Jerimaya 31:40 - Ika

⁴⁰ Ọdanmgbugbu hụ rị ebẹhụ hụn w'a tụye ozun lẹ ntụn anụ ndị nchụn-ẹjan kpọ ọkụn lẹ alị ugbo ile rị mkpẹnrẹn Ọdanmgbugbu hụ k'a rịchanrịn imẹ ẹ, rudẹ Ọdanmgbugbu Kidrọnụ hụn rị ẹbamịn ọwụwa-ẹnyanwụn, pụhazị Ọnụ-mgbọn Ẹshin rị ẹbamịn-ugu. Wẹ ile jẹnkọ d'a wụ ihiẹn rị nsọ ẹnya Osolobuẹ. Ehuepụkọzị wẹ obodoni mọbụ tikpọzị a.”

Jerimaya 31:40 ပူးပေါင်းရင်းမြစ်များ

Samuẹlụ Nke Ẹbụọ 15:23

Ndị ile rị ụmụ-alị ndị wẹ rị a ghafe nọ kwansusu kẹ wẹ ile ghafekọ. Eze nọzị fetu Ọdanmgbugbu Kidrọnụ, ya lẹ ndị hụ ile ya lẹ wẹ wị nọ dọn ihun ibẹka atụ alị ọkpọ-nkụn.

Ndị-nze Nke Ẹbụọ 11:16

Ya wẹ nọ nwụndọn ẹ, e we w'ẹ ghafe ebe ẹshin gha a banye obi-eze, nọ ebẹhụ gbu ẹ.

Ndị-nze Nke Ẹbụọ 23:12

Ọ kụtu ukpo nchụn-ẹjan ndị hụ ndị-nze Juda rụnye elu obi-eze ẹhụ mmughẹ Ahazị rị ibe elu, kụtuzi hụn ndị Manasẹ rụnye imẹ ezi-ọgwa ẹbụbụọ rị Ụlọ-nsọ Osolobuẹ. O bupụ wẹ ebẹhụ, kụkpọchanrịn wẹ kpọnye Ọdanmgbugbu-Kidrọnụ.

Ndị-nze Nke Ẹbụọ 23:6

Ọ nọ wepụ osisi ahụn wẹ zumẹ imẹ Ụlọ-nsọ Osolobuẹ wẹ gi a rụa Ashẹra, wepụ a imẹ Jerusalẹm, weshi ẹ Ọdanmgbugbu-Kidrọnụ, nọ ebẹhụ dụn a ọkụn. O gweriẹn ẹ, fesọnmẹ ẹ ye ikpẹkpẹ ndị alị.

Ihiẹn Mẹni Nke Ẹbụọ 23:15

Ya wẹ nọ nwụnrụn a; e weghafegụ w'a Ọnụ-mgbọn Ẹshin a gha hụn rị imẹ obi-eze, wẹ nọ gbu ẹ ebẹhụ.

Nehemiah 3:28

Ebẹhụ mgbọn nọ rị mkpọnyin, ị ghafegụ Ọnụ-mgbọn Ẹshin, ndị nchụn-ẹjan bi ebẹhụ dọnzi ẹ. Onyẹ-onyẹ dọnzi ebe rị ihun ụlọ a.

Ẹbụ-ọma 48:9

Euu Chuku, ẹnyi e rogụọ ihiẹn-ọsụsụọ ị, ẹnyi e ro ẹ imẹ Ụlọ-NSỌ ị.

Azaya 51:22

Di-nwọnni-ẹnyi wụ Osolobuẹ, Chuku i, hụn a lụnị ndị nke ẹ ọgụn, sị, “Lee ẹ, a napụgụọ m'ị mkpu ahụn e te mẹ i a hanfie ụkụ; y'a rakọzị ihiẹn rị imẹ mkpu hu, mkpu hụ m buche ọnụma m.

