Jerimaya 31:31 - Ika

³¹ Osolobuẹ sị, “Ezioku, ogẹn lala hụn m k'e gi mẹmẹ nkwerigbama ọhụn, hụn k'e kwọngbama mmẹ lẹ ndị Izrẹlụ lẹ ndị Juda.

Jerimaya 31:31 ပူးပေါင်းရင်းမြစ်များ

Azaya 59:21

“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”

Jerimaya 23:5

Mmẹ wụ Osolobuẹ sị, “Ogẹn lala hụn m k'e gi wepụhanị Defidi Agalaba rị ọchan, eze hụn k'e gi akọ-lẹ-uche kị, e mẹ ihiẹn rị mma lẹ ihiẹn furuni imẹ alịnị.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 31:27

Osolobuẹ sị, “Ezioku, ogẹn lala hụn m k'e gi kụn mmụ ye imẹ Izrẹlụ Ẹbamịn-ugu lẹ imẹ Juda nọkẹ mkpụrụ wẹ kụnye imẹ ugbo — kẹ ịhịan kẹ anụ-ụlọ jẹnkọ d'a mụba.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Izikẹlụ 37:26

M k'e kwe wẹ nkwa hụn m k'e gi mẹ n'ọ rịnị wẹ mma; o k'a wụ nkwa itẹbitẹ. M k'e mẹ wẹ gbọrị, mẹ wẹ ba ụba; m k'e bu Ụlọ-nsọ m che imẹ igunrun wẹ jẹnrin ejẹn.

Emọsụ 9:13

Osolobuẹ sị, “Ezioku-ezioku, ihiẹn jẹnkọ d'a rịzị mma; ọka e jun bụ ogẹn ọka eke ru; vaịnị lẹ manya a e jun bụ ogẹn vaịnị eke ru. Vaịnị lẹ manya vaịnị a sụọnị e jun elu-ugu, manya vaịnị e huru elu-òke ile.

Matiu 26:28

makẹni ọnwan wụ ẹdeke m, hụn wẹ gi biye ẹka nkwerigbama ọhụn Osolobuẹ kwademẹ — ẹdeke m wẹ hupụnị ndị bu ọda, igi wẹhẹ mgbagharị njọ.

Makị 14:24

Ọ nọ sị wẹ, “Ọnwan wụ ẹdeke m wẹ gi ufiri ndị bu ọda hupụ; ẹdeke m wẹ gi biye ẹka nkwerigbama Osolobuẹ tumẹ ẹgbata ya lẹ ndị nke ẹ.

Luku 22:20

Ẹrịra k'o dọnzikwọ weri mkpu hụ ogẹn wẹ gi rigụ, ye wẹ, sị, “Mkpuni wụ nkwerigbama ọhụn Osolobuẹ; ẹdeke m hụn m rị e gi ufiri ụnụ e ye kẹ wẹ gi biye ẹ ẹka.”

Ndị Kọrẹntị Ibuzọ 11:25

Ẹrịra k'o mẹzi kẹ wẹ rigụ ihiẹn-oriri ẹnyasị ahụn: o weri mkpu manya hụ, ọ nọ sị, “Mkpuni wụ nkwerigbama ọhụn hụ wẹ gi ẹdeke m biye ẹka. E mẹ ni ihiẹnni: ogẹn ọwụlẹ ụnụ ra a, e gi n'ẹ a nyanhan m.”

Ndị Kọrẹntị Nke Ẹbụọ 3:6

Osolobuẹ mẹ ẹnyi gi wụrụ ndị ma rụn ọrụn nkwerigbama ọhụnnị, ẹlẹ nke Iwu wẹ de ede, kanị nke Mmọn-nsọ. Makẹni Iwu wẹ de e gbu egbu, kanị Mmọn-nsọ e ye ndụn.

Ndị Galeshịa 6:16

Udọn lẹ omikẹn ya rịnị ndị ile gi okuni e bi, ya rịnị ndị wụ Izrẹlụ Osolobuẹ nke-esi!

Ditrọnọmi 29:14

Nkwerigbamanị m rị e tumẹ tannị lẹ nkwa rịn'a wẹ jẹnkọ e gi ẹfan Osolobuẹ kwe ẹlẹkwọ ẹgbata mmẹ lẹ ụnụ sụọ,

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 7:12

Makẹni, hụn wẹ gihụ wepụ ụdị ẹjan lẹ ndị nchụn-ẹjan rịnị, webanhan ụdị ọzọ, wẹ k'e webanhanzịkwọ iwu ọhụn ya lẹ ụdị ọhụn ahụn wụ ohu.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.