Jerimaya 49:16 - Ika

¹⁶ Egun i wẹ rị a tụ lẹ ihiẹn i rị e ro nị ya k'ị wụ e dufiegụọ ị, onyẹ nwẹn bi ẹgbata ọmụma eje-ihiẹn ghalẹni e ru ẹhụ, onyẹ nwẹn bi ebe kachanrịn elu e jẹn elu òke! Ọsụọn'a ị tụn ụlọ ị ye imẹ elu kẹ ugọn, m jẹnkọ d'a gha ebẹhụ nutu i. Mmẹ wụ Osolobuẹ ku ẹ.

Jerimaya 49:16 ပူးပေါင်းရင်းမြစ်များ

Ndị-nze Nke Ẹbụọ 14:7

Amazia wụ onyẹ hụn gbu ndị Ẹdọm nnụ-uku iri (10,000) imẹ Ọdanmgbugbu-nnu, gi agha weri obodo Sẹla, kpọma a Jok'tiẹlụ hụn w'a kpọkwọ a nwan d'e ru tannị.

Jobu 39:27

Ịyụ a gwa ugọn mọbụ udele e fe imẹ-elu imẹ-elu, a kụ ẹkụ e ye ebe jẹngbu enwẹn ẹ elu?

Itẹn 16:18

Mpache bịaọlẹ, ihiẹn e sọnn'ẹ wụ ntikpọ; enwẹn ịhịan junmẹ ẹ ẹfọ, o d'a dan.

Itẹn 18:21

Ọnwụn lẹ ndụn rị ire, ndị gi ire e bi k'e ri ihiẹn o wẹhẹ.

Itẹn 29:23

Mpache ịhịan e budan a, kanị onyẹ e welụa enwẹn ẹ alị k'e nwọnrin ọghọ.

Ẹbụ Solomọnụ 2:14

Nduru m, hụn hụarị oghe rị ọmụma, hụn rị ebe w'a hụarịsọnmẹ elu ugu. Ghọsị m ihun i, nị m nụ olu i; makẹni olu i a sụọka ụsụọ; ihun i a rịka mma.

Azaya 10:14

Kẹ ịhịan dọn e bu ẹka e che ẹkụ-nnụnụ, e bugụọ m ẹka che akụ-lẹ-ụba alị ichẹn-ichẹn; kẹ wẹ e kpọnrin ẹkwan nnụnụ latọ, ẹrịra kẹ m dọn kpọnrin alị ile; onwọnni hụn mẹhunmẹdẹ nku, onwọnni hụn shịapụ ọnụ rịa.’ ”

Azaya 2:21

Wẹ k'a gbashi imẹ oghe rịsọnmẹ ọmụma lẹ ebe ọmụma nọ sụnpụhasọnmẹ elu-ugu, makẹ egun Osolobuẹ lẹ ọghọ o gi wụ eze, ogẹn hụ o k'e gi lihi d'e zinzin ụwa.

Azaya 49:25

Kanị, Osolobuẹ sị nwan, “Wẹ sikọ d'a napụhadẹ dikẹn onyẹ hụn ọ kpụnrụn, zụọpụhadẹ ịhịan ẹka onyẹ zegbu enwẹn ẹ; mmẹ lẹ ndị rị a lụsọn i ọgụn k'a lụ ọgụn, a zụọpụha m ụmụ ị.

Jerimaya 48:14

“Kị ụnụ rị a sịnị, ‘Ndị odogun-agha kẹ ẹnyi wụ dikẹn ọgụn kẹ ẹnyi wụ?’

Jerimaya 49:15

Lee ẹ, m k'e mẹ i wụrụ alị nwọnlẹni ihiẹn ọ wụ ebe ibe ẹ rị, mẹ ịhịan ile rị ụwa legberi i.

Jerimaya 50:29

Kpọ nị ndị-ụta, ndị ile a gba ụta, nị wẹ kehunmẹ Babilọnụ; anịkwọlẹ ni onyẹ ọwụlẹ la! Mẹgwarị n'a ihiẹn o mẹ; mẹgwarị n'a ihiẹn ile o mẹ, makẹni ọ kpọgụọ Osolobuẹ mgba, Osolobuẹ, Onyẹ-nsọ Izrẹlụ.

Jerimaya 51:53

Ọsụọn'a nị Babilọnụ shi imẹ igwere, mẹdẹ ebẹhụ zegbu enwẹn ọ rị jẹncheni elu, m k'e zihẹn'ẹ ndị k'e tikpọn'a. Mmẹ wụ Osolobuẹ ku ẹ.

Emọsụ 9:2

Wẹ tụdẹ ọnụ shi alị-mmọn, m k'a dọkpụnpụha wẹ ebẹhụ; ọsụọn'a nị wẹ nyinshi elu-igwee, m sikọ d'a gha ebẹhụ dọtu wẹ.

Habakọkụ 2:9

O k'a jọ ị njọ, ịyụ rị a kpanị ikpụnọ ị eje-egho, a kụ ẹkụ ị e ye ebe ẹka ghalẹni e ru, makẹ eje-ihiẹn gha e ru i ẹhụ!

Malakaị 1:3

Isọ arịnị m ụda, m nọ mẹ alị Isọ lẹ ugu ile ọ rị elu ẹ gba okpokoro, bu ukuu ẹ tọnị nkitẹ-ọfịa a kpa imẹ atụ.”