Jerimaya 31:32 - Ika

³² Ọ rịkọ kẹ Iwu hụn m tumẹ ẹgbata mmẹ lẹ ndị nẹdi wẹ ogẹn hụ m gi kwọndọn wẹ ẹka, gha alị Ijiptu wepụha wẹ. Ọ nọkọ kẹ nke mbụ hụ, makẹni ndị nẹdi wẹ tikpọ nkwerigbama m, ọsụọn'a nị mmẹ wụ di wẹ.” Ya kẹ Osolobuẹ ku.

Jerimaya 31:32 ပူးပေါင်းရင်းမြစ်များ

Ndị-nze Nke Ibuzọ 8:9

Onwọnni ihiẹn ọzọ rị imẹ Ẹkpẹti hụ karị ibe ọmụma ẹbụọ hụ Mozizi buche imẹ ẹ ugu Horẹbụ wụ Saịnaị, ebẹhụ Osolobuẹ lẹ ndị Izrẹlụ nọ kwetarị nkwa kẹ wẹ ghagụ Ijiptu pụha.

Ẹbụ-ọma 73:23

K'osilẹrị, m rịkwọ ebe ị rị ogẹn ile; y'e kwọndọn m ẹka-nni m,

Ẹbụ-ọma 78:37

Obi wẹ arị ebe ọ rị; ekwọndọnni wẹ nkwerigbama a hụn o tumẹni wẹ.

Ọpụpụ 19:5

O mẹ nwan nị ụnụ e humẹchanrịnnị m isi, dọnmẹ nkwerigbama m jẹnkọ d'e tumẹ ẹgbata mmẹ lẹ ụnụ, imẹ anị ile rịnị, ụnụ sụọ k'a wụrụ ihiẹn m hụn pụ-ichẹn, makẹni ụwa ile wụ nke m.

Ọpụpụ 32:8

A latọgụọ wẹ rị ihiẹn m gwa wẹ, kpụrụ okẹn-mmọn yi nwa-efin. E kegụọnị w'a isi alị, kwayen'ẹ ese, a sị, ‘Ndị Izrẹlụ, e lee ni okẹn mmọn ụnụ, hụn wepụha ụnụ imẹ alị Ijiptu.’

Ẹbụ Solomọnụ 8:5

Onyẹ wụ nwa-agbọnị gha alị ọkpọ-nkụn lala — hụn danbemẹ onyẹ ya lẹ ịya rị a sụọ? Okpuru osisi apụlụ kẹ m nọ kpasu i; ebẹhụ kẹ nnẹ i nọzị tụ imẹ i, ebahụn kẹ imẹ nọ mẹ ẹ, ọ mụ ị.

Azaya 24:5

Ndị bi elu ụwa e mẹrụchanrịngụọ ụwa; a dangụọ wẹ iwu ndị wẹ ye wẹ, e sọnni wẹ uhi wẹ yini wẹ; e tikpọ wẹ nkwerigbama itẹbitẹ Osolobuẹ.

Azaya 41:13

Makẹni mmẹ wụ Osolobuẹ, Chuku i, hụn e kwọndọn i ẹka-nni, a sị ị atụlẹ egun; m jẹnkọ d'e yeni i ẹka.

Azaya 54:5

Makẹni Chuku hụn ken'i, ịya wụ di i — ẹfan a wụ Osolobuẹ ihiẹn ile rị okpuru ẹ; ẹghẹẹ, Onyẹ-nsọ alị Izrẹlụ wụ onyẹ a gbapụhan'ị; Chuku ụwa ile kẹ wẹ a kpọ a.

Jerimaya 11:3

Sị wẹ nị ọnwan wụ ihiẹn Osolobuẹ wụ Chuku Izrẹlụ ku: ‘Onyẹ ọwụlẹ mẹlẹni ihiẹn Nkwerigbamanị chọ wụ onyẹ wẹ bụ ọnụ —

Jerimaya 11:4

ihiẹn ndị hụn m sị ndị nẹdi ụnụ kanị e mẹ kẹ m wepụha wẹ imẹ okẹn ọkụn hụ wụ alị Ijiptu.’ M sị wẹ, ‘Humẹni ni m isi, mẹsọnmẹ ihiẹn m sị ụnụ mẹ. Ụnụ mẹ wẹ, ụnụ a wụrụ ndị nke m, mmẹ nwẹn a wụrụ Chuku ụnụ.

