Jerimaya 5:24 - Ika

²⁴ W'a ra sịdẹ enwẹn wẹ, ‘Nị ẹnyi gbaye ni Osolobuẹ wụ Chuku ẹnyi, hụn e zihẹ mirin ogẹn ẹ: kẹ mirin ẹnyi gi a kụn ihiẹn-ugbo kẹ hụn ihiẹn-ugbo gi e mẹ ọhụnma; hụn e mẹ ẹnyi a hụnsọnmẹ mkpụrụ a ghọrị ogẹn ịghọ-mkpụrụ.’

Jerimaya 5:24 ပူးပေါင်းရင်းမြစ်များ

Jẹnẹsisi 8:22

Ụwanị e we gụ, ogẹn ọkụnkụn lẹ ogẹn ọghịghọ k'a rịsọnmẹ; ogẹn oyi lẹ ogẹn uwowo k'a rịsọnmẹ; ogẹn ọkọkị lẹ ogẹn udu-mirin k'a rịsọnmẹ; uhinhin lẹ efinnaị k'a rịsọnmẹ.”

Ndị-nze Nke Ibuzọ 17:1

Ya kẹ Ẹlaịja onyẹ obodo Tishibẹ alị Gilẹdị nọ sị Eze wụ Ehabụ, “Ma Osolobuẹ wụ Chuku Izrẹlụ hụn m wụ onyẹ-ọrụn a, igirigi eziẹnkọ, mirin ezuekọ d'e ru ahụa m sị a mẹ!”

Jobu 29:23

Wẹ te e che m kẹ w'e che mbụmbụ-mirin, e lura oku m kẹ mirin-ahụa.

Jobu 38:37

Onyẹ nwọn amamihiẹn hụn o gi gụn orukpu rị igwere? Onyẹ a sa ẹka e gbugemẹ ite-mirin rịsọnmẹ igwere nị mirin zue,

Jobu 5:10

O mẹ mirin e zueye elu ụwa, o zi mirin e ye ugbo lẹ ọfịa.

Ẹbụ-ọma 147:8

O gi orukpu gbama igwere, o mẹ mirin e zueye alị, e mẹ ẹfịfịa e sue elu òke ichẹn-ichẹn.

Ẹbụ-ọma 65:9

Y'e e lepụ akpak'alị ẹnya, e mẹ mirin e ru alị. Y'e mẹ mirin e jun ụzọ ile; e mẹ alị e mẹ ihiẹn; makẹni ẹrịra kẹ i mẹ n'ọ rị:

Azaya 64:7

Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn.

Jerimaya 10:13

Olu ẹ han, mirin ile rị igwere e dẹn; o mẹ mirin e rugbarị elu-ụwa ile. O mẹ amụma e be mirin gha e zue, ọ gha ebe o butọ ihiẹn e wepụha ufere.

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 3:3

Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Jerimaya 5:22

Osolobuẹ sị: Ụnụ atụkọ egun m? Egun m ara tu ụnụ? Mmẹ gi ẹjan gbọndọn ohimin, mgbọn itẹbitẹ o jẹnkọlẹni d'a saẹka fetu, ẹbi-mirin nwọn ikẹn kpọ-ntan kpọ-imọn, ọ sakọ ẹka ghafe ẹ; ya zụndẹ ụzụn ile o k'a zụn, ọ sakọ ẹka hughafe ẹ.

Jerimaya 50:5

Wẹ k'a jụma kẹ elebe kẹ ụzọ Zayọnụ rị, e dọn wẹ ihun ebẹhụ. Wẹ k'a bịa d'e we enwẹn wẹ kwachanrịnnị Osolobuẹ, kwe ẹ nkwa nị wẹ k'e fe ẹ jẹnrin ejẹn, nkwa wẹ jẹnkọlẹni d'a zọ.’

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Hosia 6:1

Wẹ k'a sị, “Nị ẹnyi kinni azụụn ebe Osolobuẹ rị! Ọ dọkịkagụọ ẹnyi, kanị, o k'a zụọ ẹnyi; ọ rụgụọ ẹnyi ẹhụ, kanị, o k'e kẹnmẹ ẹtẹ ẹnyi.

Juwẹlụ 2:23

Ẹfọ ya sụọma ụnụ ụsụọ, ndị Zayọnụ; ghọghọma nị makẹ Osolobuẹ wụ Chuku ụnụ, makẹni o yegụọ ụnụ mirin-ahụa gi tụnị ụnụ ụya; o mẹgụọ mirin zue ni ụnụ ọda-ọda, kẹ mirin-ahụa kẹ mirin ikpanzụụn kẹ o dọn e mẹ mbu.

Emọsụ 4:7

“Mmẹ kwọndọn mirin ọrọgbọ ifọn ẹtọ nị wẹ d'a ghọma ihiẹn ugbo. M zi mirin d'e zue imẹ obodo ohu, ezikọ m'a zue imẹ hụn-ẹbọ; m zi ẹ zueye ugbo ohu, a la m hụn-ẹbọ tọ, hụn o zueyelẹni a kpọpụ nkụn.

Zẹkaraya 10:1

Rịọ nị Osolobuẹ mirin ogẹn udu-mirin, Osolobuẹ hụn e mẹ mirin e ru, e zue ọda-ọda, Onyẹ hụn e mẹ ihiẹn wẹ kụn ugbo e sue.

Matiu 5:45

kẹni ụnụ wụrụ ụmụ Nẹdi ụnụ rị elu-igwee nke-esi. Makẹni, o mẹ anwụn a e tikpu kẹ eje-ịhịan kẹ ezigbo ịhịan, e mẹ mirin e zueni kẹ ndị ezi-omumẹ kẹ ndị eje-omumẹ.

Ọrụn Ndị-ozi 14:17

Kanị, onwọnni ogẹn o gi latọ ịshịanị enwẹn ẹ ẹri ghahanị mma ọ rị e mẹ. Ọ gha elu-igwee e mẹ mirin e zueni ụnụ, e ye ụnụ mkpụrụ a ghọrị udu wẹ, e ye ụnụ ihiẹn-oriri ụnụ gi e rijun ẹfọ, e mẹ ịghọghọ e jun ụnụ obi.”

Ditrọnọmi 28:12

Osolobuẹ k'e kpupụ igwere, ebahụn o butọ ihiẹn bu ọda, zi mirin zueye alị ụnụ udu-mirin, gọzi ọrụn-ẹka ụnụ ile. Ụnụ k'e zinye ndị alị bu ọda, kanị ụnụ ezinnarịnkọ alị ọwụlẹ.

Jemisi 5:7

Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.

Rẹvẹleshọnụ 11:6

Wẹ nwọn ikẹn wẹ gi a kpọkin igwere mẹ mirin ezuelẹ ọrọgbọ hụ ile wẹ rị e ku oku-Chuku. Wẹ nwọnzi ikẹn wẹ gi e mẹ mirin rị elu ụwa e họnrin ẹdeke; wẹ nwọnzikwọ ikẹn wẹ e gi mẹ ụwa ihiẹn ọwụlẹ wẹ chọ ogẹn wẹ gi chọ a.