Jerimaya 50:17 - Ika

¹⁷ “Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Jerimaya 50:17 ပူးပေါင်းရင်းမြစ်များ

Ndị-nze Nke Ẹbụọ 15:19

Pulu eze Asiria, nọ maye alị ahụn, Menahẹm nọ bu ẹkpa siliva nnụ-uku (1,000) ye Pulu kẹni Pulu kwadọn ẹ, mẹ ọkịkị banchanrịn a ẹka.

Ndị-nze Nke Ẹbụọ 15:29

Ogẹn Pẹka gi wụ eze Izrẹlụ Ẹbamịn ugu kẹ eze Asiria — hụn wụ nwan Tiglatị-Pilesa — gizi bịa, weri obodo ndịnị wẹ: Ijọnụ lẹ Ebẹlụ-Bẹt-Maaka lẹ Janụa lẹ Kẹdẹshi lẹ Hazọ. Ọ nọzị weri Gilẹdị lẹ Galili (o weri alị Naf'tali ile rị Galili). Ọ nọ kpụnrụn ndị bini wẹ, shi alị a wụ Asiria.

Ndị-nze Nke Ẹbụọ 24:1

Ogẹn Jehoyakim gi rị a kị, Nebukadineza wụ eze Babilọnụ nọ bịa ọgụn. Jehoyakim lẹ ndị Juda nọ rị okpuru ẹ ọrọgbọ ahụa ẹtọ. Kanị, o mẹgụ, Jehoyakim nọ rohutọ, femẹni Nebukadineza isi.

Ndị-nze Nke Ẹbụọ 24:10

Ogẹn ahụn, ndị-agha Nebukadineza eze Babilọnụ nọ bịa d'e kehunmẹ Jerusalẹm.

Ndị-nze Nke Ẹbụọ 25:1

Hụn mẹ ẹ ahụa itenẹi Zẹdikaya kịma, nke akpọhịn iri imẹ ọnwan nke iri, Nebukadineza wụ eze Babilọnụ nọ gi ufiri isi Zẹdikaya nupụ kịha ndị-agha a ile d'a maye Jerusalẹm ọgụn. Nebukadineza wẹ nọ kehunmẹ obodo hụ, tụn ebe wẹ nọ a gba ụta ghahunmẹ mgbọn obodo hụ.

Ihiẹn Mẹni Nke Ẹbụọ 28:20

Tiglatị-Pilesa, eze Asiria a bịaghọ d'a za oku, kanị nsọngbu k'o ye Ahazị, ẹlẹ eyemẹka.

Ihiẹn Mẹni Nke Ẹbụọ 33:11

Ya Osolobuẹ nọ wẹhẹni wẹ ndị-isi agha eze Asiria lẹ ndị-agha wẹ d'e mẹ wẹ ihiẹn; wẹ nọ nwụnrụn Manasẹ, bu ukpo che ẹ imi, gi aba igwe-bronzu kpọdọn ẹ, we ẹ shi Babilọnụ.

Azaya 15:9

Ẹdeke e jundẹ mirin obodo wẹ Dimọnụ, kanị m'e ke mẹgụ Dimọnụ ihiẹn m k'e mẹ ẹ — ẹwọrọ ya d'a maye ndị Mụabụ — kẹ ndị hụn isi gbapụ kẹ ndị họdụ imẹ alị Mụabụ.

Azaya 47:6

M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Jerimaya 10:25

Gi ọnụma ị sọn alị ndị ahụn ghalẹni e fe i, ndị ahụn ghalẹni a kpọku ẹfan ị. Makẹni e gbuchanrịngụọ wẹ ebọn Jekọpụ; e gbuchanrịngụọ wẹ wẹ, tikpọchanrịn alị a.

Jerimaya 2:15

E dẹngụọnị w'a kẹ ẹwọrọ; a bangụọnị w'a mban. E tikpọgụọ wẹ alị a la iwi; a dụngụọ wẹ obodo ndị rịn'a ọkụn gba wẹ okpokoro.