Jerimaya 2:2

“Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Jerimaya 22:9

Ihiẹn wẹ k'a shịarị wụ, ‘Makẹni wẹ latọ Iwu Osolobuẹ wụ Chuku wẹ tumẹni wẹ, fesọnmẹ mmọn-lẹ-iyi, a rụa wẹ.’ ”

Jerimaya 3:14

Osolobuẹ sị, “Ụnụ ndị danpụgụnị: kinhẹn ni, nị mmẹ wụ di-nwọnni ụnụ! M k'a gha imẹ igunrun ụnụ họrịsọnmẹ onyẹ ohu-ohu imẹ obodo ọwụlẹ, madụ ẹbụọ-ẹbụọ imẹ ebọn ọwụlẹ, e welụa m wẹ obodo Zayọnụ.

Jerimaya 31:1

O ru ogẹn hụ, m jẹnkọ d'a wụrụ Chuku ebọn ile rị Izrẹlụ, wẹ nwẹn a wụrụ ndị nke m. Ya kẹ Osolobuẹ ku.

Jerimaya 34:13

“Osolobuẹ wụ Chuku Izrẹlụ sị: Mmẹ lẹ enwẹn m tini ndị nẹdi ụnụ kanị iwu ogẹn m gi gha alị Ijiptu wepụha wẹ, alị wẹ nọ wụ igbọn, sị wẹ,

Jerimaya 34:14

‘Ahụa nke ẹsa ọwụlẹ, ụnụ jẹnkọ d'a haturịrị onyẹ Hibru ibe ụnụ ọwụlẹ te re enwẹn ẹ ye ụnụ. Ahụa isin k'o k'e fe i, y'a hatu ẹ n'o weri enwẹn ẹ.’ Kanị, ndị nẹdi ụnụ egọnni m ntịn, efeyedẹni wẹ ẹ ẹnya.

Izikẹlụ 16:8

“ ‘Kẹ m ghafekọzị ebe ị rị, m nọ hụn nị y'e rugụọ nwagbọọ. M nọ setịnpụ ẹwuru m yi, kpumẹ i, kpumẹ ọtọ ị; m nọ kwe i nkwa, gi ẹ kwọngbama mmẹ lẹ yụ. Ịya kẹ mmẹ wụ Osolobuẹ Nwọn Ihiẹn Ile ku. Ẹrịra k'ị dọnmẹ họnrin nke m.

Izikẹlụ 20:37

M k'a gụndẹ ụnụ webanhan, kẹ onyẹ e du anụ dọn e gi ọkpọ a gụnye anụ a ụlọ, e gi m iwu rị nkwerigbama mmẹ lẹ ụnụ kẹnmẹ ụnụ.

Izikẹlụ 23:4

Ẹfan hụn kanị wụ Ohola; ẹfan nwẹnẹ ẹ wụ Oholiba. A lụrụ m wẹ, wẹ nọ mụ ikẹnnyẹ lẹ ikpoho. Ohola wụ alị Sameria, Oholiba wụ alị Jerusalẹm.

Hosia 11:1

“Osolobuẹ sị: Ogẹn Izrẹlụ gi rị nwa-ndu, ihiẹn ẹ sụọ m, a gha m alị Ijiptu kpọpụha nwa m.

Hosia 2:2

“Ụmụ m, gwakwọ nị nnẹ ụnụ Izrẹlụ-o! Ẹlẹzidẹ nwan nwunyẹ m; ẹlẹzi m di ẹ! Rịọkwọ n'a n'o bu ẹnya che ụzọ ohu, rebehi ẹhụ a!

Hosia 3:1

Osolobuẹ sị m, “D'a ghọsịzị nwunyẹ i ihiẹn-ọsụsụọ, ọsụọn'a nị ya lẹ onyẹ ọzọ rị a sụọ, lẹni ọ zọ ụkụ e ye ọfịa, nị ẹrịra kẹ Osolobuẹ e nwọnsọnmẹ ihiẹn-ọsụsụọ ndị Izrẹlụ, ọsụọn'a nị w'e fesọnmẹ mmọn lẹni ihiẹn-oriri ahụn wẹ gi a kwa ese a sụọ wẹ asụọ.”

Lẹvitikọsụ 26:15

nị ụnụ a jụ iwu ndị hụ m ye ụnụ, jụ uhi m yisọnmẹ, jụ nị ụnụ e mẹkọ ihiẹn ndị hụ ile m sị ụnụ mẹ, gi ẹrịra tikpọ nkwerigbama m tumẹ ẹgbata mmẹ lẹ ụnụ,

Makị 8:23

Ọ nọ kwọndọn okẹnnyẹ hụ ẹka, wepụ a imẹ obodo hụ, bu ẹsọn che ẹ ẹnya, bu ẹka kwasị a. Ya k'ọ nọ jụ a, “O nwọnghọ ihiẹn ị rị e legha?”

