Jerimaya 35:4 - Ika

⁴ M nọ wẹhẹ wẹ Ụlọ-nsọ Osolobuẹ, weban wẹ mmughẹ ụmụ-azụụn onyẹ-amụma wụ Hanan nwa Igidalịa. Mmughẹ hụ e sọn nke ndị a rụn ọrụn imẹ ụlọ-nsọ, ịya rịzịkwọ elu nke Maaseya nwa Shalum. Maaseya wụ onyẹ ohu imẹ ndị e che ọnụ-mgbọn ụlọ-nsọ.

Jerimaya 35:4 ပူးပေါင်းရင်းမြစ်များ

Ndị-nze Nke Ibuzọ 12:22

Kanị Osolobuẹ nọ gwa onyẹ-amụma wụ Shẹmaya oku, sị a,

Ndị-nze Nke Ibuzọ 13:1

Kanị o nwọn okẹnnyẹ ohu wụ onyẹ-ozi Osolobuẹ hụn gha alị-eze Juda bịa obodo Bẹtẹlụ, makẹni Osolobuẹ sị a bịa. Eze wụ Jerobụam turuhụ ukpo nchụn-ẹjan mmọn hụ, a chọ n'ọ chụn ẹjan.

Ndị-nze Nke Ibuzọ 13:26

Mgbe onyẹ-amụma ahụn wekinhẹnn'ẹ gi nụ a, ọ nọ sị, “Onyẹ-ozi Osolobuẹ hụ pa oku Osolobuẹ rọ. Osolobuẹ e wegụọ a ye ẹwọrọ, maye ẹ, gbu — nọkẹ kẹ Osolobuẹ dọn gwa a.”

Ndị-nze Nke Ibuzọ 17:18

Okpoho hụ nọ sị Ẹlaịja, “Kịnị kẹ m mẹ i, odibo Osolobuẹ? Ị bịa d'a nyanhannị m njọ m, gbunarịn m nwa?”

Ndị-nze Nke Ibuzọ 17:24

Ya kẹ okpoho hụ nọ sị Ẹlaịja, “Echẹn kẹ m marịn n'ị wụ odibo Chuku lẹ ni oku Osolobuẹ ị rị e ku wụ ezioku.”

Ndị-nze Nke Ibuzọ 20:28

Onyẹ-ozi Osolobuẹ nọ pụha, sị eze Izrẹlụ, “Lee ihiẹn Osolobuẹ ku: Ọ sị ebe o mẹni ndị Aram rị e ro nị Osolobuẹ wụ mmọn elu-ugu, nị ẹlẹ mmọn ọdanmgbugbu, m k'e bu igwerigwe ndị aghanị ye i mẹri, nị ị hụn ụzọ marịn nị mmẹ wụ Osolobuẹ.”

Ndị-nze Nke Ẹbụọ 1:9

Ya kẹ eze nọ zi ọkị-agha ohu lẹ ndị-agha iri kwasị ọgụnnaị rị okpuru ẹ d'a kpọha Ẹlaịja. Ọkị-agha hụ nọ chọburu Ẹlaịja. O ru ẹ, e lee Ẹlaịja k'ọ nọdị nwan alị elu òke, ọ nọ sị Ẹlaịja, “Onyẹ-ozi Osolobuẹ, Eze sị ị, ‘Hidan!’ ”

Ndị-nze Nke Ẹbụọ 12:9

Jehoyada wụ onyẹ-isi nchụn-ẹjan nọ weri ẹkpẹti ohu, be oghe mẹ ẹkẹrẹ ye elu ẹ, bu ẹ che ụsụọ ukpo nchụn-ẹjan, azụụn ẹka-nni onyẹ bankọ imẹ Ụlọ-nsọ Osolobuẹ. Ndị nchụn-ẹjan hụn e che nche ọnụmụzọ ahụn hụ e bu egho ile ịhịan wẹhẹ Ụlọ Osolobuẹ e che imẹ ẹkpẹti hụ.

Ndị-nze Nke Ẹbụọ 25:18

Onyẹ-isi ndị-nche Nebukadineza a kpụnrụnzịghọ onyẹ-isi nchụn-ẹjan wụ Sẹraya, onyẹ nchụn-ẹjan a hansọnn'ẹ wụ Zẹfanaya lẹzi madụ ẹtọ ndị-isi ndị-nche ọnụmụzọ Ụlọ-nsọ.

Ndị-nze Nke Ẹbụọ 5:14

Ya Naamanị nọ jẹnmẹ, ruban imẹ mirin Jọdanị mgbe ẹsa hụ Osolobuẹ gwa a, ya ẹhụ a nọ rị mma, nọ kẹ ẹhụ okorọbịa.

Ndị-nze Nke Ẹbụọ 5:20

Gẹhazi hụn wụ odibo Ẹlaịsha onyẹ amụma nọ sị enwẹn ẹ, “Ledẹ-o! Di-nwọnni m e mẹkẹzini Naamanị onyẹ Aramnị ẹfọma ebe ọ nọlẹni weri ihiẹn o buhẹ. Ma Osolobuẹ, m k'a chụburu ẹ d'a narịn a ihiẹn.”

Ndị-nze Nke Ẹbụọ 6:10

O mẹgụ, eze Izrẹlụ nọ zi wẹ d'e lele ebẹhụ odibo Osolobuẹ gwa a oku ẹ. Ẹrịra kẹ Ẹlaịsha gwasọnmẹ eze Izrẹlụ ebe-lẹ-ebe wẹ ku, eze nkẹ hụ e zi wẹ d'e chekin ebẹhụ.

