Jerimaya 46:25 - Ika

²⁵ Osolobuẹ ihiẹn ile rị okpuru ẹ hụn wụ Chuku Izrẹlụ, sị, “M'e d'e ye Amonu, mmọn alị Tẹbẹsi rị Ijiptu, afụnfụn; ya lẹ Fẹro eze Ijiptu lẹ Ijiptu lẹ mmọn a rị ichẹn-ichẹn lẹ ndị-nze ẹ — Fẹro lẹ ndị gi Fẹro dọn ẹnya.

Jerimaya 46:25 ပူးပေါင်းရင်းမြစ်များ

Ọpụpụ 12:12

“M jẹnkọ d'a ghagbarị alị Ijiptu uhinhinni, gbupụ okẹnnyẹ ibuzọ ọwụlẹ — kẹ ịhịan kẹ anụ, hangbu mmọn ile ndị Ijiptu e fe eṅẹn. Mmẹ wụ Osolobuẹ.

Azaya 19:1

Ọnwan wụ ihiẹn Chuku ku banyeni alị Ijiptu. Lee kẹ Osolobuẹ nyinla orukpu-igwere rị a gba ọsọ, ọ lala Ijiptu! Ẹhụ hụ a ma mmọn ile ndị Ijiptu e fe nni; obi e dẹnhingụọ ndị Ijiptu.

Jerimaya 44:30

Mmẹ wụ Osolobuẹ rị nwan e ku ẹ nị m jẹnkọ d'e we Hofra wụ Fẹro eze Ijiptu che ẹka ndị-iṅẹnrẹn ẹ rị a chọ nị wẹ gbu ẹ — kẹ m dọn we Zẹdikaya wụ eze ụnụ ndị Juda che ẹka eṅẹnrẹn ẹ wụ Nebukadineza eze Babilọnụ hụn chọkọ a ogbugbu.’ ”

Jerimaya 49:3

Alị Hẹsh'bọnụ, gomẹ, nị e tikpọ wẹ alị Aị ndị Amọnụ! Ụmụ alị Raba, kwanma nị ụya! Yiri ni ẹkwa-achọ wẹ gi a kwan ụya; a gbahunmẹ ni, e yi kẹ ụnụ e mẹ imẹ obodo ụnụ. Makẹni wẹ jẹnkọ d'e weridẹ mmọn ụnụ wụ Molẹkị shi alị ọzọ, ya lẹ ndị a ghọn'a lẹ ndị ọzọ a rụnn'a ọrụn.

Izikẹlụ 30:22

Osolobuẹ Nwọn Ihiẹn Ile sị nwan: Mmẹ lẹ Fẹro eze Ijiptu rọ. M k'a kpagi ẹ ẹka ẹbụọ, kẹ hụn rị ikẹn kẹ hụn kpagini, e mẹ m ọpịa-agha a dannahịn a.

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.