Jerimaya 49:36 - Ika

³⁶ M k'a gha ẹbamịn ẹnọ rị okpuru igwere zihẹni Ẹlam nsọngbu; e mẹ m wẹ bupụ wẹ shi ẹbamịn ẹnịnọ ahụn. Onwọnni alị wẹ jẹnkọlẹni d'a kpụnshi wẹ.

Jerimaya 49:36 ပူးပေါင်းရင်းမြစ်များ

Ẹbụ-ọma 147:2

Osolobuẹ rị a tụndọnzi Jerusalẹm, e wekinhẹn ndị Izrẹlụ ọ chụpụ alị wẹ.

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 56:8

Di-nwọnni-ẹnyi wụ Osolobuẹ, onyẹ hụn rị e welụa ndị Izrẹlụ wẹ kpụnshi alị ndị ọzọ, sị, “M k'e welụazị ndị ọzọ cheni wẹ, cheni ndị m welụagụ.

Jerimaya 30:17

“M jẹnkọ d'e mẹ ẹhụ rịzị ị ikẹn; a changbu m'i ẹtẹ, makẹni wẹ rị a kpọ ị ‘onyẹ wẹ jụ’, ‘Zayọnụ nwọnlẹni onyẹ a jụ ukwere ẹ.’ Osolobuẹ e kugụọ a.”

Jerimaya 49:32

Wẹ k'a narịn wẹ anyịnyan-mkpukpuke wẹ lẹ anụ wẹ ndị ọzọ. M k'e fe ndịnị ye azụụn ile, ndịnị bi atụ hụn a kọ ntutu azụụnnị lẹ azụụnnị. M k'e zihẹni wẹ nsọngbu azụụn ile. Mmẹ wụ Osolobuẹ ku ẹ.

Izikẹlụ 5:10

Ndị nẹdi k'a gha e ri ụmụ wẹ imẹ i, ụmụ hụ e ri ndị nẹdi wẹ. M k'e ye i afụnfụn, e feyịya m ndị k'a họdụ imẹ i ye alị ichẹn-ichẹn rị ẹbamịn ile.

Izikẹlụ 5:12

M sikọ d'e kebe ndị nke i ụzọ ẹtọ, gi ẹgụn lẹ eje-emu gbu ụzọ ohu tọ imẹ i, gi ọpịa-agha gbu ụzọ ohu kanị ẹlẹ imẹ obodo, e fe m ụzọ ohu ye alị ndị ọzọ rị ẹbamịn ile, gi ọpịa-agha chụ wẹ.

Daniẹlụ 11:4

Ọ kịgụ, alị-eze ẹ hụ hi ogbe e kebe, e keyịya w'a azụụn ẹnọ ufere igwere gha e fe, kanị ẹlẹ ụmụ a k'e nwẹrin ẹ, alị-eze hụ enwọnkọ ikẹn ahụn ya nwọn te kpa, makẹni ohuepụ kẹ wẹ k'e huepụ alị-eze uku hụ, we ẹ ye ndị ọzọ.

Daniẹlụ 8:22

Mpịn ẹnọ hụ nọkin ẹnya ohu hụ kpagipụnị wụ alị-eze ẹnọ k'a gha alị a pụha ọ kịgụ, kanị Enwọnkọ wẹ ikẹn kẹ ịya.

Daniẹlụ 8:8

Mkpịn hụ nọ bushimẹ enwẹn ẹ elu, kanị k'o dọn rị e kẹnrẹn, mpịn a hụn kanị nọ kpagipụ, okẹn mpịn ẹnọ nọ gha ọnọdị hụn ahụn kpagini pụha, sueshisọnmẹ azụụn ẹnọ ufere igwere gha e fe.

Emọsụ 9:9

“M k'a sị wẹ mẹ wẹ ihiẹn ẹ, e gi m alị ndị ọzọ ile zinzin Izrẹlụ, kẹ w'e gi adana e zinzin ọka, onwọnni ẹfịfịa k'a ghafeni.

Zẹkaraya 6:5

Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Rẹvẹleshọnụ 7:1

Ọhụn e mẹgụ, m nọ hụn mmọn-ozi ẹnọ turusọnmẹ ẹbamịn ẹnọ ụwa, e gbọndọn ufere ẹnọ hụn e fe imẹ ụwa, amamgbe ufere e ruzi elu-ụwa mọbụ ohimin mọbụ osisi ọwụlẹ.