Jerimaya 49:28 - Ika

²⁸ Lee ihiẹn Osolobuẹ ku banyeni alị Kẹda lẹ alị-eze ndị rị alị Hazọ nị Nebukadineza wụ eze Babilọnụ d'e mẹri wẹ, “D'a lụsọn nị Kẹda agha! Gbu ni ndị ahụn bi ẹbamịn ọwụwa-ẹnyanwụn.

Jerimaya 49:28 ပူးပေါင်းရင်းမြစ်များ

Jẹnẹsisi 25:13

Lee ẹfan ụmụ Ishmẹlụ lẹ usọnrọn wẹ gi mụ wẹ: nwa ibuzọ Ishmẹlụ wụ Nẹbayọtụ; ndị e sọnn'ẹ wụ Kẹda, Ad'bilu, Mibsam,

Jẹnẹsisi 25:6

Kanị, nke ụmụ ndị mgba a, Ebraham yesọnmẹ wẹ ihiẹn ebe ọ rị ndụn, zipụsọnmẹ wẹ d'e biri alị ndị rị ibẹka ọwụwa-ẹnyanwụn, wẹ nọ yeni Aziki efe.

Ihiẹn Mẹni Nke Ibuzọ 1:29

Ndịnị wụ ẹbozo wẹ: Nwa-ibuzọ Ishmẹlụ wụ Nẹbayọtụ, ndị-ọzọ wụ Kẹda, Ad'bilu, Mibsam,

Jobu 1:3

O nwọn atụnrụn nnụ-uku ẹsa (7,000), anyịnyan-mkpukpuke nnụ-uku (3,000), okẹn-efin nnụ-uku (1,000) wẹ gi a rụn ugbo lẹ jaki ọgụn-isẹn kwasị nnụ (500). Idibo ẹ buzikwọ ọda. Ya kachanrịn ịhịan ile rị Ẹbamịn ọwụwa-ẹnyanwụn ụwa ọdanfịn e hi.

Ẹbụ-ọma 120:5

Ọ jọka nị m bi alị Mẹshẹki, nị m bi imẹ igunrun ndị Kẹda.

Ẹbụ Solomọnụ 1:5

Ịgbagba Jerusalẹm, m'e gi ngi-o, kanị m ma mma, m'e gi ngi nọkẹ ọdụ w'e bi imẹ Kẹda, m ma mma kẹ ẹkwa ndị wẹ gi tankin ọnụmụzọ Solomọnụ.

Azaya 11:14

Wẹ ẹbụbụọ k'a wị maye ndị Filistia ndị bi mkpọtu òke ẹbamịn Ọdịdan-ẹnyanwụn, wịzị d'a maye ndị rị nkọ ọwụwa-ẹnyanwụn, kwarị ihiẹn wẹ. Wẹ k'e mẹ Ẹdọm lẹ Mụabụ ihiẹn; ndị Amọnụ k'a rị okpuru wẹ.

Azaya 21:13

Ọnwan kẹ Chuku ku banyeni alị Arebịa: Ụnụ ndị Dedanị hụn a kwahunmẹni, hụn e ziẹntọ imẹ ọfịa Arebịa,

Azaya 42:11

Atụ lẹ obodo ile rịn'a wẹ weshi olu elu — kẹ mmụ alị ile ndị Kẹda bi wẹ ghọghọma. Ndị alị Sẹla wẹ bụma ẹbụ ịghọghọ — wẹ gha mkpọnụnụ ugu wẹ rị yimẹ oro.

Jerimaya 2:10

Fetu ni Ohimin shi alị Kitim d'e lee, ụnụ a hanjẹnzikwọ ịhịan alị Kẹda d'e lekpọ; lee ni kẹ ihiẹn nọ ẹnịna e mẹtughọ:

Jerimaya 25:23

e yezighọ m ndị alị Dedanị lẹ Tẹma lẹ Buzu lẹ ndị ile rị ebe teni hụn a kọ ntutu wẹ azụụnnị lẹ azụụnnị

Jerimaya 25:24

lẹ ndị-nze Arebịa ile lẹ ndị-nze ndị ọzọ ile rị imẹ atụ;

Jerimaya 49:14

Mmẹ wụ Jerimaya a nụgụọ ozi gha ẹka Osolobuẹ bịa: o zijẹngụọ onyẹ-ozi alị ichẹn-ichẹn d'a sị wẹ, “Kịgbama nị d'a lụsọn Ẹdọm agha! Lihi ni d'a lụ a agha ahụn!”

Jerimaya 49:33

“Anụ-ọfịa jẹnkọ d'e bikin Hazọ; o k'a gba okpokoro jẹnrin ejẹn. Ịhịan ebikọzị a, ịhịan a kwahakọzị a.”

Izikẹlụ 27:21

“ ‘Alị Arebịa lẹ ndị-nze Kẹda ile te wụ ndị-afịa ị hụn y'e ṅọnnarịn atụnrụn lẹ ebulu lẹ ewu.

Ndị Han Eṅẹn 6:3

Ogẹn ọwụlẹ ndị Izrẹlụ kụn ihiẹn ugbo, ndị Midianị, ndị Amalẹki lẹ alị ndị ọzọ rịzị ọwụwa-ẹnyanwụn a bịa d'a maye wẹ.