Jerimaya 37:19 - Ika

¹⁹ Elebe kẹ ndị-amụma ụnụ nwẹn rị nwan — ndị nwẹn sị ị nị eze Babilọnụ abịakọ d'a lụsọn yụ mọbụ alịnị agha?

Jerimaya 37:19 ပူးပေါင်းရင်းမြစ်များ

Ndị-nze Nke Ẹbụọ 3:13

Ẹlaịsha nọ sị eze Izrẹlụ ẹbamịn-ugu, “Kị biri mmẹ lẹ ịyụ? Jẹn d'e kunrun ndị-amụma nẹdi i lẹ ndị-amụma nnẹ i.” Eze Izrẹlụ ẹbamịn-ugu nọ sị, “Mba, Osolobuẹ wụ onyẹ hụn kpọkikomẹ ẹnyi ndị-nze ẹtọnị n'o d'e bu ẹnyi che ẹka eze Mụabụ.”

Jerimaya 2:28

Ebe mmọn ndị ahụn ụnụ mẹmẹrin rịzị nwan? Wẹ bịa nwan, omẹni wẹ sa ẹka zụọpụha ụnụ imẹ nsọngbu! Ẹghẹẹ, y'e nwọnghọ mmọn bu ọda, Juda — mmọn buhan ọda kẹ obodo ndị rị imẹ i!”

Jerimaya 23:17

A tọ wẹ a sị ndị rị e lelịa Osolobuẹ, ‘Osolobuẹ sị o k'a rịnị ụnụ mma.’ A sị ndị isi-ikẹn rị e mẹ ihiẹn obi wẹ gwa wẹ, ‘Ihiẹn emẹkọ ụnụ.’

Jerimaya 29:31

“Zi ozi jẹnni ndị ahụn ile wẹ kpụnshi alị ọzọ. Sị wẹ nị Osolobuẹ e kuọlẹ ihiẹn jẹnkọ d'e mẹ Shẹmaya onyẹ Nẹhẹlam, sị ‘Ebe o mẹni Shẹmaya e bugụọnị ụnụ amụma hụn m zilẹn'ẹ, mẹ ụnụ gi ntụ dọn ẹnya,

Jerimaya 6:14

Wẹ hụ a zụọ ndị nke m rụ eje-ẹhụ nọkẹ sị arụkanị wẹ ẹhụ: a sị, ‘Nsọngbu arịa! Nsọngbu arịa!’ bụ nsọngbu e jun.

Jerimaya 8:11

Wẹ hụ a zụọ ndị nke m rụ eje-ẹhụ nọkẹ sị arụkanị wẹ ẹhụ: a sị, “Nsọngbu arịa! Nsọngbu arịa!” bụ nsọngbu e jun.

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Izikẹlụ 13:2

“Nwa-ịhịan, bu amụma ihiẹn m jẹnkọ d'e mẹ ndị amụma hụ rị e bu amụma ndị hụ imẹ Izrẹlụ. Gwa wẹ ile rị e ku ihiẹn rị wẹ obi, a sị nị wẹ rị e bu amụma, sị wẹ: Gọn ni ntịn ihiẹn Osolobuẹ ku!

Izikẹlụ 13:6

Wẹ hụ a hụn ọhụn ntụ, a gba ẹfa ntụ, a sị, ‘Osolobuẹ sị,’ bụ Osolobuẹ ezini wẹ; kanị wẹ hụ e lee ẹnya nị oku wẹ bụn.

Ditrọnọmi 32:38

Mmọn-lẹ-iyi ndị nwẹn hụn ri ụtọrọ anụ ndị wẹ gi chụn ẹjan, ra manya wẹ gisọnmẹ ye oyiye-manya? Wẹ lihi nwan d'e yeni ụnụ ẹka! Wẹ d'e ye nwan ụnụ igungun!