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 4:7

Ẹwọrọ a ghagụọ ebe o bi pụha; onyẹ rị e tikpọ alị ichẹn-ichẹn e buligụọ. Ọ ghaọlẹ ebe ọ rị pụha d'e tikpọ alị ụnụ la iwi. Obodo ile rị alị ụnụ jẹnkọ d'e họnrin mkpọkọ-mkpọkọ, obodo ịhịan bilẹni.

Jerimaya 49:19

“Lee ẹ! Kẹ ẹwọrọ dọn a gha ọfịa mkpẹnrẹn Iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị: ẹrịra kẹ m k'a maye Ẹdọm idẹnmuzi, mẹ wẹ gba alị wẹ tọ. Onyẹ m chọ kẹ m e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 5:17

Wẹ k'e ripụ ihiẹn-ugbo lẹ ihiẹn-oriri ụnụ, gbupụ ụmụ ikẹnnyẹ lẹ ikpoho ụnụ; wẹ k'e ripụ atụnrụn lẹ ewu lẹ efin ụnụ, ripụ alị vaịnị lẹ alị figi ụnụ. Wẹ k'e gi ọpịa-agha tikpọchanrịn obodo ụnụ ile zegbu enwẹn ẹ ụnụ gi e dọn ẹnya.

Jerimaya 5:6

Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Jerimaya 50:6

“Ndị nke m a wụrụgụọ atụnrụn tuhuni; ndị-ndu wẹ e duhuhugụọ wẹ, mẹ wẹ wahunmẹmẹ elu ugu rị ichẹn-ichẹn. Wẹ hụ a wahunmẹ elu ugu lẹ òke, zọ ebe wẹ nọ e zu ikẹn.

Jerimaya 51:38

Wẹ ile hụ e dẹn kẹ ikoro-ẹwọrọ, e dẹn kẹ mmụ ẹwọrọ.

Jerimaya 52:1

Zẹdikaya rị nwa ahụa ohu kwasị ọgụn k'o họnrin eze. Imẹ Jerusalẹm k'ọ nọ kị; ahụa mmanaị k'ọ kị, Nnẹ ẹ wụ Hamutalụ nwa Jerimaya onyẹ Libna.

Izikẹlụ 34:12

Kẹ onyẹ e du atụnrụn rị igunrun atụnrụn dọn a chọ ndị kpapụnị, ẹrịra kẹ m k'a dọn chọ atụnrụn m. A zụọpụha m wẹ ebe-lẹ-ebe wẹ gbajẹn ụhụọhịn igwere fọnlẹni.

Daniẹlụ 6:24

Eze nọ zi wẹ, wẹ nọ jẹn d'e wẹhẹ ndị ahụn gi iwe Daniẹlụ rị e weni wẹ kpe Daniẹlụ, tụ wẹ ye imẹ olu ẹwọrọ hụ — wẹ lẹ inyẹnmẹ wẹ lẹ ụmụ wẹ. W'e ke rudẹ alị olu ahụn kẹ ẹwọrọ ndị hụ maye wẹ, kpagichanrịn ọkpụkpụ ile rị wẹ ẹhụ.

Juwẹlụ 3:2

m k'e wegbama alị ile, e wẹhẹ m wẹ Ọdanmgbugbu Jehoshẹfatị, nọ ebahụn hangbu wẹ eṅẹn yeni ihiẹn ile wẹ mẹ ndị nke m, hụn wụ ukuu m: e kpọnyịyagụọ wẹ Izrẹlụ ye alị ndị-ọzọ, keri alị m;

Pita Ibuzọ 2:25

Ụnụ te rị a kpahu kẹ atụnrụn, kanị ụnụ e kinhẹngụọ nwan d'e kunrun onyẹ hụn e du ụnụ kẹ atụnrụn, onyẹ hụn e lepụ umẹ-ndụn ụnụ ẹnya.