Jerimaya 43:2 - Ika

² ya kẹ Azaria nwa Hoshaya lẹ Johananị nwa Karia lẹzi ikẹnnyẹ ndị-ọzọ e mẹkarị enwẹn wẹ nọ sị Jerimaya, “Ntụ k'ị rị a tụ! Ẹlẹ Osolobuẹ wụ Chuku ẹnyi zi i d'a sị ẹnyi, ‘Ejẹnkwọlẹ ni Ijiptu d'e biri.’

Jerimaya 43:2 ပူးပေါင်းရင်းမြစ်များ

Jẹnẹsisi 19:14

Ya Lọtụ nọ jẹn d'e kunrun ndị-ịgọ a hụn badọn ụmụ a ikpoho, sị wẹ, “Ozigbo ni, gha nị alịnị gbapụ, makẹni Osolobuẹ e d'e tikpọ alịnị!” Kanị ndị ịgọ a weri ẹ nị egu k'ọ rị e gu.

Ihiẹn Mẹni Nke Ẹbụọ 36:13

Ọ pazịkwọ oku eze wụ Nebukadineza hụn mẹgụ a kunn'ẹ ẹfan Osolobuẹ n'o k'e humẹn'ẹ isi. O bumẹ isi-ikẹn, kpọkin obi, n'ọ rohutọkọ mẹ uche Osolobuẹ wụ Chuku Izrẹlụ.

Ẹbụ-ọma 119:21

Y'a jụgbọ ndị mpache ahụn wẹ bụ ọnụ, hụn a latọ iwu i.

Ẹbụ-ọma 12:3

Osolobuẹ ya bepụ ụgb'ọnụ ile wẹ gi e ku oku ọnụnụ-ire lẹ ire ile wẹ gi a nyan isi;

Ẹbụ-ọma 123:4

ndị rị e mẹkarị enwẹn wẹ a mụgbugụọ ẹnyi ẹmụ; ndị mpache e legberigụọ ẹnyi ọda-ọda!

Ọpụpụ 5:2

Eze nọ sị, “Onyẹ wụ Osolobuẹ hụ, hụn m'e gi gọn ẹ ntịn hatu Izrẹlụ? Amarịn m Osolobuẹ; ahatukọ m Izrẹlụ.”

Ọpụpụ 9:17

Echẹn kẹ ị rịkwọ e mẹni ndị nke m bugan-bugan, jụ nị y'a hatukọ wẹ nị wẹ la.

Itẹn 16:5

Ndị ile a pacheni e ze Osolobuẹ ize. Ya wekwọ ị ẹnya nị alakọ wẹ mmaka.

Itẹn 30:9

Amamgbe m'e rijunmẹ ẹfọ, gbakitọ ị azụụn, sị, ‘Onyẹ wụ Osolobuẹ?’ Mọbụ a dan m ogbẹnnyẹ, zun ohin, gi ẹ budan ẹfan Chuku m.

Itẹn 6:17

Ẹnya onyẹ mpache, ire hụn a tụ ntụ; ẹka hụn e gbu ndị nwọnlẹni ihiẹn wẹ mẹ;

Itẹn 8:13

Ịtụ-egun Osolobuẹ wụ ize-ize eje-ihiẹn; ize mpache lẹ nhọnrọn e ze m e ze, uwẹ lẹ eje-omumẹ lẹ oku rụnị.

Azaya 7:9

Ikẹn ndị Ifrem wụhụ Sameria isi-alị wẹ, ikẹn Sameria nkẹ wụhụ nwa Rẹmalịa eze wẹ. Omẹni ụnụ egini okukwe turu, ụnụ asakọ ẹka turu.’ ”

Azaya 9:8

Osolobuẹ e zigụọ ozi jẹnni ụmụ Jekọpụ, ozi ihiẹn o k'e mẹ wẹ wụ ndị Izrẹlụ.

Jerimaya 13:15

“Gọnkwọ nị ntịn, ụnụ e gi ẹ dọn; emẹkarịkwọlẹ ni enwẹn ụnụ — Osolobuẹ e kugụọkwọ a!

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 40:8

ya wẹ nọ bịa Mizpa d'e kunrun Gẹdalia. Ndị bịa ijẹnni wụ: Ishmẹlụ nwa Nẹtanịa, Johananị lẹ Jonatanị — ụmụ Karia, Sẹraya nwa Tanhumẹtị, ụmụ Ẹfaị onyẹ Netofa lẹ Ja-azanịa nwa onyẹ Maaka. Uwẹ lẹ ndị itu wẹ gba bịa.

Jerimaya 41:16

Ya kẹ Johananị nwa Karia lẹ ndị-isi agha ya lẹ wẹ wị nọ kịrị ndị ahụn ile ọ gha Gibiọnụ kịlụa. Wẹ wụ ndị họdụ imẹ ndị te rị okpuru Gẹdalia nwa Ahikam imẹ Mizpa. Johananị zụọpụha wẹ ẹka Ishmẹlụ nwa Nẹtanịa hụn gbu Gẹdalia kpụnrụn wẹ. Kẹ ndị-agha kẹ ikpoho kẹ ụmụẹka kẹ ndị e te rụn ọrụn imẹ obi-eze Juda rị imẹ wẹ.

Jerimaya 41:18

Egun ndị Babilọnụ kẹ wẹ gi gbapụkọ hụn ahụn Ishmẹlụ nwa Nẹtanịa gbugụ Gẹdalia nwa Ahikam, onyẹ hụn eze ndị Babilọnụ tumẹ n'ọ kị alị Juda.

Jerimaya 42:1

Ya kẹ ndị ahụn ile kị ndị-agha nọ bịa — kẹ Johananị nwa Karia kẹ Jezania nwa Hoshaya, uwẹ lẹ ndị Juda hụ ile wẹ kị — kẹ ndị uku kẹ ndị-nta.

Jerimaya 42:20

nị ụnụ e mẹfieọlẹ ọda-ọda. Makẹni ụnụ gi ẹka ụnụ zi m d'e kunrun Osolobuẹ wụ Chuku ụnụ, sị m rịọnị ụnụ Osolobuẹ wụ Chuku ụnụ; ụnụ gi ọnụ ụnụ sị, ‘Gwahụ ẹnyi ihiẹn Osolobuẹ wụ Chuku ẹnyi ku, ẹnyi k'e mẹ ẹ.’

Jerimaya 42:5

Ya wẹ nọ sị Jerimaya, “Osolobuẹ ya shịagbu ẹnyi ẹri lekẹ ezigbo ọshẹri wẹ gi e dọn ẹnya omẹni ẹnyi emẹni ihiẹn Osolobuẹ wụ Chuku i gwa ẹnyi, mẹchanrịn a k'o dọn ku ẹ.

Jerimaya 43:1

Mgbe Jerimaya gi gwachanrịngụ ndị ahụn oku ile Osolobuẹ wụ Chuku wẹ ku — hụn Osolobuẹ zi ẹ zi wẹ,

Jerimaya 44:16

“Ẹnyi e gọnkọdẹ ntịn ihiẹn ahụn ị sị nị ya kẹ Osolobuẹ sị ẹnyi mẹ!

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”