Jerimaya 34:16 - Ika

¹⁶ Omẹgụzị nwan, ụnụ nọ gbehutọ, budan ẹfan m, werizi ikẹnnyẹ lẹ ikpoho ndị nwẹn ụnụ te hatugụ nị wẹ jẹnmẹ ebe sụọnị wẹ, kpamazị wẹ igbọn.

Jerimaya 34:16 ပူးပေါင်းရင်းမြစ်များ

Ọpụpụ 20:7

“Egikwọlẹ ni ẹfan Osolobuẹ wụ Chuku ụnụ mẹ ihiẹn furulẹni; makẹni, Osolobuẹ ahatukọkwọ onyẹ ọwụlẹ gi ẹfan a mẹ ihiẹn furulẹni.

Jerimaya 34:11

Kanị, o mẹgụ, wẹ nọ rohutọ, werizi igbọn ndị nwẹn wẹ te hatugụ, kpamazị wẹ igbọn.

Izikẹlụ 13:22

“ ‘Ụnụ hụ e gi ntụ ụnụ e mẹ ndụn a gụ ndị ezi-omumẹ bụ ẹlẹ mmẹ ku ihiẹn ndị hụ ndụn gi a gụ wẹ, a gba ndị eje-omumẹ umẹ, e mẹ wẹ ahapụlẹ eje-obibi wẹ, hụn te furu w'a hapụ kẹni wẹ rị ndụn.

Izikẹlụ 18:24

“Kanị, omẹni onyẹ ezi-omumẹ e bihutọ ẹka, mẹmẹ njọ, mẹmẹ arụ ndị hụ onyẹ-njọ e mẹ, n'ọ rịdẹ nwan ndụn ra? Ezi-omumẹ ile o mẹ, onwọnni hụn m k'a nyanhan, ebe o mẹni o hutọgụọ, mẹmẹ njọ; isi ẹ k'a tọ a.

Izikẹlụ 20:39

“Ụnụ ndị Izrẹlụ, Osolobuẹ Nwọn Ihiẹn Ile sị: Jẹnmẹkwọ nị d'e femẹ mmọn ụnụ — onyẹ lẹ mmọn a, onyẹ lẹ mmọn a! Kanị, omẹgụ, ụnụ k'e gọnrịrị m ntịn, ụnụ egikọzị mmọn ụnụ ndị hụ lẹ oyiye ụnụ e ye wẹ budan ẹfan m rị nsọ.

Izikẹlụ 3:20

“O mẹzikwọnị onyẹ ezi-omumẹ a latọ ezi-omumẹ ẹ, mẹmẹ eje-ihiẹn, nị e bu m uke tọn'a; o k'a nwụn. Ebe o mẹ ni y'a gban'a mkpịnsịn-ẹka ẹnya, o k'a nwụn makẹ njọ a. Anyanhankọ m ihiẹn rị mma o mẹ; ẹdeke ẹ jẹnkọ d'a rị ị ẹka.

Izikẹlụ 39:7

M k'e gi ẹ mẹ ndị nke m wụ Izrẹlụ marịn nị ẹfan m rị nsọ. Anịkọzị m ịhịan legberi ẹfan-nsọ m. Alị ndị ọzọ k'e gi ẹ marịn nị mmẹ, Osolobuẹ, wụ Onyẹ-nsọ Izrẹlụ.

Lẹvitikọsụ 19:12

“Ekunlẹni ẹfan m tụ ntụ, gi ẹ budan ẹfan mmẹ wụ Chuku ụnụ. Mmẹ wụ Osolobuẹ.

Malakaị 1:12

Kanị ụnụ hụ e budan ẹfan m ebe ụnụ rị e mẹ teburu Onyẹ-nwọn ihiẹn ile nọkẹ ihiẹn rụnị, e lelịa ihiẹn-oriri ẹ;

Malakaị 1:7

Ẹjan ndịnị rụnị ụnụ rị a chụnyeni m elu ukpo nchụn-ẹjan m kẹ ụnụ gi e budan ẹfan m. “Ụnụ sị, ‘Nanị ẹnyi dọn mẹrụ ihiẹn i?’ Teburu Osolobuẹ ụnụ rị a kpọ ihiẹn mmakalaka kẹ ụnụ gi e mẹrụ ihiẹn m.

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.