ẹnya azụụn!

Nahum 3:13

Ndị-agha ụnụ wụhụ ikpoho imẹ igunrun ụnụ. Ọnụ-mgbọn obodo ụnụ rịchanrịn oghe tọnị ndị-iṅẹnrẹn ụnụ; ọkụn a dụnpụgụọ ihiẹn ụnụ gi fidọn ọnụ-mgbọn.

Nahum 3:7

Onyẹ hụn ị, ọ gbanị ị ọsọ, sị, ‘Euu, e tikpọgụọ wẹ Ninivẹ la iwi! Onyẹ k'a saẹka hụhụ ị?’ Elebe kẹ m'a nọ hụn onyẹ k'a saẹka hụhụ ị?”

Timoti Ibuzọ 4:2

ebe wẹ nọ e sọn nkuzi ndị-ntụ lẹ ndị ihunnaị obi ghalẹni e gbuzi mgbu makẹni a dagbugụọ w'a.

Timoti Ibuzọ 6:4

ọ rịhụ a pache; onwọnni ihiẹn ọ marịn; ndọndọ a sụọka a, ọ dọsọnmẹ akpụrụ oku. Eje-ndọndọnị e buhẹ iwe-ẹnya, ikpe, ikuja oku ịhịan lẹ ibuo-ofo

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.