Jerimaya 44:28 - Ika

²⁸ Ndị k'a hụn isi wanahịn ọpịa-agha, gha Ijiptu lụaha Juda ebukọ ọda kaka! Ogẹn ahụn kẹ ndị Juda k'a họdụ imẹ alị Ijiptu e gi marịn oku onyẹ k'a bụnnị, oku m ra nke wẹ.’

Jerimaya 44:28 ပူးပေါင်းရင်းမြစ်များ

Ẹbụ-ọma 33:11

Kanị ihiẹn Osolobuẹ romẹ k'a rị a bụn jẹnrin ejẹn, ihiẹn o bu obi k'a rị a gha ihun gha agbọ pụ agbọ.

Azaya 10:19

Osisi k'a họdụ ẹgboko ẹ ebukọ ọda kaka — nwa-mkpodu k'a sadẹ ẹka gụnmarịn wẹ detu!

Azaya 10:22

Izrẹlụ, ọsụọn'a nị ụnụ bu nwan ọda kẹ ẹjan rị mkpẹnrẹn ohimin, ndị bulẹni ọda sụọ k'a họdụ kinhẹn. Osolobuẹ e kutọgụọ oku ntikpọ o k'e tikpọ ụnụ, ntikpọ hụn jọgbu enwẹn ẹ kanị o furu efuru.

Jerimaya 42:17

Agha lẹ ụnwụn lẹ eje-emu sikọ d'e gbu ndị ile shi ọnwụn jẹnmẹ Ijiptu d'e biri. Onwọnni akpụ onyẹ ohu k'a hụn isi; onwọnni onyẹ k'a gbanahịn eje-ihiẹn m zilanị wẹ.’

Jerimaya 44:13

M k'e gi agha, ẹgụn lẹ eje-emu ye ndị bi alị Ijiptu afụnfụn kẹ m dọn ye ndị rị obodo Jerusalẹm.

Jerimaya 44:14

Onwọnni akpụ onyẹ ohu imẹ ndị Juda họdụnị hụn lashi Ijiptu d'e biri hụn jẹnkọ d'a wanahịnnị mọbụ hụn isi lakin alị Juda, ọsụọn'a n'ọ rị nwan a dụ wẹ nị wẹ lakin alị Juda d'e biri; onwọnni akpụ onyẹ ohu imẹ wẹ k'a lakinni mmanị akpụ madụ ole.”

Jerimaya 44:29

Osolobuẹ sịzị, ‘M jẹnkọ d'e mẹ ihiẹn ụnụ e gi marịn nị m k'e ye ụnụ afụnfụn ebeni, kẹni ụnụ marịn nị ẹlẹ m rị e ku ẹ mmaka nị m k'e mẹ ụnụ ihiẹn.

Jerimaya 51:50

Ụnụ ndị wanahịn ọpịa-agha, a la nị, emẹkwọlẹ ni ẹlẹẹ! Nyanhan nị Osolobuẹ ebẹhụ teni ụnụ rị, nyanhan nị Jerusalẹm ebẹhụ.

Izikẹlụ 6:8

“Kanị, o nwọnghọ ndị m k'e dọnmẹ ndụn. Ogẹn hụ, ndị ọpịa-agha k'e gbuhọdụ imẹ ụnụ k'a rị alị ndị ọzọ m k'e feyịya ụnụ ye.

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”

Ọgụngụn 14:41

Kanị Mozizi nọ sị wẹ, “Kị ụnụ n'a panị nwan ihiẹn Osolobuẹ ku? Ọ ghakọkwọ!

Matiu 24:35

Igwere lẹ ụwa k'a gụ, kanị oku m k'a bụnrịrị.