Ndị-nze Nke Ẹbụọ 7:17

Onyẹ-isi agha hụ tanhan eze ẹka iwe Ẹlaịsha, kẹ eze buche ọrụn iche ọnụ-mgbọn obodo nche ẹka. Ogẹn wẹ gi nwan rị a fan-nfan (afụ fa) ọnụ-mgbọn, wẹ nọ zọgbu ẹ tọ ebẹhụ. Ọ nọ nwụnhụn kẹ odibo Osolobuẹ dọn ku ogẹn ahụn eze gi bịa iwe ẹ.

Ndị-nze Nke Ẹbụọ 7:2

Onyẹ-isi agha hụn tanhan eze ẹka nọ sị odibo Osolobuẹ, “Ọsụọdẹn'a nị Osolobuẹ besọnmẹ oghe ye igwere, nị ihiẹnni i ku s'ẹka mẹ?” Ẹlaịsha nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”

Ihiẹn Mẹni Nke Ibuzọ 9:27

W'a nọhunmẹ Ụlọ Osolobuẹ eki e we fọn, makẹni ogbo wẹ rọ; uwẹ e kwọndọnzi ịsanhan wẹ gi a kpọpụ a ụtụntụn ile.

Ihiẹn Mẹni Nke Ẹbụọ 8:14

Kẹni Solomọnụ mẹ ihiẹn nẹdi ẹ wụ Defidi sị wẹ mẹ, ọ nọ dọnmẹsọnmẹ ndị nchụn-ẹjan itu-itu wẹ k'a nọ rụn ọrụn wẹ, dọnmẹsọnmẹzi ndị Livaị itu-itu w'a nọ e du ẹbụ ịja-mma, e yezikwọnị ndị nchụn-ẹjan ẹka ọrụn ụhụọhịn ọwụlẹ ọ chọ. O dọnmẹsọnmẹzikwọ ndị e che nche ọnụ-mgbọn itu-itu w'a nọ che ọnụ-mgbọn ichẹn-ichẹn, makẹni ịya kẹ Defidi wụ odibo Chuku sị wẹ mẹ.

Ẹbụ-ọma 84:10

Akpọhịn ohu ezi-ọgwa ị ka mma karị akpọhịn nnụ-uku ebe ọzọ; iwuzo ọnụmụzọ Ụlọ Chuku m ka mma karị ibi ụlọ ndị wẹ nọ e mẹ eje-ihiẹn.

Jerimaya 21:1

Ọnwan wụ ihiẹn Osolobuẹ gwa Jerimaya ogẹn eze wụ Zẹdikaya gi zi Pashuru nwa Mal'kija lẹ onyẹ nchụn-ẹjan wụ Zẹfanaya nwa Maaseya d'a hụn a, wẹ sị a,

Jerimaya 26:10

Ogẹn ịhaịmẹ alị Juda gi nụ ihiẹn rị e mẹni, wẹ nọ gha ebe wẹ rị imẹ obi-eze shi ụlọ-nsọ ebẹhụ. Wẹ nọ zu Ọnụ-mgbọn Ọhụn hụn rị Ụlọ-nsọ Osolobuẹ.

Jerimaya 35:3

Ya m nọ jẹn d'e kunrun Ja-azanịa nwa Jerimaya nwa Habazinia, ya lẹ umunẹ ẹ ikẹnnyẹ lẹ ụmụ a ikẹnnyẹ ile lẹ ndị ọzọ ile rị ebọn Rekabụ.

Jerimaya 52:24

Onyẹ-isi ndị-nche Nebukadineza a kpụnrụnzịghọ Sẹraya onyẹ-isi nchụn-ẹjan, Zẹfanaya onyẹ nchụn-ẹjan a hansọnn'ẹ lẹzi mmadụ ẹtọ kị ndị Livaị e che ọnụmụzọ Ụlọ-nsọ.

Izikẹlụ 40:38

Mmughẹ w'a nọ a chanchan ẹjan w'a dụn ọkụn rịsọnmẹ ọnụ-mgbọn ndịnị shi ezi-ọgwa rị imẹ-imẹ. Ọnụmụzọ wẹ rị ẹtu-ụlọ ọnụ-mgbọn ndịnị.

Izikẹlụ 43:8

E bu wẹ ọnụmụzọ wẹ nọkunmẹ ọnụmụzọ m, ẹhụ-ụlọ ohu sụọ nọ rị ẹgbata mmẹ lẹ wẹ; e gi wẹ ụrụ ile wẹ mẹ mẹrụ Ẹfan m rị nsọ, m nọ gi iwe tikpọ wẹ.

Ditrọnọmi 33:1

Ọnwan wụ ngọzi Mozizi wụ odibo Osolobuẹ gọzisọnmẹ ndị Izrẹlụ n'o d'a nwụn.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 3:17

kẹni onyẹ nke Osolobuẹ wụrụ onyẹ wẹ zụn ọhụnma, hụn k'a s'ẹka mẹ ihiẹn ile rị mma.

Joshụa 14:6

Ndị ebọn Juda jẹn d'e kunrun Joshụa kẹ Izrẹlụ rị Gil'galụ. Kalẹbụ nwa Jefunẹ, onyẹ ẹbozo Kẹnizi, nọ sị a, “Y'a marịnghọ ihiẹn Osolobuẹ gwa Mozizi Onyẹ nke Osolobuẹ imẹ Kadẹshi-Bania banyeni mmẹ lẹ yụ.

Samuẹlụ Nke Ibuzọ 2:27

Onyẹ-ozi Osolobuẹ zi nọ nwan bịa d'e kunrun Ẹlaị, sị a, “Lee ihiẹn Osolobuẹ ku: Eweni m enwẹn m ghọsị ikpụlọ nẹdi i ogẹn wẹ gi rị alị Ijiptu okpuru eze Ijiptu wụ Fẹro?