Jerimaya 33:24 - Ika

²⁴ “Y'a hụnnị kẹ ndịnị rị a sị, ‘Osolobuẹ a jụgụọ ikpụlọ ẹbụọ ọ họrị, Izrẹlụ Ẹbamịn-ugu lẹ Juda’? Wẹ rị nwan e legberi ndị nke m elegberi; w'ara kpọzịdẹ wẹ alị.

Jerimaya 33:24 ပူးပေါင်းရင်းမြစ်များ

Ẹbụ-ọma 71:11

a sị, “Chuku a lagụọ a tọ, chụ n'a, nwụndọnn'ẹ, n'o nwọnni onyẹ k'a zụọpụhan'a!”

Ẹbụ-ọma 83:4

Wẹ hụ a sị ibe wẹ, “Bịa nị, nị ẹnyi tikpọ alị wẹ la iwi, kẹni ẹfan Izrẹlụ gụ!”

Ẹbụ-ọma 83:5

E zugụọnị wẹ i eje-umẹ; e kwerigbamagụọ wẹ bunụman'ị:

Ẹbụ-ọma 94:14

Makẹni Osolobuẹ alatọkọ ndị nke ẹ; ọ gbakitọkọ ihiẹn ẹ azụụn.

Azaya 11:13

Ẹnya afụkọzị Ifrem; Ndị rị e kpokpo Juda k'a gụ; ẹnya Juda afụkọzị Ifrem, Juda egikọzị iwe e sọn Ifrem.

Azaya 7:17

“Osolobuẹ jẹnkọ d'e wẹhẹni yụ lẹ ndị nke i lẹ ikpụnọ nẹdi i ogẹn jọgbu enwẹn ẹ — ụdị wẹ hụntulẹni kete Ifrem wụ Izrẹlụ Ẹbamịn-ugu ghalẹ okpuru Juda pụ: o k'e wẹhẹ eze Asiria d'a maye ụnụ.”

Jerimaya 3:7

Ihiẹnni ile o mẹ, m te roni o k'e kinhẹn d'e kunrun m, kanị, o kinhẹnni. Juda nwẹnẹ-ẹ-okpoho ẹnya rịlẹni ụzọ ohu a hụnghọ ihiẹn mẹni.

Jerimaya 3:8

E yeghọ m Izrẹlụ Ẹbamịn-ugu danpụgụnị ẹkụkwọ-mpechan, chụpụ a — makẹ ughẹrẹ ẹ, ife mmọn ichẹn-ichẹn. M nọ hụn a nị egun atụnị Juda nwẹnẹ ẹ hụn ẹnya rịlẹni ụzọ ohu, ọ pụ ogbe d'a ghẹrẹmazị ughẹrẹ ife mmọn ichẹn-ichẹn.

Jerimaya 30:17

“M jẹnkọ d'e mẹ ẹhụ rịzị ị ikẹn; a changbu m'i ẹtẹ, makẹni wẹ rị a kpọ ị ‘onyẹ wẹ jụ’, ‘Zayọnụ nwọnlẹni onyẹ a jụ ukwere ẹ.’ Osolobuẹ e kugụọ a.”

Jerimaya 31:36

“Omẹni ihiẹn ndịnị m ke k'a s'ẹka sọnbehi iwu m tumẹni wẹ, ya wụ nị Izrẹlụ k'a s'ẹka wụbehi alị ebe m rị. Ya kẹ Osolobuẹ ku.”

Jerimaya 31:37

Osolobuẹ sịzị: “Omẹni ịhịan s'ẹka ma igwere ile mọbụ chọpụha iyetọ ụwa, ya kẹ m'a nọ jụchanrịn ụmụ Izrẹlụ ile yeni eje-ihiẹn ile wẹ mẹ.” Ya kẹ Osolobuẹ ku.

Jerimaya 33:23

Osolobuẹ sịzị Jerimaya,

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Jerimaya 51:5

Makẹni Chuku ndị Izrẹlụ lẹ ndị Juda, hụn wụ Osolobuẹ ihiẹn ile rị okpuru ẹ alanị wẹ tọ, ọsụọn'a njọ jun alị wẹ, njọ wẹ rị e mẹ Onyẹ-Nsọ Izrẹlụ.

Ẹkwan 4:15

Ịhịan ile hụ e yi, “Pụ nị! Ụnụ rụ arụ! E jẹn ni! E jẹn ni! Emẹtụkwọlẹ ni ẹnyi ẹka!” Ogẹn wẹ gi gba ọsọ, wahunmẹmẹ, ndị alị ichẹn-ichẹn hụ a sị, “Ẹhẹn, anọdịkọzị wẹ alị ẹnyi ebeni.”

Izikẹlụ 25:3

Sị ndị Amọnụ, ‘Gọn ni ntịn ihiẹn Osolobuẹ Nwọn Ihiẹn Ile ku. Osolobuẹ Nwọn Ihiẹn Ile sị: Ebe o mẹni ụnụ sị “Ẹhẹn!” makẹni wẹ mẹrụ Ụlọ-nsọ m, makẹni wẹ kpọnchanpụ ndị Izrẹlụ alị wẹ a gba okpokoro, makẹni wẹ kpụnrụn ndị Juda shi alị ọzọ,

Izikẹlụ 26:2

“Nwa-ịhịan, ebe Taya nọ sị Jerusalẹm, ‘Ẹhẹn! E tikpọgụọ wẹ i, ọnụ-mgbọn nwẹn rị alị ile mkpa! Ụzọ a kpọpụgụọnị m nwan! M k'a gha nwan ihun hụnnị ọ dan!’

Izikẹlụ 36:2

“Osolobuẹ Nwọn Ihiẹn Ile sị: Makẹni ndị-iṅẹnrẹn sị, ‘Ẹhẹn! Ugu ẹdẹi ndị hụ e họnringụọ nwan nke ẹnyi!’

Izikẹlụ 36:20

“Ebe-lẹ-ebe wẹ ru imẹ alị ndị ahụn, e wiwi wẹ Ẹfan m rị nsọ, makẹni w'e ku oku wẹ, a sị, ‘Ndịnị wụ ndị nke Osolobuẹ, kanị a ghakwọ wẹ alị a kpụnhan wẹ ebeni.’

Izikẹlụ 37:11

Osolobuẹ nọ nwan sị, “Nwa-ịhịan, ọkpụkpụ ndịnị wụ ndị Izrẹlụ ile. Wẹ rị nwan a sị, ‘Ọkpụkpụ ẹnyi a kpọgụọ nkụn, ẹnyi enwọnzi olilẹnya; nke ẹnyi a gụgụọ!’

Izikẹlụ 37:22

M k'e mẹ wẹ wụrụ alị ohu imẹ alị Izrẹlụ, elu-ugu rịsọnmẹ alị Izrẹlụ; eze ohu k'a kịma wẹ ile, onwọnzini ogẹn w'e gi wụrụ alị ẹbụọ mọbụ kebezi họnrin alị-eze ẹbụọ.