Jerimaya 32:35 - Ika

³⁵ A tụnsọnmẹ wẹ ukpo wẹ nọ a rụa Baalụ ye imẹ Ọdanmgbugbu Bẹn-Hinọm, a nọ ebẹhụ e gi ụmụ wẹ ikẹnnyẹ lẹ ikpoho a chụnyeni mmọn wụ Molẹkị ẹjan — bụ ezini m wẹ, obi m eshitudẹni izi wẹ d'e mẹ arụ nọ ẹnịna; wẹ nọ gi ẹ dọ Juda ye imẹ njọ.

Jerimaya 32:35 ပူးပေါင်းရင်းမြစ်များ

Ndị-nze Nke Ibuzọ 11:33

M k'a napụ Solomọnụ ya makẹni a lagụọ wẹ m tọ, femẹ Ash'ta onyẹnnyẹ-mmọn ndị Sidọnụ, Kẹmọshi mmọn ndị Mụabụ lẹ Molẹkị mmọn ndị Amọnụ; esọnni wẹ ụzọ m, emẹni wẹ ihiẹn rị mma ẹnya m, esọnni wẹ uhi m lẹ iwu m kẹ Defidi nẹdi Solomọnụ dọn mẹ.

Ndị-nze Nke Ibuzọ 11:7

Solomọnụ rụnzị ụlọ-mmọn ye elu ugu rị ẹbamịn ọwụwa-ẹnyanwụn Jerusalẹm hụn wẹ nọ e fe Kẹmọshi, ihiẹn-ụrụ hụ ndị Mụabụ e fe, lẹ hụn wẹ nọ e fe Molẹkị, ihiẹn-ụrụ ndị Amọnụ e fe.

Ndị-nze Nke Ibuzọ 14:16

O k'e we Izrẹlụ ye ndị iṅẹnrẹn makẹ njọ Jerobụam mẹ, hụn ọ dọzị Izrẹlụ ye.”

Ndị-nze Nke Ibuzọ 15:26

O mẹ ihiẹn rịlẹni mma ẹnya Osolobuẹ, e sọn nzọmụkụ nẹdi ẹ, mẹkọ njọ hụn Jerobụam nẹdi ẹ mẹ, hụn nẹdi ẹ dọye ndị Izrẹlụ rị azụụn nke wẹ.

Ndị-nze Nke Ibuzọ 15:30

makẹ njọ Jerobụam mẹsọnmẹ, njọ ọ dọ ndị Izrẹlụ ye imẹ ẹ, lẹ iwe ọ kpasu Osolobuẹ wụ Chuku Izrẹlụ.

Ndị-nze Nke Ibuzọ 16:19

makẹ njọ ndị o mẹ, e mẹ ihiẹn rịlẹni mma ẹnya Osolobuẹ, e sọn nzọmụkụ Jerobụam, e mẹ njọ hụn Jerobụam mẹ hụn ọ dọ Izrẹlụ ye imẹ ẹ.

Ndị-nze Nke Ibuzọ 21:22

M k'e mẹ ikpụlọ ị ihiẹn m mẹ nke Jerobụam nwa Nebatị lẹ nke Baasha nwa Ahija, makẹni y'a kpasuọlẹ m iwe, y'a dọgụọ ndị Izrẹlụ ye imẹ njọ.’

Ndị-nze Nke Ẹbụọ 21:11

“Manasẹ wụ eze Juda e mẹọlẹ okẹn njọ ndịnị. O mẹnahịngụọ ndị Amọ bun'ẹ ụzọ eje-ihiẹn, gi mmọn-lẹ-iyi ẹ du ndị nd Juda ye imẹ njọ.

Ndị-nze Nke Ẹbụọ 21:4

Ọ tụnghọdẹ ukpo wẹ nọ a chụnnị mmọn ẹjan ye imẹ Ụlọ-nsọ Osolobuẹ, ebe nwẹn Osolobuẹ ku oku ẹ, sị, “Imẹ Jerusalẹm kẹ m k'e buche Ẹfan m.”

Ndị-nze Nke Ẹbụọ 23:10

Josaya e mẹrụzịghọ Tofẹtị hụn rị Ọdanmgbugbu Bẹn-Hinọm, makẹ wẹ ghazị e gi ụmụ wẹ ikẹnnyẹ lẹ ikpoho a chụnnị Molẹkị ẹjan w'a dụn ọkụn.

Ndị-nze Nke Ẹbụọ 23:15

O tikpọzịghọkwọ ukpo nchụn-ẹjan hụ rị Bẹtẹlụ, ebẹhụ jẹn elu Jerobụam nwa Nebatị mẹmẹ — Jerobụam hụn dọ ndị Izrẹlụ Ẹbamịn ugu ye imẹ njọ. Ọ dụn ụlọ-mmọn ahụn rị ebe jẹn elu ọkụn, gweriẹn ẹ, dụnzị osisi rịn'a w'a nọ e fe mmọn Ashẹra ọkụn.

Ndị-nze Nke Ẹbụọ 3:3

Kanị ọ hụkwọ e mẹ njọ Jerobụam nwa Nebatị, njọ hụn ọ dọ Izrẹlụ ye imẹ ẹ; ọ latọnị njọ ndị hụ.

Ihiẹn Mẹni Nke Ẹbụọ 33:6

O mẹ ụmụ a ikẹnnyẹ gha imẹ ọkụn imẹ Ọdanmgbugbu Bẹn-Hinọm, e buche ẹka ihiẹn eje-mmọn, a gba ẹfa, e gi ikẹn ọzọ a rụn, e jẹn ẹfa, e buru ndị wẹ lẹ mmọn wị e ku; o mẹkẹmẹkẹ ihiẹn bu ọda rịlẹni mma ẹnya Osolobuẹ. Iwe nọ we Osolobuẹ.