Jerimaya 1:10

Lee ẹ, e tumẹgụọ m'ị tannị, bu alị lẹ alị-eze ichẹn-ichẹn che i ẹka, kẹn'i huepụ lẹ n'i kụtu; kẹn'i tikpọ lẹ n'i nutu; kẹn'i tụn lẹ n'i kụn.”

Jerimaya 18:7

M gwa ndị alị ọwụlẹ mọbụ alị-eze ọwụlẹ nị m jẹnkọ d'e huepụ wẹ mọbụ kụtu wẹ mọbụ tikpọ wẹ,

Jerimaya 32:36

“Lee ihiẹn Osolobuẹ hụn wụ Chuku Izrẹlụ ku banyeni obodoni: ụnụ sị nị ‘E gigụọ wẹ ọpịa-agha lẹ ụnwụn lẹ eje-emu mẹ obodoni ban ẹka eze Babilọnụ.’ Kanị, Osolobuẹ sị:

Jerimaya 8:2

Wẹ k'e kpọn wẹ tọnị anwụn lẹ ifọn lẹ kokisẹ ile rị igwere, hụn te a sụọ wẹ, hụn wẹ te a rụa, e sọn, e gọn ntịn, e fe ofufe. Ekpọnkikomẹkọ wẹ wẹ mọbụ li wẹ — wẹ k'a la wẹ tọ alị nọkẹ ẹfịfịa.

Izikẹlụ 37:2

Osolobuẹ nọ mẹ m ghahunmẹ imẹ wẹ — ọkpụkpụ rị akpakalị ọdanmgbugbu ahụn e bukẹ ọda! Wẹ kpọ nkụn ọda-ọda!

Izikẹlụ 37:25

Wẹ k'e biri alị hụ m ye odibo m wụ Jekọpụ, alị hụ ndị nẹdi ụnụ kanị bi. Wẹ lẹ ụmụ wẹ lẹ ụmụ-ụmụ wẹ k'e biri ebahụn jẹnrin ejẹn, odibo m wụ Defidi k'a wụferi eze wẹ.

Izikẹlụ 39:29

Ebupụkọzị m wẹ ihun ogẹn ahụn, makẹni m k'e hu Mmọn m kpu wẹ wụ ebọn Izrẹlụ. Ya kẹ Osolobuẹ Nwọn Ihiẹn Ile ku.”

Izikẹlụ 48:35

“Azụụn ẹnịnọ obodo hụ k'a wụ maịlị isin. Gha ogẹn ahụn jẹnmẹ, ẹfan obodo hụ k'a wụ ‘Osolobuẹ Rị Ebẹhụ.’ ”

Juwẹlụ 3:17

Ogẹn hụ, ụnụ a marịn nị mmẹ, Osolobuẹ hụn wụ Chuku ụnụ, bi Ugu Zayọnụ, ugu nsọ m. Jerusalẹm k'a wụ obodo rị nsọ, abịamabịa emẹrikọzị a.

Zẹkaraya 14:11

Ịhịan k'e bisọnmẹ imẹ Jerusalẹm; onwọnzini ogẹn w'e gi tikpọ a ru alị; onwọnzini ihiẹn k'e mẹ Jerusalẹm.

Zẹkaraya 14:20

O ru ogẹn hụ, mgbịrịgban mmaka ẹshin yi olu k'a wụ “Ihiẹn Wẹ Gi Kwanị Osolobuẹ”; ite wẹ gi e shi ihiẹn-oriri imẹ Ụlọ Osolobuẹ k'a rị nsọ kẹ afẹrẹ-nsọ rị ihun Ukpo nchụn-ẹjan;

Jọnụ 18:1

Ogẹn Jesu gi mẹgụ ekpereni, ya lẹ ndị nsọnmazụụn a nọ pụ ebẹhụ, fetu Ọdanmgbugbu Kidrọnụ, banye ugbo-nta ohu rị ebẹhụ.