Jerimaya 50:29 - Ika

²⁹ Kpọ nị ndị-ụta, ndị ile a gba ụta, nị wẹ kehunmẹ Babilọnụ; anịkwọlẹ ni onyẹ ọwụlẹ la! Mẹgwarị n'a ihiẹn o mẹ; mẹgwarị n'a ihiẹn ile o mẹ, makẹni ọ kpọgụọ Osolobuẹ mgba, Osolobuẹ, Onyẹ-nsọ Izrẹlụ.

Jerimaya 50:29 ပူးပေါင်းရင်းမြစ်များ

Ọpụpụ 10:3

Ya Mozizi lẹ Ẹrọnụ nọ jẹnburu Fẹro, sị a, “Lee ihiẹn Osolobuẹ wụ Chuku ndị Hibru ku: ọ sị, ‘Elee mgbe kẹ y'a gbabehini m isi-akwanran? Hatu ndị nke m nị wẹ lama, kẹni wẹ fe m.

Azaya 37:23

Onyẹ k'i kpari hụnnị ile, e kuja oku ẹ? Onyẹ k'ị gan hụnnị ile? Onyẹ k'ị rị e bọnmẹni? Onyẹ-nsọ Izrẹlụ rọ!

Azaya 47:10

Y'e gigụọ eje-omumẹ i dọn ẹnya, a sị enwẹn i, ‘Onwọnni onyẹ a hụnnị m.’ Uche lẹ amamihiẹn i nwọn e dufiegụọ ị — ebe i nọ sị enwẹn i, ‘Mmẹ rọ, onyẹ ọzọ arịa.’

Jerimaya 25:14

“Wẹ lẹ enwẹn wẹ wụ ndị Babilọnụ k'a wụzịkwọ igbọn alị bu ọda lẹ ndị-nze uku; m k'e mẹgwarị wẹ ihiẹn ile wẹ mẹ lẹ ihiẹn ile wẹ rụn.”

Jerimaya 48:26

“Ye Mụabụ afụnfụn ra n'ọ tụ a kẹ manya, makẹni ọ kpọ Osolobuẹ mgba; Mụabụ ya kperemẹ imẹ ẹgbọ a kẹni ya nwẹn wụrụzịkwọ ihiẹn w'a mụ ẹmụ.

Jerimaya 49:16

Egun i wẹ rị a tụ lẹ ihiẹn i rị e ro nị ya k'ị wụ e dufiegụọ ị, onyẹ nwẹn bi ẹgbata ọmụma eje-ihiẹn ghalẹni e ru ẹhụ, onyẹ nwẹn bi ebe kachanrịn elu e jẹn elu òke! Ọsụọn'a ị tụn ụlọ ị ye imẹ elu kẹ ugọn, m jẹnkọ d'a gha ebẹhụ nutu i. Mmẹ wụ Osolobuẹ ku ẹ.

Jerimaya 50:24

M k'e shini i ọnyan, Babilọnụ, y'a marịnkọ ogẹn y'e gi dan a, a hụn wẹ i, nwụndọn i, makẹni ị sọn Osolobuẹ dọ.

Jerimaya 50:26

Gha nị alị hụ teni bịa d'a maye ẹ ọgụn. Gbukpọchanrịn nị ebe wẹ e dọnmẹ ihiẹn w'e ri; kpọnkikomẹ ni Babilọnụ kẹ ikpọn-ọka! Tikpọchanrịn n'a! Egbuhọdụkwọlẹ ni onyẹ ọwụlẹ!

Jerimaya 50:32

Onyẹ mpache jẹnkọ d'a kpọgburu, o k'a dan; onwọnni onyẹ k'e yen'ẹ ẹka lihi. M k'a mụ ọkụn ye alị ile rịn'a, ọ dụnpụ ihiẹn ile nọkunmẹn'ẹ.”

Jerimaya 50:9

Lee ẹ, m sikọ d'a kpọli alị ichẹn-ichẹn wẹhẹ wẹ d'a lụsọn Babilọnụ agha, alị ichẹn-ichẹn hụn k'e bugbu enwẹn wẹ ọda, hụn ghasọnmẹ ẹbamịn-ugu bịa. Wẹ k'e werisọnmẹ ọnọdị lụsọn ẹ agha, gha ebẹhụ weri ẹ. Ụta wẹ jẹnkọ d'a nọ kẹ nke odogun-agha, hụn ghalẹni agbafie.

