Jerimaya 31:34 - Ika

³⁴ Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Jerimaya 31:34 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ẹbụ-ọma 25:7

Dodo anyanhanlẹ njọ m mẹ kẹ m rị okoro lẹ ebe m nọsọnmẹ fe isi; gi ufiri ihiẹn-ọsụsụọ ị nyanhan m, makẹni yụ wụ Osolobuẹ a rịka mma.

Azaya 11:9

Ịrụ-ẹhụ lẹ ntikpọ arịkọzị elu ugu nsọ m ile — makẹni ịmarịn-Osolobuẹ k'e jun elu-ụwa ile kẹ mirin dọn jun ohimin.

Azaya 29:24

Ndị e bi mpụ k'e nwọn nghọta, ndị e dẹnnwịnwịnnị a nụma ihiẹn wẹ rị a gwa wẹ.”

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Azaya 33:24

Onwọnzini onyẹ bi Zayọnụ hụn k'a sị, “Emu rị a kụ m” — Osolobuẹ k'a gbagharị ndị bi ebẹhụ njọ wẹ.

Azaya 33:6

O k'e mẹ ẹnyi saẹka e wuzo imẹ ọnọdị ọwụlẹ — a zụọ ẹnyi a zụọsọnmẹ, e ye ẹnyi akọ-lẹ-uche lẹ amamihiẹn ọda-ọda. Ịtụ-egun Osolobuẹ sụọ wụ ihiẹn k'a rị a mkpa.

Azaya 38:17

Eziẹ, erere m rọ nị ẹnya hụn m ihiẹn ọ hụn m. Makẹ ufiri ihiẹn-ọsụsụọ ị y'a nịnị m danye olu ntikpọ ahụn; y'e nugụọ njọ m ile ye azụụn ị —

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 52:6

Ndị nke m jẹnkọ nwan d'a hụn ihiẹn ẹfan m wụ — m mẹgụ ihiẹn m k'e mẹ a marịn wẹ nị mmẹ ku ẹ. Ẹghẹẹ, mmẹ rọ.”

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Jerimaya 33:8

M k'a chanchanpụchanrịn wẹ njọ ile wẹ mẹ m, gbagharị wẹ njọ ile wẹ mẹ m ghahanị inupụ isi.

Jerimaya 50:20

O ru ogẹn ahụn, o ru ogẹn m k'e gi mẹ ẹ, wẹ k'a chọ njọ hụ m gi ma Izrẹlụ ikpe, ọ rịkọ a; wẹ k'a chọ njọ hụn Juda mẹ, ahụnkọ w'a — makẹni m k'a gbagharị ndị ahụn m k'e dọnmẹ ndụn imẹ wẹ. Mmẹ wụ Osolobuẹ ku ẹ.

Jerimaya 9:23

Osolobuẹ sị, “Onyẹ marịn ihiẹn y'e gilẹ amamihiẹn ẹ nyan isi; dikẹn y'e gilẹ ikẹn o nwọn nyan isi; ọdanfịn y'e gilẹ efe ẹ nyan isi,

Hosia 2:20

M k'e mẹ i wụrụ nwunyẹ m, gi mẹzu nkwa m; yụ nwẹn k'e kweyeni Osolobuẹ.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Maịka 7:19

O jẹnkọ d'e mẹzi omikẹn ẹnyi; o jẹnkọ d'a zọ njọ ẹnyi ụkụ. O k'a ma njọ ile ndị nke ẹ mẹ ye imẹ-imẹ ohimin.

Habakọkụ 2:14

Kanị, wẹ sikọ d'a marịn ọghọ Osolobuẹ elu-ụwa ile, kẹ mirin dọn e jun ohimin ụzọ ile.

Matiu 11:27

Nẹdi m e bugụọ ihiẹn ile che m ẹka. Onwọnni onyẹ marịn Nwa mmanị Chuku-Nẹdi sụọ; onwọnzikwọnị onyẹ marịn Chuku-Nẹdi wezụka Nwa lẹzi onyẹ ọwụlẹ Nwa chọ n'o mẹ ẹ marịn Chuku-Nẹdi.

Luku 1:77

i jẹnkọ d'e mẹ ndị nke ẹ marịn kẹ w'e dọn nwọnhẹn nzụọpụha ghahanị inwọnhẹn mgbagharị njọ.

Jọnụ 17:3

Ọnwan wụ ndụn itẹbitẹ: ịmarịnn'ị, Chuku hụn ya sụọ wụ Chuku nke-esi lẹ ịmarịn Jizọsị Kraịstị hụn i zihẹ.

Jọnụ 17:6

“E mẹgụọ m ndịnị ị gha imẹ ụwa weye m marịn ẹfan ị. Ịyụ nwọn wẹ, ị nọ we wẹ ye m; e mẹgụọ wẹ ihiẹn i ku.

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Ọrụn Ndị-ozi 10:43

Ndị-amụma ile shịan'a ẹri nị onyẹ ọwụlẹ kwerinin'ẹ gi ẹfan a e nwọnrin mgbagharị njọ.”

Ndị Kọrẹntị Nke Ẹbụọ 2:10

Onyẹ ụnụ gbagharị, a gbagharịgụọ m'a. Ihiẹn m gbagharị — omẹni o nwọnghọ ihiẹn m gbagharị — a gbagharịgụọ m idẹnya Kraịstị makẹ ufiri ụnụ,

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Tẹsalonika Ibuzọ 4:9

O mẹ nke inwọn ihiẹn-ọsụsụọ ibe ụnụ nọkẹ umunẹ imẹ Kraịstị, ọ rịnị mkpa nị wẹ deni ụnụ ihiẹn ọwụlẹ. Makẹni, Osolobuẹ e gigụọ ẹka a kuzi ụnụ inwọn ihiẹn-ọsụsụọ ibe ụnụ.

Hibru 5:12

Ẹghẹẹ, ụnụ te furu nwan a kuzi ndị ọzọ, kanị ụnụ e họnrinzi ndị w'a kuzimẹzi ihiẹn ibuzọ rị oku Osolobuẹ! Ụnụ e họnrinzi ndị wẹ e ye mirin-ẹran mmaka ẹlẹ ihiẹn-oriri ndị ka ẹhụ!

Hibru 8:11

Ẹlẹzi hụn ịhịan k'e gi kuzimẹ ibe ẹ, mọbụ gwama ibe ẹ, “Marịnkwọ Onyẹ-nwọnni-ẹnyi.” Makẹni, wẹ ile jẹnkọ d'a marịn m; gha onyẹ kachanrịn ntịn imẹ wẹ d'e ru onyẹ kachanrịnnị.

Hibru 8:12

Makẹni, m k'e mẹ omikẹn gbagharị wẹ njọ wẹ; anyanhankọzị m njọ ndị wẹ mẹ.’ ”

Jọnụ Ibuzọ 2:20

Nke ụnụ, udẹn Mmọn-nsọ hụn Onyẹ hụ rị nsọ te ụnụ rị imẹ ndụn ụnụ, ụnụ a marịnghọ ihiẹn ile.

Jọnụ Ibuzọ 2:27

O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Samuẹlụ Nke Ibuzọ 2:12

Ụmụ Ẹlaị ndị nchụn-ẹjan e mẹkẹ eje-ịhịan; onwọnni ihiẹn wẹ kpọ Osolobuẹ.