Jerimaya 50:19 - Ika

¹⁹ Kanị m k'e welụa Izrẹlụ alị wẹ wẹ nọ a kpa nni. Wẹ k'a nọzị ugu Kamẹlụ lẹ alị-aradan Bashanị e ri, ebẹhụ ihiẹn-oriri jun, nọzị elu-òke Ifrem lẹ ẹgbẹrẹ Gilẹdị e ri ihiẹn gụnị wẹ.

Jerimaya 50:19 ပူးပေါင်းရင်းမြစ်များ

Ẹzra 2:1

Ndịnị wụ ndị Ju, ndị Ẹgbẹrẹni, hụn lụanị imẹ ndị wẹ kpụnrụn, ndị ahụn eze Babilọnụ wụ Nebukadineza kpụnrụn shi Babilọnụ. Wẹ lụaha Jerusalẹm lẹ Juda; onyẹ-onyẹ lashi obodo ẹ.

Ẹbụ Solomọnụ 6:5

Dodo lebehi m — nị ẹnya ị ara nị m marịnzị ihiẹn m rị e mẹ. Ntutu i rị kẹ igunrun ewu gha ugu Gilẹdị kpọtula.

Azaya 33:9

Ụya rị nwan e ri alịnị ile, ọ hụ a la iwi, ẹgboko Lẹbanọnụ e shinwụngụọ, ifẹnrẹn e mẹgbu ẹ! Alị Sharọnụ rị nwan kẹ alị ọkpọ-nkụn. Osisi ndị jun Bashanị lẹ Kamẹlụ a gbụchanrịngụọ ẹhụhụọ.

Azaya 35:2

O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi.

Jerimaya 23:3

Mmẹ lẹ enwẹn m k'e kpọngbama ndị nke m k'a nwụnhọdụnị imẹ alị ndị ahụn m chụshi wẹ, wekinhẹn wẹ alị wẹ hụn wẹ nọ e rijun ẹfọ, alị w'a nọ mụba, buwaye ọda.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 30:7

Ogẹn hụ lalanị k'a jọgbu enwẹn ẹ! Onwọnni eje-ogẹn nọ kẹ ya. O jẹnkọ d'a wụnị ebọn Jekọpụ ogẹn okẹn nsọngbu, kanị o k'a hụn isi wanahịn.’ ”

Jerimaya 31:14

M k'e ye ndị nchụn-ẹjan ihiẹn ọda-ọda; ndị nke m k'e rijun ẹfọ ọhụnma-ọhụnma.” Ya kẹ Osolobuẹ ku.

Jerimaya 31:25

M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Jerimaya 31:6

Ogẹn lala hụn ndị a kpọ ọgwa k'e gi gha òke rịsọnmẹ ẹgbẹrẹ Ifrem a hị, ‘Pụha nị, nị ẹnyi jẹn Zayọnụ d'e fe Osolobuẹ wụ Chuku ẹnyi.’ ”

Jerimaya 32:37

‘M jẹnkọ d'a gha alị ile m gi olulu m rị a dụn kẹ ọkụn lẹ okẹn-ọnụma m chụshi wẹ wepụhazị wẹ, welụa wẹ ebeni, e mẹ m wẹ biri ẹ udọn lẹ ndọnkwa.

Jerimaya 46:27

“Odibo m, Jekọpụ, atụkwọlẹ egun; Izrẹlụ, anịkwọlẹ ndụn gụ ị. M jẹnkọ d'a gha alị ahụn tegbu enwẹn ẹ ị rị zụọpụha ị, m k'a gbapụha ẹbozo i imẹ alị hụ wẹ kpụnjẹn wẹ. Jekọpụ jẹnkọ d'e bizi udọn lẹ ndọnkwa, onwọnzini onyẹ k'e rọn ẹ egun.

Jerimaya 50:6

“Ndị nke m a wụrụgụọ atụnrụn tuhuni; ndị-ndu wẹ e duhuhugụọ wẹ, mẹ wẹ wahunmẹmẹ elu ugu rị ichẹn-ichẹn. Wẹ hụ a wahunmẹ elu ugu lẹ òke, zọ ebe wẹ nọ e zu ikẹn.

