Jerimaya 50:15 - Ika

¹⁵ Yi ni n'ẹ oro-agha azụụn ile! Ọ rịọmagụọ dodo! Ụlọ-agha a ile a dangụọ! E tikpọchanrịn wẹ mgbọn ẹ! makẹni mmẹ wụ Osolobuẹ rị e mẹgwarị a. Mẹgwarị n'a! Mẹ n'ẹ ihiẹn o mẹ ndị ọzọ!

Jerimaya 50:15 ပူးပေါင်းရင်းမြစ်များ

Ihiẹn Mẹni Nke Ibuzọ 29:24

Ndị ile gi ọkwa lẹ ndị odogun-agha ile lẹ ụmụ-ikẹnnyẹ eze wụ Defidi kwezikwọ nkwa ụhụọhịn ahụn wẹ tumẹ Solomọnụ nị wẹ k'a rị okpuru ẹ.

Ihiẹn Mẹni Nke Ẹbụọ 30:8

Ebukwọlẹ ni isi-ikẹn nọkẹ ndị nẹdi ụnụ; humẹni ni Osolobuẹ isi. Bịa nị Ụnọ-nsọ hụn o dọn nsọ jẹnrin ejẹn. Fe ni Osolobuẹ wụ Chuku ụnụ, kẹni olulu ọkụn ọ rị e busọn ụnụ rọ.

Ẹbụ-ọma 149:7

hụn w'e gi mẹgwarị alị ndị-ọzọ, ye alị ndị-ọzọ afụnfụn,

Ẹbụ-ọma 94:1

Osolobuẹ, Chuku hụn e mẹgwarị ndị-njọ; Chuku hụn e mẹgwarị ndị-njọ, dodo ghọsị nwan ẹka ị!

Azaya 59:17

O yiri ezi-omumẹ rịkẹ ẹwuru-igwe onyẹ-agha gi e gbọndọn obi; kpuru nzụọpụha nọkẹ okpu-igwe onyẹ-agha; yiri mmẹgwarị o k'e mẹgwarị ndị-iṅẹnrẹn ẹ lekẹ ẹwuru; olulu ọ rị e bu nọ a kẹ mgburu ọ tụye olu.

Azaya 59:18

Ihiẹn onyẹ-onyẹ mẹ k'o k'e gi sọn ẹ: o k'e ye ndị iṅẹnrẹn ẹ afụnfụn, mẹshi ndị rị a lụsọn ẹ ọgụn ikẹn — o k'e yedẹ alị ndị rị mkpẹnrẹn ohimin teni afụnfụn ihiẹn wẹ mẹ.

Azaya 61:2

o zi m d'a hị nị ahụa Osolobuẹ e gi mẹni ndị nke ẹ ọhụnma e rugụọ, nị ụhụọhịn Chuku ẹnyi e gi mẹgwarị ndị kwọndọnni wẹ e rugụọ; o zi m d'a rọkọ ndị ile rị a kwannị obi,

Azaya 63:4

Makẹni ọ rịọlẹ m obi nị m k'e mẹgwarị; makẹni ahụa m'e gi gbapụha e rugụọ.

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Jerimaya 50:14

“Kehunmẹ ni Babilọnụ, ụnụ ile a gba ụta. Gba n'a ụta! Agbahọdụkwọlẹ ni akpụ ọbara-ụta ohu, n'o mẹgụọ Osolobuẹ njọ.

Jerimaya 50:25

Osolobuẹ a kpọpụgụọ ụlọ ihiẹn-ọgụn a, o wepụhagụọ hụn o gi a ghọsị ọnụma a — makẹni Osolobuẹ ihiẹn ile rị okpuru ẹ, Onyẹ hụn nwọn ihiẹn ile, nwọn ihiẹn o jẹnkọ d'a rụn imẹ Babilọnụ.

Jerimaya 50:44

“Lee ẹ! Kẹ ẹwọrọ dọn a gha ọfịa mkpẹnrẹn iyi-Jọdanị a pụha ebe atụnrụn nọ a kpa nni mkpẹnrẹn mirin hụ ghalẹni a tahị, ẹrịra kẹ m k'a dọn maye ndị Babilọnụ idẹnmizi, mẹ wẹ gba alị wẹ tọ. Onyẹ m chọ kẹ m'e gi mẹ ẹ. Onyẹ nọ kẹ mmẹ? Onyẹ k'a jụ m ihiẹn ọwụlẹ? Elee eze k'a s'ẹka che m ọgụn?”

