Jerimaya 50:31 - Ika

³¹ Osolobuẹ ihiẹn ile rị okpuru ẹ sị, “Lee ẹ, m k'e mẹshi i ikẹn, onyẹ mpache, makẹni ogẹn i e rugụọ — ogẹn m'e gi ye i afụnfụn ihiẹn i mẹ.

Jerimaya 50:31 ပူးပေါင်းရင်းမြစ်များ

Azaya 2:12

Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Jerimaya 21:13

Ihiẹn m k'e mẹ i, Jerusalẹm, ịyụ hụn rị ọdanmgbugbu ahụn ugu fihunmẹ; ịyụ, okẹn-ọmụma ahụn rị etintinnaị alị-aradan. Ụnụ hụ a sị, “Onyẹ k'a s'ẹka bịa ebeni d'a lụsọn ẹnyi agha?! Onyẹ k'a s'ẹka banhan ebeni ẹnyi rị?!”

Jerimaya 48:29

“Ẹnyi a nụgụọ kẹ ndị Mụabụ a pachehan — mpache wẹ ẹlẹkwọ ẹkẹrẹ; ẹnyi a nụgụọ kẹ w'e mẹkarịhan enwẹn wẹ, e kukarị enwẹn wẹ; kẹ w'e rohan nị onwọnni onyẹ han kẹ wẹ.

Jerimaya 49:16

Egun i wẹ rị a tụ lẹ ihiẹn i rị e ro nị ya k'ị wụ e dufiegụọ ị, onyẹ nwẹn bi ẹgbata ọmụma eje-ihiẹn ghalẹni e ru ẹhụ, onyẹ nwẹn bi ebe kachanrịn elu e jẹn elu òke! Ọsụọn'a ị tụn ụlọ ị ye imẹ elu kẹ ugọn, m jẹnkọ d'a gha ebẹhụ nutu i. Mmẹ wụ Osolobuẹ ku ẹ.

Jerimaya 50:29

Kpọ nị ndị-ụta, ndị ile a gba ụta, nị wẹ kehunmẹ Babilọnụ; anịkwọlẹ ni onyẹ ọwụlẹ la! Mẹgwarị n'a ihiẹn o mẹ; mẹgwarị n'a ihiẹn ile o mẹ, makẹni ọ kpọgụọ Osolobuẹ mgba, Osolobuẹ, Onyẹ-nsọ Izrẹlụ.

Jerimaya 50:32

Onyẹ mpache jẹnkọ d'a kpọgburu, o k'a dan; onwọnni onyẹ k'e yen'ẹ ẹka lihi. M k'a mụ ọkụn ye alị ile rịn'a, ọ dụnpụ ihiẹn ile nọkunmẹn'ẹ.”

Jerimaya 51:25

Mmẹ lẹ ịyụ rọ, okẹn-ugu e tikpọ ihiẹn! Ịyụ hụn rị e tikpọ ụwa ile, ẹka m jẹnkọ d'e bitụ ị, nutu i, mẹ i wụrụ ugu la iwi. Mmẹ wụ Osolobuẹ ku ẹ.

Izikẹlụ 29:3

Sị: Osolobuẹ Nwọn Ihiẹn Ile sị: ‘Mmẹ lẹ yụ rọ, Fẹro eze Ijiptu, ẹregede eje-anụ hụn dinẹ ebẹhụ Iyi Naịlị rị, hụn sị, “Iyi Naịlị wụ nke m; ẹka m mẹni m'ẹ.”

Izikẹlụ 38:3

sị, ‘Osolobuẹ Nwọn Ihiẹn Ile sị: eze-kanị hụn a kị alị-eze Mẹshẹki lẹ alị-eze Tubalụ, mmẹ lẹ yụ rọ!

Izikẹlụ 39:1

“Nwa-ịhịan, bu amụma ihiẹn k'e mẹ Gọgụ. Sị, Osolobuẹ Nwọn Ihiẹn Ile sị, ‘Gọgụ eze Roshi lẹ Tubalụ-Mẹshẹki, mmẹ lẹ yụ rọ!

Izikẹlụ 5:8

mmẹ wụ Osolobuẹ nwọn ihiẹn ile rị nwan a gwa yụ wụ Jerusalẹm nị mmẹ lẹ yụ rọ! M jẹnkọ d'e mẹshi i ikẹn idẹnya alị ndị ọzọ.

Nahum 2:13

Mmẹ lẹ ịyụ rọ, Ninivẹ! Ya kẹ Osolobuẹ ihiẹn ile rị okpuru ẹ ku. M k'a dụn ụgbọ-anyịnyan ndị ahụn Ninivẹ nwọn ọkụn, e họnrin wẹ ẹnwụnrụn; ọpịa-agha k'e gbuchanrịn ndị nke i hụn wụ ụmụ ẹwọrọ ị, a napụ m'ị alị ndịnị ị rị e gbu a kwarị ihiẹn wẹ; anụkọzị wẹ olu ndị ụkọ ị!

Nahum 3:5

“Mmẹ lẹ ịyụ rọ, Ninivẹ!” Ya kẹ Osolobuẹ ihiẹn ile rị okpuru ẹ ku. “M sikọ d'a yọshi ẹkwa ị elu, e mẹ m alị ndị ọzọ hụn ọtọ ị a hụn wẹ ihiẹn-ifẹnrẹn i.

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Rẹvẹleshọnụ 18:8

Afụnfụn ile furun'ẹ k'e gi akpọhịn ohu bịachanrịn — kẹ ọnwụn, kẹ ihiẹn-ẹkwan, kẹ ụnwụn. Wẹ k'a kpọ a ọkụn. Ẹghẹẹ, makẹni Chuku-nwọnni-ẹnyi hụn rị e ye afụnfụn wụ dikẹn.”