Jerimaya 50:18 - Ika

¹⁸ Ufiri ẹ, mmẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, sị: M jẹnkọ d'e ye eze Babilọnụ lẹ alị a afụnfụn kẹ m dọn ye eze Asiria afụnfụn.

Jerimaya 50:18 ပူးပေါင်းရင်းမြစ်များ

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Jerimaya 27:7

Alị ile jẹnkọ d'e humẹn'ẹ isi, humẹni nwa a isi, humẹzini nwa-nwa a isi d'e ru ogẹn m'e gi tikpọzịkwọ alị ya nwẹn wụ Babilọnụ. O ru ogẹn hụ, alị bu ọda lẹ ndị-nze bu ọda a kpazịkwọ ikẹn jẹnkọ d'e mẹri Babilọnụ, kịma a.

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Nahum 3:18

Heuu, Eze Asiria rị Ninivẹ a kị! Ndị-ndu i rị e ru ụran! Ndị isi i e dinẹgụọ ranhịn. Ndị nke ụnụ a gbayịyagụọ elu ugu, onyẹ k'e dulụanị wẹ arịa.

Nahum 3:7

Onyẹ hụn ị, ọ gbanị ị ọsọ, sị, ‘Euu, e tikpọgụọ wẹ Ninivẹ la iwi! Onyẹ k'a saẹka hụhụ ị?’ Elebe kẹ m'a nọ hụn onyẹ k'a saẹka hụhụ ị?”

Habakọkụ 2:8

Makẹni ụnụ e gbugụọ ndị alị bu ọda kwarị ihiẹn wẹ, ndị họdụsọnmẹ alị ndị hụ k'e gbu ụnụ, kwarị ihiẹn ụnụ — makẹ ndị ụnụ gbu lẹ eje-ihiẹn ụnụ mẹ alị lẹ obodo rị ichẹn-ichẹn lẹ ndị bi imẹ wẹ.

Ditrọnọmi 32:41

ogẹn m'e gi sụọnchanpụgụ ọpịa-agha m hụn e be nwanran-nwanran, kwọndọn ẹ hụn m'e gi mẹ wẹ ihiẹn wẹ chọ, m k'e mẹgwarị ndị-iṅẹnrẹn m; m k'a kụ ndị ize m e ze ụgwọ ihiẹn w'e mẹ.