Jerimaya 51:11

Osolobuẹ sị, “Pịn nị ọbara-ụta! Buru ni akpaịn ụnụ! Osolobuẹ a kpọligụọ ndị-nze alị Mẹdịa, makẹni Osolobuẹ chọ n'o tikpọ alị Babilọnụ. Osolobuẹ k'e mẹgwarị — o k'e mẹgwarị wẹ ihiẹn wẹ mẹ Ụnọ-NSỌ a.

Jerimaya 51:14

Osolobuẹ ihiẹn ile rị okpuru ẹ e kungụọ enwẹn ẹ, sị: M k'e mẹrịrị ndị-agha kpụ ị kẹ igurube; wẹ k'e mẹri i, yi oro mmẹri.

Jerimaya 51:24

“M jẹnkọ nwan d'a nọ idẹnya ụnụ mẹgwarị Babilọnụ lẹ ndị ile bi alị wẹ wụ Kal'di eje-ihiẹn ile wẹ mẹ imẹ Zayọnụ. Mmẹ wụ Osolobuẹ rị e ku.

Jerimaya 51:25

Mmẹ lẹ ịyụ rọ, okẹn-ugu e tikpọ ihiẹn! Ịyụ hụn rị e tikpọ ụwa ile, ẹka m jẹnkọ d'e bitụ ị, nutu i, mẹ i wụrụ ugu la iwi. Mmẹ wụ Osolobuẹ ku ẹ.

Jerimaya 51:30

“O ru ogẹn ahụn, ndị odogun-agha Babilọnụ k'a lụbehi agha, aghakọ wẹ ebe w'a warị pụha. Ndụn k'a gụchanrịn wẹ; wẹ k'a nọ kẹ ikpoho. Ndị lalanị k'a mụ ọkụn ye ụlọ wẹ ile, tigipụ ihiẹn ile wẹ gi kpọkin ọnụ-mgbọn wẹ.

Jerimaya 51:36

Osolobuẹ rị nwan a sị Jerusalẹm, “M jẹnkọ d'e kun'i ọnụ ị, mẹgwarịn'ị; m k'e mẹ ohimin ẹ tahị, mẹ isi-mirin ẹ tahị.

Jerimaya 51:44

M jẹnkọ d'e ye Bẹlụ mmọn Babilọnụ afụnfụn, mẹ ẹ gbọpụ ihiẹn o lue. Alị ile erujẹnkọzị ebe ọ rị. Mgbọn Babilọnụ k'a dan!

Jerimaya 51:58

“Osolobuẹ ihiẹn ile rị okpuru ẹ sị, ‘Wẹ k'a kụtuchanrịn mgbọn Babilọnụ hụ nwọngbu enwẹn ẹ ulu, dụn ọnụ-mgbọn ẹ ahụn jẹngbu enwẹn ẹ elu ọkụn; alị ile rị a rụngbuhụ enwẹn wẹ mmaka, alị ile rịhụ a rụntọnị ọkụn.’ ”

Jerimaya 51:6

“Ghakwọ nị Babilọnụ gbapụha! Zụọrịkwọ nị isi ọnụ! Anịkwọlẹ ni njọ a na ụnụ isi! Ogẹn Osolobuẹ e gi mẹgwarị a e rugụọ, ogẹn o gi kụ a ụgwọ ihiẹn o mẹ.

Jerimaya 51:64

I mẹgụ a, sị, ‘Ẹnịna kẹ Babilọnụ k'a dọn zụnban alị, ọ pụhakọzị, yeni otikpọ m jẹnkọ d'e tikpọ a. Ẹhụ jẹnkọ d'a rọ wẹ.’ ” Ebeni kẹ ihiẹn Jerimaya ku ru.

Ẹkwan 5:6

Ẹnyi e bugụọ enwẹn ẹnyi che okpuru alị Ijiptu lẹ alị Asiria kẹni ẹnyi a hụndẹ ihiẹn ẹnyi e ri.

Izikẹlụ 17:18

O lelịagụọ Ẹfan m o kun, tikpọ nkwa hụn o gi Ẹfan m kwe wẹ. Makẹni o biyegụnị wẹ ẹka mẹ ihiẹn ndịnị ile o mẹ, ọ wanahịnkọ.

Izikẹlụ 21:22

Utẹn k'a sị Jerusalẹm rọ, y'a jẹn d'a lụsọn ẹ agha. Wẹ k'a tụnnị Jerusalẹm ihiẹn wẹ gi e tikpọ mgbọn, sị wẹ tikpọ a. Wẹ k'e yi oro agha maye ẹ. Wẹ k'e bu ihiẹn ndị hụ wẹ gi e tikpọ mgbọn che ọnụ-mgbọn ndị rịn'a. Wẹ k'a tụn mkpọnyin lẹ ihiẹn ndị ọzọ w'a nọ a lụsọn alị wẹ tụnhunmẹ mgbọn agha.

Nahum 1:2

Chuku ẹnya a fụ lẹ hụn e mẹgwarịnị kẹ Osolobuẹ wụ; Osolobuẹ e mẹgwarị emẹgwarị, e bu olulu ọda-ọda; Osolobuẹ e mẹgwarị ndị iṅẹnrẹn ẹ, ọ tọ e buni ndị-iṅẹnrẹn ẹ olulu.

Matiu 7:2

K'i dọn han eṅẹn kẹ Osolobuẹ k'a dọn hann'ị. Ẹka i gi sọn ịhịan kẹ Osolobuẹ k'e gi sọn i.

Luku 21:22

Makẹni ogẹn mmẹgwarị rọ, ogẹn w'e gi mẹzuchanrịn ihiẹn ile wẹ de imẹ Ẹkụkwọ-nsọ.

Ndị Rom 12:19

Ndị ọwụ m, emẹgwarịlẹ ni; ka la nị mmẹgwarị tọnị Osolobuẹ, makẹni Ẹkụkwọ-nsọ sị, “Di-nwọnni-ẹnyi sị, ‘Mmẹ nwọn mẹgwarị; mmẹ k'a kụ ụgwọ.’ ”

Ndị Rom 3:5

O mẹ nwan nị eje-omumẹ ẹnyi e mẹ wẹ a hụnchanrịn ezi-omumẹ Osolobuẹ, kị ẹnyi e ku nwan? Nị ẹnyi sị nwan nị Osolobuẹ mẹ njọ ebe ọ nọ ye ẹnyi afụnfụn? (M rị e ku ẹ kẹ ịhịan).

Ditrọnọmi 32:35

Mmẹ nwọn mẹgwarị; m k'a kụ wẹ ụgwọ ihiẹn wẹ mẹ. O ru ogẹn hụ, ụkụ wẹ k'e kpori; ụhụọhịn w'e gi tikpọ wẹ a rịgụọ nsue, ọnwụn wẹ gbala ọsọ.

Ditrọnọmi 32:41

ogẹn m'e gi sụọnchanpụgụ ọpịa-agha m hụn e be nwanran-nwanran, kwọndọn ẹ hụn m'e gi mẹ wẹ ihiẹn wẹ chọ, m k'e mẹgwarị ndị-iṅẹnrẹn m; m k'a kụ ndị ize m e ze ụgwọ ihiẹn w'e mẹ.

Ditrọnọmi 32:43

Alị ndị ọzọ rị ichẹn-ichẹn, sọn ni ndị nke ẹ ghọghọ, makẹni o jẹnkọ d'e mẹgwarị ndị gbu idibo ẹ; o jẹnkọ d'e mẹgwarị ndị-iṅẹnrẹn ẹ, mẹ ihiẹn gi gbarị alị a lẹ ndị nke ẹ.

Ndị Tẹsalonika Nke Ẹbụọ 1:8

Wẹ k'e gi ọkụn rị e nwunni bịa; wẹ k'e mẹgwarị wẹ ile marịnlẹni Osolobuẹ lẹ ndị hụn mẹlẹni ihiẹn oziọma Di-nwọnni-ẹnyi Jesu ku,

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.

Joshụa 6:20

Mgbe opi ndị ahụn gi nwan hanzị, ndị Izrẹlụ nọ yi oro. Hụn opi ndị ahụn gihụ han, e yi wẹ okẹn oro, mgbọn hụ nọ ziẹntu; onyẹ ọwụlẹ imẹ ndị-agha hụ nọ zụnban imẹ obodo, onyẹ-onyẹ lẹ ebe ọ rị; ya wẹ nọ weri obodo hụ.

Joshụa 6:5

Ị nụ kẹ opi ndị ahụn hanbie, y'e mẹ ndị-agha ahụn ile yi okẹn oro; mgbọn obodo hụ jẹnkọ d'e ziẹntuchanrịn, ndị-agha ahụn a zụnban imẹ ẹ, onyẹ-onyẹ lẹ ebe ọ rị.”

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”

Rẹvẹleshọnụ 18:6

“Mẹ ẹ ihiẹn o mẹ ndị-ọzọ! Mẹgwarị a ya ụzọ ẹbụọ! Gbaye ẹ manya k'o dọn gbaye ndị ọzọ, y'a gbayedẹ ẹ ya ụzọ ẹbụọ!

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”

Samuẹlụ Nke Ibuzọ 15:33

Kanị Samuẹlụ nọ sị a, “Kẹ ọpịa-agha ị dọn gba ikpoho ẹka nwa, ẹrịra kẹ nnẹ i k'a gba ẹka nwa.” Ya kẹ Samuẹlụ nọ nọ ihun Osolobuẹ imẹ Gil'galụ jakịka Agagị.