Jerimaya 51:24

“M jẹnkọ nwan d'a nọ idẹnya ụnụ mẹgwarị Babilọnụ lẹ ndị ile bi alị wẹ wụ Kal'di eje-ihiẹn ile wẹ mẹ imẹ Zayọnụ. Mmẹ wụ Osolobuẹ rị e ku.

Jerimaya 51:3

Eyelẹ ni ndị ụta efe gba ụta; eyelẹ ni ndị-agha a efe yiri ẹwuru-igwe agha! Edọnmẹlẹ ni ikorọbịa a ndụn; gbuchanrịn nị ndị-agha a.

Jerimaya 51:49

“Babilọnụ nkẹ k'a danzịkwọ makẹ ogbugbu hụn o gbu ndị Izrẹlụ, o k'a dan kẹ ndị ile o gbu dọn dan makẹ ihiẹn o mẹ wẹ.

Jerimaya 51:56

Onyẹ e tikpọnị lala d'a maye Babilọnụ; wẹ k'a nwụndọn ndị odogun-agha a, tigipụ ụta wẹ, makẹni Chuku hụn e mẹgwarịnị kẹ Osolobuẹ wụ: o sikọ d'e mẹgwarịrịrị.

Ẹkwan 1:9

Unyin hụn o ru ratọdẹ ẹkwa a — kanị o rodẹni ihiẹn k'e mẹn'ẹ ihun. Ọ nọ dan eje ẹdan, onwọnni onyẹ hụhụn'a. Euu Osolobuẹ, ledẹ afụnfụn m rị imẹ ẹ, nị hụn a nị eṅẹnrẹn e mẹrigụọ!

Ẹkwan 3:64

Osolobuẹ dodo, mẹ wẹ ihiẹn han kẹ ihiẹn wẹ mẹ, ihiẹn han kẹ ihiẹn ẹka wẹ mẹ.

Daniẹlụ 11:36

“Eze alị rị ẹbamịn-ugu k'e mẹ k'ọ sụọn'a. O k'a sị ya ka mmọn ile lẹ ihiẹn ile w'e fe, kujama oku Chuku hụn ka mmọn ile. Ihiẹn k'a rị a ghan'a d'e ru mgbe Osolobuẹ e gi ghọsịgụ ọnụma a hụn ọ rị e gi ẹ a ghọsị, makẹni ihiẹn Osolobuẹ kutọgụ sikọ d'e mẹrịrị.

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Daniẹlụ 5:23

Ị nọ bushimẹdẹ enwẹn i elu ebe Onyẹ nwọn elu-igwee rị, sị wẹ kịhanị ị mkpu ndị wẹ weri imẹ Ụlọ-nsọ a, ịyụ lẹ ndị-isi lẹ inyẹnmẹ i lẹ ndị mgba ị nọ gi wẹ ra manya; ị nọ jama mmọn ichẹn-ichẹn mma — kẹ nke goru kẹ nke siliva kẹ nke igwe-bronzu kẹ nke igwe-mmaka kẹ nke osisi kẹ nke ọmụma — mmọn ndị hụn ghalẹni e legha ụzọ mọbụ a nụ ihiẹn mọbụ a ghọta ihiẹn. Bụ y'e yeni Chuku ọghọ — Chuku, hụn gi ndụn ị lẹ ọpụpụ ị lẹ ọbanhan i.

Obadaya 1:15

“Ogẹn Osolobuẹ k'e gi mẹshi alị ile ikẹn a rịgụọ nsue. Ihiẹn onyẹ mẹ kẹ Osolobuẹ k'e mẹ ẹ; onyẹ-onyẹ k'e gi isi ẹ buru ihiẹn o mẹ.

Ndị Tẹsalonika Nke Ẹbụọ 1:6

Ezioku rọ, makẹni ọ hụghọ mma ẹnya Osolobuẹ n'o mẹgwarị ndị rị e ye ụnụ afụnfụn,

Ndị Tẹsalonika Nke Ẹbụọ 2:4

O k'e bunụmanị mmọn lẹ iyi ọwụlẹ lẹ ihiẹn ile w'e fe; o sikọ d'e weri enwẹn ẹ nị ịya ka wẹ ile; o sikọ d'e weridẹ ocho imẹ Ụlọ-nsọ Osolobuẹ kpọma enwẹn ẹ Osolobuẹ.

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”

Rẹvẹleshọnụ 18:6

“Mẹ ẹ ihiẹn o mẹ ndị-ọzọ! Mẹgwarị a ya ụzọ ẹbụọ! Gbaye ẹ manya k'o dọn gbaye ndị ọzọ, y'a gbayedẹ ẹ ya ụzọ ẹbụọ!