Jerimaya 31:33 - Ika

³³ Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 31:33 ပူးပေါင်းရင်းမြစ်များ

Samuẹlụ Nke Ẹbụọ 7:24

Y'e gichanrịngụọ ndị nke i wụ Izrẹlụ họnrin ndị nke i jẹnrin-ejẹn; ịyụ lẹ enwẹn i wụ Osolobuẹ a wụrụgụọ Chuku wẹ.

Ndị-nze Nke Ibuzọ 8:58

Ya dodo mẹ obi ẹnyi shi ebe ọ rị, nị ẹnyi hụn ụzọ a gha ụzọ a ile, e mẹ ihiẹn ọ sị ẹnyi mẹ, e sọn uhi ẹ lẹ ụmụ-iwu o yesọnmẹ ndị nẹdi ẹnyi.

Ẹbụ-ọma 37:31

Iwu Chuku ẹ rị a imẹ obi, ụkụ a ara kpopụ.

Ẹbụ-ọma 40:8

M chọ nị m mẹ uche i, Chuku m; iwu i rị imẹ obi m.”

Ẹbụ-ọma 40:9

A gwaọlẹ m wẹ k'i dọn zụọpụha m imẹ ozuzu uku ndị nke i; m'a ra kpumẹ ọnụ m — ịyụ wụ Osolobuẹ a marịnghọ.

Ọpụpụ 6:7

M k'e weri ụnụ che ẹhụ m nọkẹ ndị nke m, e mẹ m ụnụ kẹ Chuku ụnụ. Ogẹn hụ, ụnụ a marịn nị mmẹ wụ Osolobuẹ, Chuku ụnụ, hụn tọpụ ẹgbụn ndị Ijiptu kẹn ụnụ.

Itẹn 7:3

Kẹn wẹ ye mkpịnsịn-ẹka ị; de wẹ ye akpobi i.

Azaya 51:7

“Gọn ni m ntịn, ụnụ ndị marịn ihiẹn furuni, ụnụ ndị iwu m rị obi: Atụlẹ ni egun nkọrịanị ịhịan mọbụ mama piripiri ni wẹ rị a kpari ụnụ.

Azaya 59:21

“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”

Jerimaya 17:1

Osolobuẹ sị, “Igwe kẹ wẹ gi de njọ ndị Juda ye obi wẹ, ọmụma zegbu enwẹn ẹ kẹ wẹ gi de ẹ — ye wẹ akpobi lẹ mpịn rịsọnmẹ ukpo nchụn-ẹjan wẹ.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Jerimaya 30:22

Ụnụ k'a wụrụ ndị nke m nke-esi, mmẹ nwẹn a wụrụ Chuku ụnụ.”

Jerimaya 31:1

O ru ogẹn hụ, m jẹnkọ d'a wụrụ Chuku ebọn ile rị Izrẹlụ, wẹ nwẹn a wụrụ ndị nke m. Ya kẹ Osolobuẹ ku.

Jerimaya 32:38

Wẹ k'a wụ ndị nke m, mmẹ nwẹn a wụrụ Chuku wẹ.

Jerimaya 32:39

M k'e mẹ wẹ e ro ihiẹn ohu sụọ, e mẹ ihiẹn ohu sụọ — hụn wụ ịtụ egun m ogẹn ile kẹni ọ rịnị wẹ mma, rịnị ụmụ wẹ lalanị mma.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Izikẹlụ 37:27

M sikọ d'e du wẹ biri, a wụrụ m Chuku wẹ, a wụrụ wẹ ndị nke m.

Hosia 2:20

M k'e mẹ i wụrụ nwunyẹ m, gi mẹzu nkwa m; yụ nwẹn k'e kweyeni Osolobuẹ.

Zẹfanaya 3:13

Ndị Izrẹlụ k'a họdụnị emẹkọ eje-ihiẹn; atụkọ wẹ ntụ; anụkọ wẹ ihiẹn wụlẹni ezioku ọnụ wẹ. Wẹ rigụ, e dinẹ wẹ kẹ atụnrụn ẹhụ fu; onwọnni onyẹ k'e rọn wẹ egun.”

