Jerimaya 34:17 - Ika

¹⁷ “Ufiri ẹ, mmẹ wụ Osolobuẹ sị, ‘Ụnụ egọnni m ntịn hatu umunẹ ụnụ, ndị alị Juda ibe ụnụ. M jẹnkọ nwan d'a hatu ụnụ nwẹn, ha ụnụ yeni ọpịa-agha, eje-emu lẹ ẹgụn nị wẹ gbu ụnụ. Ya kẹ Osolobuẹ ku. M mẹgụ ụnụ ihiẹn m k'e mẹ ụnụ, egun k'a tụma ndị alị-eze ile rị ụwa.

Jerimaya 34:17 ပူးပေါင်းရင်းမြစ်များ

Ẹsta 7:10

Ya kẹ wẹ nọ gi ihiẹn Hamanị rụntọ n'o gi hogbu Mọdikaya, hogbu Hamanị lẹ enwẹn ẹ. Olulu eze nọ rọ.

Jerimaya 15:2

Wẹ sị ị, ‘Elebe kẹ ẹnyi jẹnkọ?’ Sị wẹ, ‘Lee ni ihiẹn Osolobuẹ ku, Ndị ọnwụn jẹnkọ d'e gbu, wẹ jẹnmẹ nị ọnwụn d'e gbu wẹ; ndị agha k'e gbu, wẹ jẹnmẹ nị agha d'e gbu wẹ; ndị ẹgụn jẹnkọ d'e gbu, wẹ jẹnmẹ nị ẹgụn d'e gbu wẹ; ndị wẹ jẹnkọ d'a kpụnrụn, wẹ jẹnmẹ ni wẹ d'a kpụnrụn wẹ.’

Jerimaya 15:4

M k'e gi ufiri ihiẹn eze Juda mbụ wụ Manasẹ nwa Hezikaya mẹ imẹ Jerusalẹm mẹ wẹ ihiẹn alị-eze ndị ọzọ ile rị ụwa jẹnkọ d'a hụn, egun a tụ wẹ.

Jerimaya 21:7

O mẹgụ, m k'e we eze Juda wụ Zẹdikaya lẹ ịhaịmẹ ẹ lẹ ndị ile k'a wanahịn eje-emu hụ lẹ ọpịa-agha lẹ ẹgụn hụ lala imẹ obodoni ye Nebukadineza wụ eze ndị Babilọnụ lẹ ndị iṅẹnrẹn wẹ ndị ọzọ chọkọ wẹ ogbugbu. O jẹnkọ d'e gi ọpịa-agha gbu wẹ; o mẹkọnị wẹ omikẹn mọbụ ebere, o lekọdẹ wẹ ẹnya ihun. Ya kẹ Osolobuẹ ku.’

Jerimaya 29:17

Osolobuẹ ihiẹn ile rị okpuru ẹ sị, ‘M jẹnkọ d'e zihẹni wẹ ọpịa-agha, ụnwụn lẹ eje-emu, a nọ wẹ kẹ ogbe figi jọgbu enwẹn ẹ njọ jẹnkọlẹni d'a nị ri.

Jerimaya 29:18

Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.

Jerimaya 32:24

“Lee kẹ ndị Babilọnụ tụnsọnmẹ mkpọnyin ye mgbọn obodoni, nọ ebẹhụ a lụsọn ẹ agha kẹni wẹ weri ẹ. Y'e gigụọ ọpịa-agha lẹ ụnwụn lẹ eje-emu mẹ obodoni ban ẹka ndị Babilọnụnị rị a lụsọn ẹ agha. Ihiẹn nwẹn i ku e mẹgụọ kẹ ị dọn nwan rị a hụn a.

Jerimaya 32:25

Kanị, Osolobuẹ ihiẹn ile rị okpuru ẹ, ọsụọn'a nị ndị Babilọnụ e d'e weri alịnị, ị sị m, ‘Ṅọnrin alị hụ idẹnya ndị ọshẹri k'e biye ẹka.’ ”

Jerimaya 32:36

“Lee ihiẹn Osolobuẹ hụn wụ Chuku Izrẹlụ ku banyeni obodoni: ụnụ sị nị ‘E gigụọ wẹ ọpịa-agha lẹ ụnwụn lẹ eje-emu mẹ obodoni ban ẹka eze Babilọnụ.’ Kanị, Osolobuẹ sị:

Jerimaya 34:8

Ọnwan wụ ihiẹn Osolobuẹ gwa Jerimaya ogẹn hụ eze wụ Zẹdikaya gi sị ndị ile rị Jerusalẹm kunn'ẹ Osolobuẹ, hịgbarị a nị igbọn ile sikọ d'e werisọnmẹ enwẹn wẹ —

Jerimaya 38:2

“Osolobuẹ sị, ‘Onyẹ nọdị imẹ obodoni ọpịa-agha mọbụ ẹgụn mọbụ eje-emu e gbu ẹ. Kanị, onyẹ hụn fetuni we enwẹn ẹ ye ndị Babilọnụ k'a rị ndụn; o k'a hụn isi wanahịn; ọ nwụnkọ.’

Ẹkwan 1:8

Jerusalẹm e mẹọlẹ okẹn njọ, o gigụ a nwan rụ. Ndị ile hụn te a gbaye ẹ rị nwan e legberi ẹ, makẹni a hụngụọ wẹ ọtọ a; ya nwẹn rị nwan a sụn udẹn, e bupụ ihun.

Daniẹlụ 6:24

Eze nọ zi wẹ, wẹ nọ jẹn d'e wẹhẹ ndị ahụn gi iwe Daniẹlụ rị e weni wẹ kpe Daniẹlụ, tụ wẹ ye imẹ olu ẹwọrọ hụ — wẹ lẹ inyẹnmẹ wẹ lẹ ụmụ wẹ. W'e ke rudẹ alị olu ahụn kẹ ẹwọrọ ndị hụ maye wẹ, kpagichanrịn ọkpụkpụ ile rị wẹ ẹhụ.

Matiu 7:2

K'i dọn han eṅẹn kẹ Osolobuẹ k'a dọn hann'ị. Ẹka i gi sọn ịhịan kẹ Osolobuẹ k'e gi sọn i.

Ndị Galeshịa 6:7

Edufiekwọlẹ ni enwẹn ụnụ: Osolobuẹ anịkọkwọ wẹ lelịa a; ihiẹn onyẹ kụn k'o k'a ghọrị.

Ditrọnọmi 19:19

ụnụ e mẹ ẹ ihiẹn o te chọ n'o mẹ nwẹnẹ ẹ. Ụnụ k'e wepụchanrịnrịrị eje-ihiẹn ahụn imẹ igunrun ụnụ.

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.

Rẹvẹleshọnụ 16:6

Makẹni ẹdeke ndị-nsọ lẹ ndị-amụma rị wẹ ẹka, y'e yegụọ wẹ ẹdeke ra! Ihiẹn wẹ chọ kẹ wẹ rị nwan a hụn!”