Jerimaya 36:24 - Ika

²⁴ Kẹ wẹ nụ ihiẹnni ile Jehudi gụn, onwọnni onyẹ mẹhunmẹni, onwọnni onyẹ dọwa ẹkwa ye enwẹn ẹ olu, kẹ eze kẹ idibo ẹ.

Jerimaya 36:24 ပူးပေါင်းရင်းမြစ်များ

Jẹnẹsisi 37:29

Ogẹn Rubẹni gi kinhẹn d'e lele ọmị ahụn, ọ nọ hụn nị Josẹfụ arịzị a; ọ nọ dọwa ẹwuru ye enwẹn ẹ olu.

Jẹnẹsisi 37:34

Ya kẹ Jekọpụ nọ dọwa ẹkwa ye enwẹn ẹ olu, yiri ẹkwa achọ, gi akp'ọhịn ole-lẹ-ole kwan Josẹfụ.

Samuẹlụ Nke Ẹbụọ 1:11

Ya kẹ Defidi lẹ ikẹnnyẹ ile ịya lẹ wẹ wị nọ dọwa ẹwuru wẹ.

Ndị-nze Nke Ibuzọ 21:27

Ogẹn Ehabụ gi nụgụ ihiẹn ndịnị Ẹlaịja ku, ọ nọ tika ẹwuru ẹ, yiri ẹkpa-mkpụrụ hụn wụ ẹkwa-achọ, nọkẹ onyẹ njọ a rị e wutẹ; o bu ọnụ. O yi ẹkpa ahụn ranhịn; o mẹshịazịnị ẹhụ.

Jobu 15:4

Oku-ọnụ ị rịdẹ nwan e mẹ ịhịan atụzịlẹ egun Osolobuẹ, e mẹ ịhịan e ro ihiẹn ọ chọ n'o ro ihun Chuku.

Ẹbụ-ọma 36:1

O nwọn ihiẹn Chuku rị a gwa m imẹ obi: nị onyẹ-njọ jọ njọ ru alị, egun Chuku arị a ẹnya.

Ẹbụ-ọma 36:2

Makẹni ọ rịka mma ẹnya a, ara hụn njọ a hụn o gi ze ẹ ize.

Ẹbụ-ọma 64:5

W'e kudẹ ndụn e ye ibe wẹ obi, e ku oku ọnyan wẹ k'e shini ịhịan; a sị, “Onyẹ rị a hụn ẹnyi?”

Ọpụpụ 7:23

Eze Ijiptu e gbehutọdẹ, kin azụụn shi imẹ ọgwa a; onwọnzikwọnị ihiẹn ọ kpọ hụnnị.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 36:22

Ya kẹ nwa Hil'kia wụ Ẹliakim hụn e lepụ obi-eze ẹnya lẹ akanwe wụ Shẹbụna lẹ nwa Asafụ wụ Jụa hụn e dọnmẹ ẹkụkwọ nọ kin azụụn, banyezi imẹ Jerusalẹm. A dọwagụ wẹ ẹwuru ye enwẹn wẹ olu makẹ ihiẹn ụyanị mẹni, wẹ nọ buru Hezikaya d'a gwa a ihiẹn onyẹ-isi agha Asiria ku.

Azaya 37:1

Ogẹn Hezikaya gi nụ ihiẹnni, ọ nọ tika ẹwuru ile o yi, yiri ẹkwa-achọ makẹ ihiẹn ụyanị mẹni, shi imẹ Ụlọ-nsọ Osolobuẹ.

Jerimaya 36:16

A nụgụ wẹ ihiẹn ile ọ gụn, egun nọ tụma wẹ — onyẹ-onyẹ e bu ẹnya tụma ibe ẹ, ya wẹ nọ sị Baruku, “Ẹnyi jẹnkọ d'a gwakwọ eze ihiẹnni ile.”

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jona 3:6

Makẹni, ogẹn eze Ninivẹ gi nụ ihiẹnni, ọ gha ukpo-eze ẹ lihi ọtọ, yipụ ẹwuru-nze, yiri ẹkwa-achọ, dịnọ ikpọn ntụn.

Matiu 12:41

“Ndị Ninivẹ jẹnkọ d'a shịagbu agbọnị ẹri ogẹn Okinkin-ikpe, makẹni e rogharịghọ wẹ ogẹn Jona gi zi wẹ ozi Osolobuẹ; ka lee nwan, onyẹ ka Jọnụ rị ebeni!

Ndị Rom 3:18

Egun Osolobuẹ arịdẹ wẹ ẹnya.”