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Jọnụ 20:17

Jesu nọ sị a, “Eke kwọndọnlẹ m ẹka, makẹni m'e ke jẹn elu-igwee d'e kunrun Chuku-Nẹdi. Ka jẹn d'e kunrun umunẹ m, y'a sị wẹ, ‘M lakọ elu-igwee d'e kunrun Nẹdi m hụn wụzị Nẹdi ụnụ, Osolobuẹ m hụn wụzị Osolobuẹ ụnụ.’ ”

Ndị Rom 11:27

Ọ sịzị “Ọnwan wụ nkwerigbama hụn k'a rị ẹgbata mmẹ lẹ wẹ: nị m k'e wepụ njọ wẹ.”

Ndị Rom 7:22

Eziẹ, imẹ m, Iwu Osolobuẹ a sụọ m ụsụọ.

Ndị Kọrẹntị Nke Ẹbụọ 3:3

Ihiẹn wẹ a hụn ebe ụnụ rị a ghọsị nị ụnụ wụ ẹhụhụọ-ozi Kraịstị de, hụn ọ gha ẹka ẹnyi zihẹ. Ẹlẹ hụn wẹ gi pẹni de, kanị hụn wẹ gi Mmọn-nsọ Osolobuẹ de — Osolobuẹ hụn rị ndụn; ẹlẹ hụn wẹ deye ibe ọmụma — rịkẹ Iwu mbụ ahụn, kanị hụn wẹ deye obi ịhịan.

Ditrọnọmi 30:6

Osolobuẹ wụ Chuku ụnụ k'a kwa obi i lẹ obi ụmụ ị ugun, mẹ wẹ rị mma, n'ị hụn ụzọ gi obi i ile lẹ umẹ-ndụn ị ile lẹ ndụn ị ile nwọn ihiẹn-ọsụsụọ Osolobuẹ.

Ndị Tẹsalonika Ibuzọ 4:9

O mẹ nke inwọn ihiẹn-ọsụsụọ ibe ụnụ nọkẹ umunẹ imẹ Kraịstị, ọ rịnị mkpa nị wẹ deni ụnụ ihiẹn ọwụlẹ. Makẹni, Osolobuẹ e gigụọ ẹka a kuzi ụnụ inwọn ihiẹn-ọsụsụọ ibe ụnụ.

Hibru 10:16

“Di-nwọnni-ẹnyi sị, ‘Ọnwan wụ nkwerigbama m jẹnkọ d'e tumẹ ẹgbata mmẹ lẹ wẹ ogẹn hụ: m jẹnkọ d'e bu iwu m che imẹ obi wẹ, m k'e de wẹ ye imẹ uche wẹ.’ ”

Hibru 8:10

‘Di-nwọnni-ẹnyi sị, ọnwan wụ nkwerigbama hụ hụn m jẹnkọ d'e tumẹ ẹgbata mmẹ lẹ ndị Izrẹlụ, o mẹgụ: m jẹnkọ d'e bu iwu m che imẹ uche wẹ, de wẹ ye imẹ obi wẹ. M k'a wụ Chuku wẹ, a wụrụ wẹ ndị nke m.

Rẹvẹleshọnụ 21:3

M nọ nụ okẹn olu gha ukpo-eze hụ a sị, “Lee ẹ, ebe-obibi Osolobuẹ rị nwan imẹ igunrun ịhịan; o k'e bi imẹ igunrun wẹ, wẹ k'a wụ ndị nke ẹ; ya nwẹn k'a nọyeni wẹ, o k'a wụ Chuku wẹ.

Rẹvẹleshọnụ 21:7

Onyẹ hụn mẹrini k'e nwọnhẹn ihiẹn ndịnị. M k'a wụ Osolobuẹ ẹ, ya nwẹn a wụ nwa m.