Jerimaya 32:41 - Ika

⁴¹ O k'a gha a sụọ m nị m'e mẹ wẹ mma; m k'e gi obi m ile lẹ ihiẹn ile rị imẹ m kụn wẹ ye alịnị nọkẹ ihiẹn-ugbo.’ ”

Jerimaya 32:41 ပူးပေါင်းရင်းမြစ်များ

Ẹbụ-ọma 80:8

Ẹnyi wụ vaịnị hụn ị gha Ijiptu wepụha, ị nọ chụpụ ndị alị ọzọ rị ichẹn-ichẹn gbọ ẹnyi ye.

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Azaya 62:4

Akpọkọzị wẹ i “Onyẹ wẹ gbatọ” mọbụ kpọzị alị ị “Alị wẹ jụ.” Kama wẹ k'a kpọma ị “Ihiẹn ẹ sụọ m,” kpọma alị ị “A lụgụọ w'a;” makẹni ihiẹn i k'a sụọ Osolobuẹ, makẹni Osolobuẹ k'a lụmazị alị ị.

Azaya 62:5

Kẹ okorọbịa e mẹ nwagbọọ ọ rị a lụ, ẹrịra kẹ mmụ ị ikẹnnyẹ k'a dọn mẹ i; kẹ obi dọn a sụọ okẹnnyẹ rị a gba ẹhụhụọ ụsụọ makẹ nwunyẹ ẹ, ẹrịra kẹ obi k'a gha a sụọ Chuku i ụsụọ makẹ yụ.

Azaya 65:19

M k'e gi Jerusalẹm ghọghọ, ndị nke m k'a gha a sụọ m. Anụkọzị wẹ ẹkwan mọbụ ịkwan-ụya imẹ ẹ.

Jerimaya 18:9

O mẹzikwọ nị m sị nị m jẹnkọ d'a pali alị mọbụ alị-eze ọwụlẹ, mẹ ẹ turu ọhụnma-ọhụnma,

Jerimaya 24:6

M sikọ d'e lepụ wẹ ẹnya ọhụnma ebẹhụ. M k'e wekinhẹnzi wẹ ebeni. M k'a tụnshi wẹ elu, ẹlẹ m k'a kụtu wẹ; m k'a kụn wẹ, ehuepụkọ m wẹ.

Jerimaya 31:28

Ọ wụrụ nị kẹ m dọn buchanrịn ẹnya zinmẹ wẹ kẹni m huepụ wẹ, kụkpọ wẹ, ma wẹ tuhu, wiwi wẹ, gi eje-ihiẹn sọn wẹ, ẹrịra kẹ m k'e dọn buchanrịnzị ẹnya zinmẹ wẹ, kẹni m tụn wẹ kẹ ụlọ, kụn wẹ kẹ ihiẹn-ugbo. Ya kẹ Osolobuẹ ku.

Izikẹlụ 36:36

Ogẹn ahụn kẹ alị ndị nọkunmẹ ụnụ hụn k'a họdụnị e gi marịn nị mmẹ wụ Osolobuẹ a tụndọnzigụọ ihiẹn tikpọnị, rụnzị alị te lagụ iwi ugbo. Mmẹ wụ Osolobuẹ e kuọl'a; m k'e mẹ ẹ.’

Hosia 14:5

M k'a rị kẹ igirigi ebe ndị Izrẹlụ rị, e sue wẹ, e gbuke kẹ obobo; wẹ k'a gba mkpọgụn kẹ osisi rị ẹgboko alị Lẹbanọnụ.

Emọsụ 9:15

M jẹnkọ d'a kụn Izrẹlụ ye alị wẹ, onwọnni ogẹn wẹ e gi bụpụzị wẹ alị hụn m ye wẹ.” Osolobuẹ wụ Chuku ụnụ e kugụọ a!

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹfanaya 3:17

Osolobuẹ hụn wụ Chuku ụnụ nọyeni ụnụ anọyeni! Odogun hụn a zụọnị k'ọ wụ! Yụ wụ Jerusalẹm k'a rị a sụọ a, e mẹ ẹ a ghọghọ. O k'e gi ihiẹn-ọsụsụọ a gba Jerusalẹm umẹ. O k'e gi i a ṅan, a bụshi ẹbụ elu.”

Ditrọnọmi 28:63

Kẹ o dọn sụọ Osolobuẹ ụsụọ mẹ ụnụ gha ihun, ba ụba, ẹrịra k'o k'a sụọzị a wiwi ụnụ ihiẹn, tikpọ ụnụ. O k'e huepụ ụnụ alịnị ụnụ banyekọ nwan d'e weri.

Ditrọnọmi 30:9

Osolobuẹ wụ Chuku ụnụ e mẹ ihiẹn ile ụnụ buche ẹka ghachanrịn ihun ọda-ọda, mẹ ụmụ ụnụ bu ọda, mẹ anụ ụnụ barahị, mẹ ihiẹn-ugbo ụnụ mẹ ọda-ọda, makẹni oku ụnụ k'a ghazị e ye Osolobuẹ anwịnrịn kẹ nke ndị nẹdi ụnụ kanị dọn ye ẹ anwịnrịn, o mẹ ụnụ gha ihun: