Jerimaya 49:33 - Ika

³³ “Anụ-ọfịa jẹnkọ d'e bikin Hazọ; o k'a gba okpokoro jẹnrin ejẹn. Ịhịan ebikọzị a, ịhịan a kwahakọzị a.”

Jerimaya 49:33 ပူးပေါင်းရင်းမြစ်များ

Azaya 14:23

“M k'e gi ẹ họnrin ebe anụ ọfịa e bi lẹ alị ịkpọtọ la iwi: m k'e gi ẹzịza-ntikpọ zahu ẹ,” ya kẹ Osolobuẹ ihiẹn ile rị okpuru ẹ ku.

Jerimaya 10:22

Gọn ntịn! Ẹnyi hụ a nụ ozi, okẹn mkpọtụ ndị agha alị rị ẹbamịn-ugu! Wẹ k'e mẹ obodo ndị rịsọnmẹ alị Juda gba okpokoro, ọ wụrụ ebe nkitẹ-ọfịa e bi.

Jerimaya 51:37

Babilọnụ k'e họnrin mkpọkọ-mkpọkọ, anụ-ọfịa e bikin ẹ; ọ wụrụ ihiẹn egun w'e gi a kpa ẹmụ, ebe ịhịan bilẹni.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Zẹfanaya 2:9

Mmẹ wụ Osolobuẹ ihiẹn ile rị okpuru ẹ hụn wụ Chuku ndị Izrẹlụ, sị, “Ma isi m, Mụabụ jẹnkọ d'a rị kẹ alị Sodọm, Amọnụ a nọ kẹ alị Gomora! Wẹ k'e họnrinsọnmẹ alị ogun lẹ nnu, wụsọnmẹ eje-alị ihiẹn rịn'a ghalẹni e mẹ. Ndị nke m họdụnị k'a kwarị ihiẹn wẹ; ndị alị m họdụnị k'e weri alị wẹ.”

Malakaị 1:3

Isọ arịnị m ụda, m nọ mẹ alị Isọ lẹ ugu ile ọ rị elu ẹ gba okpokoro, bu ukuu ẹ tọnị nkitẹ-ọfịa a kpa imẹ atụ.”

Rẹvẹleshọnụ 18:2

Ọ nọ weshi olu elu sị, “Ọ dangụọ! Babilọnụ uku a dangụọ! Ọ wụrụọlẹ ebe eje-mmọn bi, ebe mmọn ile rụnị bi, ebe nnụnụ ile rụnị bi; ebe anụ ile rụnị w'a sọ bi.