Izikẹlụ 11:17

“Sị wẹ nwan, nị Osolobuẹ nwọn ihiẹn ile sị wẹ, ‘M jẹnkọ d'a gha imẹ ndị alị ndị ọzọ lẹ alị ichẹn-ichẹn m fe ụnụ ye kịlụa ụnụ; e weyezi m ụnụ alị Izrẹlụ.’

Izikẹlụ 36:24

“M sikọ nwan d'e weri ụnụ imẹ alị ndị ọzọ, e wegbama m ụnụ welụa alị ụnụ.

Izikẹlụ 36:33

“Osolobuẹ Nwọn Ihiẹn Ile sị: ‘Ụhụọhịn ahụn m k'e fepụ ụnụ ẹhụ njọ ile, m k'e mẹzi ịhịan bikin obodo ichẹn-ichẹn rị alị ụnụ, mẹ wẹ tụndọnzi ndị tikpọnị;

Izikẹlụ 38:8

Ọ nọbe, m k'a kpọ ị ọrụn; ihun-ihun, i k'e jẹn d'a lụsọn alị ohu agha: alị wẹ dọnzigụhụ kẹ agha tikpọgụ a, ndị wẹ ghagụhụ alị bu ọda wekinhẹn alị wẹ. Alị ugu wụ Izrẹlụ rọ. Alị hụn te gbabie okpokoro, wẹ nọ gha alị ndị ọzọ rị ichẹn-ichẹn welụa wẹ, e bimẹzi wẹ udọn-lẹ-ndọnkwa.

Izikẹlụ 47:18

“Ebe o k'a gha ẹbamịn ọwụwa-ẹnyanwụn jẹnkọ d'a gha ẹgbata Haụranị lẹ Damaskọsụ gbasọnmẹ Iyi-Jọdanị hụn rị ẹgbata Gilẹdị lẹ alị Izrẹlụ, d'a pụ ụsụọ Ohimin Nnu, Ohimin Nwụnnị, hụn rị ẹbamịn ọwụwa-ẹnyanwụn d'e rukwọrị Tama. Ọhụn wụ okẹn ẹ ẹbamịn ọwụwa-ẹnyanwụn.

Maịka 7:14

Osolobuẹ dodo, gi ọkpọ ị du ndị nke i, atụnrụn ị hụn wẹ sụọ bi imẹ ọfịa, ọsụọn'a nị wẹ rị adamada ogige mẹ wokowoko. Dodo nịzị wẹ kpa nni imẹ Bashanị lẹ Gilẹdị kẹ wẹ e mẹ mbụ-mbụ.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹkaraya 10:10

M k'a gha alị Ijiptu welụa wẹ ụlọ, e kpọnlụazị m ndị rị alị Asiria. M k'e welụa wẹ, we wẹ chekwọrị ẹgbẹrẹ Gilẹdị lẹ Lẹbanọnụ; alị wẹ ezukọdẹ wẹ bi!

Ọgụngụn 32:1

Ebọn Rubẹni lẹ ebọn Gadị nwọn efin lẹ atụnrụn lẹ ewu ọda-ọda. Ogẹn wẹ gi hụn nị alị Jaza lẹ Gilẹdị a rịka mma w'a nọ kpa anụ,

Ọgụngụn 32:4

hụn rịsọnmẹ alịnị Osolobuẹ mẹrini ẹnyi wụ ndị Izrẹlụ arịka mma wẹ a nọ kpa anụ, bụ ẹnyi ụmụ ị e nwọnghọ anụ.

Joshụa 17:15

Joshụa nọ sị wẹ, “Omẹni ụnụ e bukẹ ọda, nị alị-ugu Ifrem a ehini ụnụ, shi ni nwan ẹgboko, d'a sụnrụn alị imẹ alị hụ ndị Pẹrẹzi lẹ ndị adụn-aran Rẹfa bi.”