Jerimaya 35:6 - Ika

⁶ Kanị, wẹ nọ sị, “Ẹnyi ara ra manya. Nẹdi ẹnyi kanị wụ Jonadabụ nwa Rekabụ sị ẹnyi, ‘Arakwọlẹ ni manya — kẹ ụnụ kẹ agbọ ụnụ ndị lalanị;

Jerimaya 35:6 ပူးပေါင်းရင်းမြစ်များ

Jẹnẹsisi 25:27

Ogẹn ụmụ ikẹnnyẹ ẹbụbụọnị gi hipụha, Isọ nọ wụrụ ọchụ-nta, ọfịa k'ọ ka a nọ; kanị Jekọpụ wụ ọmẹhẹn, ụlọ-ụlọ k'ọ nọdị.

Jẹnẹsisi 36:7

Ihiẹn wẹ nwọn e hikẹ, ẹlẹzi hụn wẹ ẹbụọ e gi nọdị ụzọ ohu; alị ahụn wẹ rị eruzini wẹ ẹbụbụọ makẹ ihiẹn-uriri wẹ.

Ndị-nze Nke Ẹbụọ 10:15

Ọ ghagụ ebẹhụ pụ, ọ nọ zu Jehonadabụ nwa Rekabụ hụn lala d'e kunrun ẹ. Jehu nọ kele ẹ, sị a, “I buhụ m obi kẹ m dọn bu i obi?” Jehonadabụ nọ sị a, “Ẹghẹẹ, m buhụ i obi.” Jehu nọ sị a, “Omẹni i buhụ m obi, ye m nwan ẹka ị.” Ọ nọ ye ẹ ẹka a, Jehu nọ yen'ẹ ẹka banhan imẹ ụgbọ-ẹshin.

Ndị-nze Nke Ẹbụọ 10:23

Jehu lẹ Jehonadabụ nwa Rekabụ nọ banye imẹ ụlọ-mmọn Baalụ. Jehu nọ sị ndị hụ a rụnnị Baalụ ọrụn, “Lehunmẹ ni ẹnya — hụnkwọ n'a nị onwọnni odibo Osolobuẹ rị imẹ igunrun ụnụ ebeni — ndị-ọrụn Baalụ sụọ jẹnkọ d'a rị a.”

Ihiẹn Mẹni Nke Ibuzọ 16:19

Kẹ wẹ kelẹni bu ọda, kẹ wẹ kelẹni bu ọda kaka, kẹ wẹ wụ abịamabịa imẹ Kenaanị nwẹn,

Ihiẹn Mẹni Nke Ibuzọ 2:55

lẹ ebọn ndị akanwe hụn bi Jabẹzi — hụn wụ ndị Tira, ndị Shimia lẹ ndị Suka. Wẹ wụ ebọn Kẹni, nẹdi wẹ wụ Hamatị hụn wụzị nẹdi ndị Rekabụ.

Ẹbụ-ọma 105:12

Ebuni wẹ ọda ogẹn ahụn, wẹ wụhụ itumunyẹ alị Kenanị hụ.

Ọpụpụ 20:12

“Gbaye nẹdi i lẹ nnẹ i, kẹn'i tọ imẹ anị ahụn Osolobuẹ wụ Chuku i rị e ye i.

Jerimaya 35:10

ọdụ w'a kpụkpọrị kẹ ẹnyi e bi, e humẹ isi, e mẹchanrịn ihiẹn ile nẹdi ẹnyi kanị wụ Jonadabụ sị ẹnyi mẹ.

Jerimaya 35:14

Jonadabụ nwa Rekabụ sị ebọn ẹ aralẹ manya, wẹ nọ gi ihiẹn hụ ọ gwa wẹ dọn: d'e rukwọ nwan tannị w'a ra ra manya, makẹni wẹ rị e mẹ ihiẹn nẹdi wẹ kanị sị wẹ mẹ. Kanị, mmẹ nwẹn wụ Osolobuẹ hụ nwan a gwa ụnụ oku ọgụgwa-ọgụgwa, ụnụ arị e gi oku m e dọn.

Lẹvitikọsụ 10:9

“Ogẹn ọwụlẹ ịyụ lẹ ụmụ ị jẹnkọ d'a banye imẹ Ọdụ-ozuzu, arakwọlẹ ni manya mọbụ ihiẹn ọwụlẹ wẹ bama abama, amamgbe ụnụ a nwụn. Ọnwan wụ iwu ụnụ k'e dọnmẹferi agbọ ile lalanị.

Luku 1:15

makẹni o k'a wụ okẹn ịhịan ẹnya Di-nwọnni-ẹnyi. Ọ rakọ manya ọwụlẹ mọbụ manya zeni. Wẹ gini d'a mụ a, Mmọn-nsọ k'e jun ẹ ghakwọrị imẹ ẹfọ nnẹ ẹ.

Pita Ibuzọ 2:11

Ezigbo umunẹ m, m rị a rịọ ụnụ nọkẹ ndị wụ abịamabịa lẹ ndị rịlẹni alị wẹ, gbanị nị eje-ẹgụn a lụsọn umẹ-ndụn ụnụ agha ọsọ.

Ndị Han Eṅẹn 13:14

Y'e rilẹ ihiẹn ọwụlẹ gha osisi vaịnị pụha; y'a ralẹ manya ọwụlẹ — kẹ hụn a tụnị kẹ hụn ghalẹni a tụ; y'e rikwọlẹ ihiẹn ọwụlẹ Iwu sị w'e rilẹ. Nwunyẹ i ya mẹ ihiẹn ile m sị a mẹ.”

Ndị Han Eṅẹn 13:7

Kanị, ọ sị m, ‘Lee ẹ, i jẹnkọ d'a tụ imẹ, mụ okẹnnyẹ. Aralẹ nwan manya ọwụlẹ: kẹ manya a tụnị kẹ hụn ghalẹni a tụ; erilẹ ihiẹn ọwụlẹ Iwu sị w'e rilẹ. Makẹni, nwata hụ sikọ d'a gha ebe wẹ nọ mụ a wụrụ nazịraịtị wẹ gi kwanị Osolobuẹ ọkwụkwa pụ-ichẹn o we nwụn.’ ”