Jerimaya 38:17 - Ika

¹⁷ Ya Jerimaya nọ sị Zẹdikaya, “Lee ihiẹn Osolobuẹ ihiẹn ile rị okpuru ẹ hụn wụ Chuku Izrẹlụ ku: ọ sị, ‘Ị pụhụ d'e we enwẹn i ye ndị-isi agha eze Babilọnụ, y'a hụn isi; adụnkọ wẹ obodoni ọkụn; yụ lẹ ikpụlọ ị a rị ndụn.

Jerimaya 38:17 ပူးပေါင်းရင်းမြစ်များ

Jẹnẹsisi 12:13

Gwa wẹ nwan nị nwẹnẹ m k'ị wụ, kẹn'ọ rịnị m mma makẹ ufiri i, e gizi wẹ ufiri i dọnmẹ m ndụn.”

Ndị-nze Nke Ẹbụọ 24:12

Jehoyakini eze Juda lẹ nnẹ ẹ lẹ ndị ọrụn a lẹ ndị-isi lẹ ndị ile a rụnn'a ọrụn imẹ obi-eze nọ we enwẹn wẹ ye eze Babilọnụ. Ọ rị ahụa ẹsatọ eze Babilọnụ kịma k'ọ nwụnrụn Jehoyakini.

Ndị-nze Nke Ẹbụọ 25:27

Hụn mẹ ẹ ahụa mmẹsa kwasị ọgụn wẹ nwụnrụn Jehoyakini eze Juda, Ẹvili-Mẹrọdakị nọ họnrin eze Babilọnụ. Hụn mẹ akpọhịn ẹsa kwasị ọgụn imẹ ifọn nke mmẹbụọ rịn'a, Ẹvili-Mẹrọdakị nọ gha ụlọ-ngan wepụha Jehoyakini eze Juda;

Ihiẹn Mẹni Nke Ibuzọ 17:24

kẹn'ọ bụn, ẹfan ị a kpọgbarị, a sị wẹ, ‘Osolobuẹ ihiẹn ile rị okpuru ẹ, hụn ndị Izrẹlụ e fe wụ Chuku Izrẹlụ nke-esi!’ Ikpụlọ odibo i wụ Defidi e turusọnmẹ ihun i.

Ẹzra 9:4

Ya kẹ ndị ile oku Chuku Izrẹlụ mẹtụ nọ nọhunmẹ m, makẹ ọlatọnị ndịnị lụaha ebe wẹ kpụnjẹn wẹ latọ iwu Osolobuẹ. M nọdịhụkwọ ebẹhụ m nọdị d'e ru ogẹn wẹ gi a chụn ẹjan ẹnyasị makẹni ụya ru m olu.

Jobu 23:13

Okusị-ọgụ k'ọ wụ; onyẹ k'a jụ a ihiẹn ọwụlẹ? Ihiẹn sụọn'a k'o mẹ.

Ẹbụ-ọma 80:14

Chuku ihiẹn ile rị okpuru ẹ, dodo, kinhẹn nwan! Gha elu-igwee lee ẹnya, n'ị lebanzị vaịnịnị ẹnya:

Ẹbụ-ọma 80:7

Chuku Ihiẹn Ile rị okpuru ẹ, dodo dọnzini ẹnyi ihiẹn; Gizi ẹnya rị mma lee ẹnyi nị ẹnyi nwọn nzụọpụha!!

Jerimaya 27:12

E zizighọ m Zẹdikaya eze Juda ozi ohu hụ, sị, “Bu ni enwẹn ụnụ che okpuru eze alị Babilọnụ, femẹ ya lẹ ndị nke ẹ, kẹni ụnụ rị ndụn.

Jerimaya 27:17

Egọnlẹ ni wẹ ntịn. Ka fe ni eze ndị Babilọnụ, kẹni ụnụ rị ndụn. Kị ụnụ k'a nịnị Osolobuẹ tikpọ obodoni?

Jerimaya 27:8

“ ‘Kanị, alị mọbụ alị-eze ọwụlẹ jụ n'o humẹkọnị ezeni wụ Nebukadineza isi, n'o bukọ olu che agbụn a, m jẹnkọ d'e gi agha lẹ ụnwụn lẹ eje-emu sọn wẹ d'e ru ni e gi m Nebukadineza tikpọchanrịn wẹ.

Jerimaya 38:2

“Osolobuẹ sị, ‘Onyẹ nọdị imẹ obodoni ọpịa-agha mọbụ ẹgụn mọbụ eje-emu e gbu ẹ. Kanị, onyẹ hụn fetuni we enwẹn ẹ ye ndị Babilọnụ k'a rị ndụn; o k'a hụn isi wanahịn; ọ nwụnkọ.’

Jerimaya 39:3

Ya kẹ ndị-isi ile eze Babilọnụ zihẹ nọ banhan, weri ọnọdị ẹhụ Ọnụ-mgbọn-Etintinnaị — kẹ Nẹgalụ-Shareza onyẹ Samga kẹ Nẹbo-Sasẹkim hụn rị ndị-isi agha kanị kẹ Nẹgalụ-Shareza hụn rị ndị-isi ọkịkị kẹ ndị-isi ọzọ ile.

Jerimaya 40:9

Gẹdalia nwa Ahikam nwa Shafanị nọ kun ẹfan Osolobuẹ kwe wẹ lẹ ndị-agha wẹ nkwa n'o nwọnni ihiẹn k'e mẹni wẹ. Ọ sị wẹ, “Atụlẹ ni egun. Biri ni alịnị, ụnụ e we enwẹn ụnụ che okpuru eze Babilọnụ, kẹn'ọ rịnị ụnụ mma.

Jerimaya 44:7

“Osolobuẹ ihiẹn ile rị okpuru ẹ, hụn wụ Chuku Izrẹlụ rị nwan a sị: Kị ụnụ rị e mẹni enwẹn ụnụ okẹn eje-ihiẹnni, e gi ẹ e gbupụchanrịn ikẹnnyẹ lẹ ikpoho lẹ ụmụ-ẹka lẹ ndị rị a ra ẹran imẹ Juda, ịhịan gizilẹni họdụnị ụnụ?

Izikẹlụ 8:4

Ya kẹ m nọ hụn ọghọ Osolobuẹ Izrẹlụ ebẹhụ! Ọ nọ kẹ hụn m hụn imẹ ọhụn imẹ ọdanmgbugbu Iyi Kẹba, imẹ Babilọnụ.

Emọsụ 5:27

e gi m ufiri ẹ dupụ ụnụ alị ụnụ, we ụnụ fetu Damaskọsụ, shi alị ọzọ.” Osolobuẹ hụn ẹfan a wụ Chuku ihiẹn ile rị okpuru ẹ e kugụọ a.