Ihiẹn Mẹni Nke Ẹbụọ 33:9

Kanị Manasẹ e duhuhu nwan Juda lẹ ndị Jerusalẹm, nke wụnị e mẹ wẹ eje-ihiẹn karịdẹ ndị alị ndị hụ Osolobuẹ tikpọ buche ndị Izrẹlụ.

Ihiẹn Mẹni Nke Ẹbụọ 36:14

Ẹlẹdẹ ọhụn sụọ, ndị-isi nchụn-ẹjan ile lẹ ndị alị Juda ile hụ a latọ Osolobuẹ a latọwaye, e mẹ arụ ile alị ndị ọzọ e mẹ, e mẹrụ Ụlọ-nsọ Osolobuẹ, hụn Osolobuẹ dọngụ nsọ imẹ Jerusalẹm.

Ọpụpụ 32:21

Ọ nọ sị Ẹrọnụ, “Kị ndịnị mẹ i, i gi han wẹ mẹ okẹn njọ nọ ẹnịna?”

Azaya 57:5

Ụnụ ile hụn rị a kpasu enwẹn ụnụ lekẹ ịgbaraja ebe lẹ ebe osisi okuu duni jun lẹ okpuru osisi ọwụlẹ duni — ebe ụnụ rị a rụa mmọn; ụnụ ndị rị e gi mmụ ụnụ a chụn ẹjan imẹ ọdanmgbugbu lẹ oghe rịsọnmẹ mkpọnụnụ ugu.

Jerimaya 19:2

Shi ni Ọdanmgbugbu Nwa-Hinọnụ, hụn nọkunmẹ ebe wẹ gha a banye Ọnụ-mgbọn Mpekele-ite. Nọ ebẹhụ hị ihiẹnni m jẹnkọ d'a gwa ị.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Jerimaya 44:4

E zisọnmẹ m idibo m wụ ndị-amụma d'a gwa ụnụ oku. Wẹ nọ gbasọnmẹ ụnụ mkpịnsịn-ẹka ẹnya, a sị ụnụ, ‘Emẹzilẹ ni arụnị e ze m ize!’

Jerimaya 7:30

“Osolobuẹ: Ndị Juda e mẹgụọ ihiẹn rịlẹni mma ẹnya m. A kọmagụọ wẹ mmọn ndị ahụn rụnị ye imẹ ụlọ hụn a za ẹfan m, mẹrụ a.

Jerimaya 7:31

A tụngụọ wẹ ụlọ-mmọn ndị ahụn w'a tụn elu-ugu yesọnmẹ Tofẹtị hụn rị Ọdanmgbugbu Bẹn-Hinọm, a nọ ebahụn a kpọ ụmụ wẹ ikẹnnyẹ lẹ ikpoho ọkụn — ihiẹn m gwatulẹni wẹ mẹ, ihiẹn rịtulẹni m obi!

Izikẹlụ 23:37

A zọgụọ wẹ ụkụ ye ọfịa; ẹdeke rịzịkwọ wẹ ẹka: ụkụ wẹ zọye ọfịa wụ ife-mmọn; ẹdeke rị wẹ ẹka wụ ẹdeke ụmụ wẹ wẹ gbuni mmọn.

Lẹvitikọsụ 18:21

“Eyekwọlẹ wẹ nwa ị ọwụlẹ gi chụnyeni Molẹkị ẹjan; emẹrụlẹ ẹfan Chuku ụnụ. Mmẹ wụ Osolobuẹ.

Ọrụn Ndị-ozi 7:43

Ụnụ e buru ụlọ-mmọn Molẹkị lẹ okokisẹ mmọn ụnụ wụ Refanị, mmọn ndị ụnụ kpụ nị ụnụ hụn ụzọ e fe wẹ; m k'e gi ufiri ẹ chụ ụnụ shikwọrị Babilọnụ.’

Ditrọnọmi 12:31

Efekwọlẹ ni Osolobuẹ wụ Chuku ụnụ kẹ wẹ dọn e fe mmọn-lẹ-iyi wẹ; makẹni, wẹ gha e fe mmọn-lẹ-iyi wẹ, w'e mẹsọnmẹ eje-ihiẹn ile Osolobuẹ a sọ: w'a dụndẹ ụmụ wẹ ikẹnnyẹ lẹ ikpoho ọkụn, e gi wẹ a chụnyeni mmọn-lẹ-iyi wẹ ẹjan!

Ditrọnọmi 18:10

y'e enwọnkwọlẹ onyẹ ọwụlẹ imẹ igunrun ụnụ gi nwa a okẹnnyẹ mọbụ okpoho chụn ẹjan w'a dụn ọkụn mọbụ onyẹ a gba ẹfa mọbụ onyẹ a kọwa oro ihiẹn kẹ wẹ e mẹ mọbụ onyẹ nwọn mmọn o gi a hụn ụzọ mọbụ onyẹ a gwọ ọgụn;

Ditrọnọmi 24:4

ẹlẹ hụn di ẹ ibuzọ a hụ kpechann'a e gi lụmazị a — ebe o mẹ ni ọ rụgụọ. Ọhụn wụ arụ ẹnya Osolobuẹ. Ewẹhẹkwọlẹ ni njọ imẹ alị ahụn Osolobuẹ wụ Chuku ụnụ rị e ye ụnụ n'ọ wụrụ ukuu ụnụ.