Jerimaya 50:13 - Ika

¹³ M gi ọnụma mẹgụ Babilọnụ ihiẹn m k'e mẹ ẹ, ịhịan ebikọzị a; o k'a gbachanrịn okpokoro. Onyẹ ghafe Babilọnụ, egun a tụ a, ọ jụsọhị makẹ ihiẹn mẹn'ẹ.

Jerimaya 50:13 ပူးပေါင်းရင်းမြစ်များ

Jobu 27:23

Ufere ahụn hụ e gi ẹ e gu egu, a mụ a ẹmụ; ọ hụ e bupụ a ọnọdị a, a zụn ụzụn kẹ onyẹ rị a ma ọsụa (ọsụọ).

Jerimaya 18:16

Alị wẹ jẹnkọ nwan d'a gba okpokoro, wụrụ ihiẹn w'a mụ ẹmụ jẹnrin ejẹn; onyẹ ghafe, o be ọrịọ, finfin isi.

Jerimaya 19:8

M k'e tikpọchanrịn obodoni, o họnrin ihiẹn w'a mụ ẹmụ; onyẹ ghafe, egun a tụ a, o finfin isi, ma ọsụa (ọsụọ) makẹ eje-ihiẹn hụn mẹ obodoni.

Jerimaya 25:12

“Kanị, ahụa iri kwasị ọgụn-ẹtọ ahụn zugụ, m k'e ye eze Babilọnụ lẹ ndị alị a, ndị Kal'di, afụnfụn njọ wẹ. Mmẹ wụ Osolobuẹ e kugụọ a. M k'e mẹ ẹ gba okpokoro jẹnrin ejẹn.

Jerimaya 34:22

M jẹnkọ nwan d'a kpọkinhẹn wẹ imẹ obodoni. Wẹ k'a lụsọn ẹ agha, weri ẹ, dụn a ọkụn. M k'e tikpọchanrịn obodo ile rị alị Juda, ịhịan ebikọzị a.’ ”

Jerimaya 49:17

Ẹdọm k'a wụrụ ihiẹn egun, hụn onyẹ ọwụlẹ ghafen'ẹ k'e gi jụsọhị; wẹ k'a gha a ben'ẹ ọrịọ yeni ihiẹn hụn mẹn'ẹ.

Jerimaya 50:3

Makẹni alị ohu rị ẹbamịn-ugu lala d'a lụsọn Babilọnụ agha, tikpọ alị a la iwi. Onwọnni onyẹ k'e bizi imẹ ẹ; kẹ ịhịan kẹ anụmanụ jẹnkọ d'a gbapụ.

Jerimaya 51:26

Ahụnkọdẹ wẹ ọmụma ọwụlẹ imẹ i weri, kẹ hụn w'e gidẹ gbe iyetọ mọbụ dadọn ụlọ, makẹni ị k'a gbachanrịn okpokoro jẹnrin ejẹn. Mmẹ wụ Osolobuẹ ku ẹ.

Jerimaya 51:29

Elu ụwa jẹnkọ d'e mẹhunmẹ, a fịkọ, makẹni Osolobuẹ k'e mẹrịrị ihiẹn ọ mamanị Babilọnụ — ntikpọ hụ ọ sị o k'e tikpọ alị Babilọnụ, nkewụnị ịhịan ebikọzị a.

Jerimaya 51:37

Babilọnụ k'e họnrin mkpọkọ-mkpọkọ, anụ-ọfịa e bikin ẹ; ọ wụrụ ihiẹn egun w'e gi a kpa ẹmụ, ebe ịhịan bilẹni.

Jerimaya 51:62

Ị gụngụ a, sị, ‘Osolobuẹ, y'e kugụọ n'i jẹnkọ d'e tikpọ ebeni, nke wụnị kẹ ịhịan kẹ anụmanụ ebikọzị a, o gba okpokoro jẹnrin ejẹn.’

Izikẹlụ 27:36

Ndị-afịa rị alị ichẹn-ichẹn hụ a man'ị ụsụa; eje-ihiẹn a tụ egun e mẹọlẹ i; y'a rịkọzị.’ ”

Zẹfanaya 2:15

Ọnwan wụ obodo Ninivẹ nwẹn te rị a ṅannị, hụn nwọnlẹni ihiẹn ọ tụ egun ẹ! Ninivẹ hụn e te sị enwẹn ẹ, “Mmẹ rọ! Onwọnni onyẹ han kẹ mmẹ!” Lee k'o gba nwan okpokoro! O họnringụọ nwan ebe anụ ọfịa e bi! Onyẹ pụha ebe Ninivẹ te rị, ọ ma ọsụọ, o be ọrịọ.

Zẹkaraya 1:15

kanị iwe alị ndị ọzọ ndịnị ẹhụ fu rị e we m, makẹni e gigụọ wẹ ẹkẹrẹ olulu m te rị e buni ndị nke m mẹ wẹ eje-ihiẹn.’

Ditrọnọmi 29:22

Ụmụ ụnụ ndị lala ogẹn ụnụ ghafegụ lẹ ndị itumunyẹ ghasọnmẹ ebe teni bịa sikọ d'a hụn nsọngbu kunrun alị ahụn lẹ emu Osolobuẹ tụ a.