Jerimaya 33:26 - Ika

²⁶ ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Jerimaya 33:26 ပူးပေါင်းရင်းမြစ်များ

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹzra 2:1

Ndịnị wụ ndị Ju, ndị Ẹgbẹrẹni, hụn lụanị imẹ ndị wẹ kpụnrụn, ndị ahụn eze Babilọnụ wụ Nebukadineza kpụnrụn shi Babilọnụ. Wẹ lụaha Jerusalẹm lẹ Juda; onyẹ-onyẹ lashi obodo ẹ.

Ẹzra 2:70

Ndị nchụn-ẹjan lẹ ndị Livaị lẹ ụfọdụ ndị mmaka lẹ ndị ọkụ-ẹbụ lẹ ndị-nche ọnụ-mgbọn Ụlọ-nsọ lẹ ndị e jẹn ozi imẹ Ụlọ-nsọ nọ birisọnmẹ imẹ obodo wẹ ndị nọkunmẹ Jerusalẹm; ndị Izrẹlụ ile họdụnị nọ birisọnmẹ obodo wẹ rị ichẹn-ichẹn.

Ẹbụ-ọma 126:1

Ogẹn Osolobuẹ gi mẹ n'ọ rịzị nị obodo Zayọnụ mma, ọ rị ẹnyi kẹ nrọ!

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Jerimaya 3:12

“D'e bu ẹnya zinmẹ ẹbamịn-ugu n'ị hị ihiẹnni: sị wẹ, ‘Izrẹlụ danpụgụnị, kinhẹn azụụn.’ Ya kẹ Osolobuẹ ku. ‘Ebupụkọzị m ụnụ ihun, onyẹ omikẹn kẹ m wụ.’ Ya kẹ Osolobuẹ ku. “Ewekọ m iwe jẹnrin ejẹn.

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 31:35

Lee ihiẹn Osolobuẹ ku — Osolobuẹ hụn tumẹ anwụn n'ọ hụn ụzọ e ti efinnaị, sị ifọn lẹ kokisẹ ichẹn-ichẹn e ti imẹ uhinhin, Osolobuẹ hụn e mẹhunmẹ ohimin, mirin ẹ a kpọma ẹbiri; Osolobuẹ hụn Ẹfan a wụ “Osolobuẹ ihiẹn ile rị okpuru ẹ,” ọ sị:

Jerimaya 31:37

Osolobuẹ sịzị: “Omẹni ịhịan s'ẹka ma igwere ile mọbụ chọpụha iyetọ ụwa, ya kẹ m'a nọ jụchanrịn ụmụ Izrẹlụ ile yeni eje-ihiẹn ile wẹ mẹ.” Ya kẹ Osolobuẹ ku.

Jerimaya 33:24

“Y'a hụnnị kẹ ndịnị rị a sị, ‘Osolobuẹ a jụgụọ ikpụlọ ẹbụọ ọ họrị, Izrẹlụ Ẹbamịn-ugu lẹ Juda’? Wẹ rị nwan e legberi ndị nke m elegberi; w'ara kpọzịdẹ wẹ alị.

Izikẹlụ 39:25

“Osolobuẹ Nwọn Ihiẹn Ile sị: M k'e wepụha nwan ebọn Jekọpụ ẹka ndị gini wẹ. Ẹghẹẹ, m sikọ nwan d'e mẹ omikẹn Izrẹlụ ile; m sikọ d'e mẹ nị m dọnmẹ Ẹfan-nsọ m.

Hosia 1:7

Kanị, m k'e mẹni ndị hụn rị Juda omikẹn; m k'e gi ikẹn ahụn m gi wụ Osolobuẹ, Chuku wẹ, zụọpụha wẹ. Egikọ m ụta mọbụ ọpịa-agha mẹ ẹ, egikọ m agha mọbụ ẹshin mọbụ ndị gi ẹshin-agha a lụ mẹ ẹ.”

Hosia 2:23

“M k'a kụnye Izrẹlụ alịnị kẹ ihiẹn m, e mẹni m ‘Omikẹn-arịa’ omikẹn ọsụọn'a nị m kpọ a ‘Omikẹn-arịa’; m k'a sị ndị nwẹn w'a kpọ ‘Ẹlẹ wẹ ndị nke m,’ ‘ndị nke m kẹ ụnụ wụ,’ a sị wẹ m, ‘Ịyụ wụ Chuku ẹnyi.’ ”

Zẹkaraya 10:6

M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

Ndị Rom 11:32

Makẹni, Osolobuẹ a gụngụọ ịhịan ile ye ndị nnupụ-isi, kẹni ọ hụn ụzọ mẹni ịhịan ile omikẹn.