Jerimaya 35:14 - Ika

¹⁴ Jonadabụ nwa Rekabụ sị ebọn ẹ aralẹ manya, wẹ nọ gi ihiẹn hụ ọ gwa wẹ dọn: d'e rukwọ nwan tannị w'a ra ra manya, makẹni wẹ rị e mẹ ihiẹn nẹdi wẹ kanị sị wẹ mẹ. Kanị, mmẹ nwẹn wụ Osolobuẹ hụ nwan a gwa ụnụ oku ọgụgwa-ọgụgwa, ụnụ arị e gi oku m e dọn.

Jerimaya 35:14 ပူးပေါင်းရင်းမြစ်များ

Nehemiah 9:26

“Kanị e nupụkwọnị wẹ i isi; e nu wẹ Iwu i ye ụsụọ; e gbu wẹ ndị-amụma ị hụn gwa wẹ njọ wẹ kẹni wẹ gi ẹ rogharị buruhẹz'i; e mẹsọnmẹ wẹ ihiẹn bu ọda wẹ gi kpari i.

Nehemiah 9:30

Ị nọ gi ndidin sọn wẹ ahụa bu ọda, gi Mmọn ị dọsọnmẹ wẹ ẹka-ntịn ghahanị ndị-amụma ị. Kanị egọnni wẹ ntịn. Ya ị nọ bu wẹ che ẹka ndị alị ọzọ nọhunmẹni wẹ.

Azaya 30:9

Makẹni, ndị nnupụ-isi kẹ ndịnị wụ — ụmụ hụn a tụ ntụ, ụmụ chọlẹni nị wẹ nụ ihiẹn Osolobuẹ rị a gwa wẹ.

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Jerimaya 11:7

Gha ogẹn m gi gha alị Ijiptu wepụha ndị nẹdi ụnụ d'e ru tannị, ẹnịna kẹ m'a gba wẹ mkpịnsịn-ẹka ẹnya, a gba wẹ ya a gbakwasị, a sị wẹ, “Mẹ ni ihiẹn m sị ụnụ mẹ.”

Jerimaya 26:5

omẹni ụnụ egọnni idibo m wụ ndị-amụma ntịn — ndị amụma hụn m rị e zihẹni ụnụ ozihẹni-ozihẹni, hụn ụnụ jụ nị ụnụ egọnkọ ntịn,

Jerimaya 29:19

Makẹni egini wẹ oku m dọn, oku hụn m gi idibo m wụ ndị-amụma gwa wẹ ọgụgwa-ọgụgwa. Ya kẹ Osolobuẹ ku. Ụnụ nwẹn wẹ kpụnshi alị ndị-ọzọ egizikwọnị oku m dọn. Ya kẹ Osolobuẹ ku.

Jerimaya 32:33

“E bu wẹ azụụn zinmẹ m, ẹlẹ ihun; m hụ a kuzi wẹ ọkuzi-ọkuzi, w'a ra gọn ntịn, achọdẹni wẹ nị wẹ nụ.

Jerimaya 35:16

Ebọn Jonadabụ nwa Rekabụ hụ e mẹ ihiẹn nẹdi wẹ kanị sị wẹ mẹ, kanị ndịnị ara mẹ ihiẹn m sị wẹ mẹ.’

Jerimaya 35:6

Kanị, wẹ nọ sị, “Ẹnyi ara ra manya. Nẹdi ẹnyi kanị wụ Jonadabụ nwa Rekabụ sị ẹnyi, ‘Arakwọlẹ ni manya — kẹ ụnụ kẹ agbọ ụnụ ndị lalanị;

Jerimaya 7:13

Kẹ ụnụ rị e mẹ ihiẹn ndịnị, m hụ a gwa ụnụ ọgụgwa-ọgụgwa, kanị ụnụ egini dọn; a kpọ m ụnụ, ụnụ azanị. Ya kẹ Osolobuẹ ku.