Jọnụ 3:29

Onyẹ rị a lụ okpoho nwọn okpoho ahụn ọ rị a lụ. Ọwụ a wuzohụ ẹhụ a, a ghọghọ n'ọ rị a nụ olu ẹ. Ịghọghọ m e zuọlẹ nwan oke.

Ọrụn Ndị-ozi 23:19

Onyẹ-isi agha hụn kanị nọ kwọndọn nwata hụ ẹka, we ẹ shi ụsụọ, jụma a, “K'i nwọn y'a gwa m?”

Ndị Kọrẹntị Nke Ẹbụọ 11:2

Ẹnya hụn a fụ Osolobuẹ rị a fụ m makẹ ọnọdị ụnụ. Ụnụ wụ nwagbọọ m kwe okẹnnyẹ ohu sụọ nkwa. Okẹnnyẹ ahụn wụ Kraịstị. M kwe ẹ nkwa nị m jẹnkọ d'e we ụnụ ye ẹ ebe ụnụ kelẹni marịn okẹnnyẹ.

Ditrọnọmi 1:31

lụzịkwọnị ụnụ ya imẹ atụ. Ụnụ a hụnghọ kẹ Osolobuẹ wụ Chuku ụnụ dọn pa ụnụ kẹ nẹdi a pa nwa a, ọrọgbọ ahụn ile ụnụ gi rị ụzọ kẹ ụnụ lala ụnụ e we ru ebeni.”

Ditrọnọmi 29:1

Ndịnị wụ ihiẹn ndị rị imẹ iwu Osolobuẹ sị Mozizi ye ndị Izrẹlụ imẹ ẹgbẹrẹ Mụabụ, cheni hụn ọ nọ Ugu-Horẹbụ ye wẹ.

Ditrọnọmi 29:21

Osolobuẹ k'a gha imẹ ebọn ile rị Izrẹlụ sepụha hụnyẹ d'e tikpọ a, mẹ ihiẹn wẹ ku ebe ile wẹ nọ bụtọ ọnụ imẹ Ẹkụkwọ Iwuni.

Ditrọnọmi 29:24

Ndị alị ile rị ụwa k'a rị a jụ, “Kị Osolobuẹ mẹni alịnị ihiẹnni?! Kị buhẹ okẹn-ọnụmanị a dụn kẹ ọkụn?!”

Ditrọnọmi 31:16

Osolobuẹ nọ sị Mozizi, “Y'e d'a nwụnhụn laburu ndị nẹdi i wẹ. Ị pụgụ, o biekọ ndịnị e we enwẹn wẹ ye kẹ ịgbaraja, kwamanị mmọn-lẹ-iyi alị ahụn wẹ banyekọ. Wẹ jẹnkọ d'a la m tọ, tikpọ Iwu m hụn kwọngbama mmẹ lẹ wẹ.

Ditrọnọmi 31:20

M webangụ wẹ alị ahụn mirin-ẹran anụ lẹ mirin-ẹnwụn jun, e hu, alị hụ m kun enwẹn m kwe ndị nẹdi wẹ kanị nkwa nị m k'e ye wẹ; wẹ rijungụ ẹfọ, du, wẹ jẹnkọ d'e sọnmẹ mmọn-lẹ-iyi, fe wẹ, la m tọ, tikpọ Iwu m gi kwọngbama mmẹ lẹ wẹ.

Ditrọnọmi 5:2

Osolobuẹ wụ Chuku ẹnyi nọ Horẹbụ ye ẹnyi Iwu kwọngbama ẹnyi lẹ ịya.

Ditrọnọmi 5:3

Ẹlẹ ndị nẹdi ẹnyi kẹ Osolobuẹ gi Iwu hụ kwọngbama ịya lẹ wẹ, kanị ẹnyi — ẹnyi ile hụn rị ndụn ebeni tannị.

Hibru 8:9

ọ nọkọ kẹ nkwerigbama hụ rị ẹgbata mmẹ lẹ ndị nẹdi wẹ kanị, ogẹn hụ m kwọndọn wẹ ẹka gha alị Ijiptu dupụha wẹ. Makẹni edọnmẹni wẹ nkwerigbama m, ịya haịn m gi wepụ wẹ ẹnya.’ Ya kẹ Di-nwọnni-ẹnyi ku.