Jerimaya 31:28 - Ika

²⁸ Ọ wụrụ nị kẹ m dọn buchanrịn ẹnya zinmẹ wẹ kẹni m huepụ wẹ, kụkpọ wẹ, ma wẹ tuhu, wiwi wẹ, gi eje-ihiẹn sọn wẹ, ẹrịra kẹ m k'e dọn buchanrịnzị ẹnya zinmẹ wẹ, kẹni m tụn wẹ kẹ ụlọ, kụn wẹ kẹ ihiẹn-ugbo. Ya kẹ Osolobuẹ ku.

Jerimaya 31:28 ပူးပေါင်းရင်းမြစ်များ

Jobu 29:2

“Omẹni m te nọ kẹ m nọ ifọn ole-lẹ-ole ghanị, kẹ m nọ ogẹn ahụn Chuku gi rị e lepụ m ẹnya,

Ẹbụ-ọma 102:16

Makẹni, Osolobuẹ k'a tụndọnzi Zayọnụ; o k'a ghọsị ọghọ a.

Ẹbụ-ọma 147:2

Osolobuẹ rị a tụndọnzi Jerusalẹm, e wekinhẹn ndị Izrẹlụ ọ chụpụ alị wẹ.

Ẹbụ-ọma 69:35

Makẹni Chuku k'a zụọpụha Jerusalẹm, tụndọnzi obodo ndị rị Juda, e birizi wẹ ebẹhụ, nwọnrinzi ẹ.

Jerimaya 1:10

Lee ẹ, e tumẹgụọ m'ị tannị, bu alị lẹ alị-eze ichẹn-ichẹn che i ẹka, kẹn'i huepụ lẹ n'i kụtu; kẹn'i tikpọ lẹ n'i nutu; kẹn'i tụn lẹ n'i kụn.”

Jerimaya 1:12

Osolobuẹ nọ sị m, “Y'a hụngụọ a ọhụnma, makẹni ẹrịra kẹ ẹnya m dọn rị e ‘shokẹdi’ ihiẹn m ku, kẹni m mẹzu ẹ.”

Jerimaya 24:6

M sikọ d'e lepụ wẹ ẹnya ọhụnma ebẹhụ. M k'e wekinhẹnzi wẹ ebeni. M k'a tụnshi wẹ elu, ẹlẹ m k'a kụtu wẹ; m k'a kụn wẹ, ehuepụkọ m wẹ.

Jerimaya 32:41

O k'a gha a sụọ m nị m'e mẹ wẹ mma; m k'e gi obi m ile lẹ ihiẹn ile rị imẹ m kụn wẹ ye alịnị nọkẹ ihiẹn-ugbo.’ ”

Jerimaya 32:42

Mmẹ wụ Osolobuẹ sị, “Kẹ m dọn wẹhẹni ndịnị okẹn nsọngbuni, ẹrịra kẹ m jẹnkọ d'e ye wẹ ihiẹn-ọma ile m rị e kwe wẹ nkwa a.

Jerimaya 42:10

Omẹni ụnụ e rohutọ, nọdị alịnị, m sikọ d'a gọzi ụnụ; m k'a tụn ụnụ kẹ ụlọ, etikpọkọ m ụnụ; m k'a gbọma ụnụ, ehuepụkọ m ụnụ — makẹni ọ fụka m nị m mẹ ụnụ ihiẹnni ile m mẹ ụnụ.

Jerimaya 44:27

M k'a nị eje-ihiẹn mẹ wẹ, ẹlẹ ihiẹn rị mma; onyẹ ọwụlẹ imẹ ndị Juda bi Ijiptu jẹnkọ d'a gha ọpịa-agha mọbụ ẹgụn la — d'e runi wẹ ile a nwụnchanrịn.

Jerimaya 45:4

“ ‘Osolobuẹ sị: Gwa Baruku nị mmẹ wụ Osolobuẹ sị: M jẹnkọ nwan d'e tikpọ ihiẹn m tụn imẹ alịnị ile, huepụ ihiẹn m kụn.

Izikẹlụ 19:12

Kanị, m nọ gi ọnụma huepụ a, tụ a ye alị. Ufere ọwụwa-ẹnyanwụn nọ sekpọ a, butuchanrịn mkpụrụ ọ mị. Ọkụn nọ ripụ agala a, agala a ndị nwẹn wụ ikẹn ẹ.

Izikẹlụ 36:10

m k'e mẹ ịhịan ba ụba elu ụnụ imẹ Izrẹlụ ile; ịhịan k'e bizi obodo ndị rị Izrẹlụ; wẹ k'a tụnkin ndị hụ wẹ tikpọ la iwi.

Daniẹlụ 9:14

Osolobuẹ elezini ẹnya azụụn d'e mẹ ẹnyi ihiẹnni o mẹ ẹnyi, makẹni Osolobuẹ wụ Chuku ẹnyi wụ onyẹ ezioku imẹ ihiẹn ile o mẹ — kanị ẹnyi emẹkwọnị nwan ihiẹn ọ sị ẹnyi mẹ.

Daniẹlụ 9:25

“Marịn nwan ihiẹnni m jẹnkọ d'e ku; ghọta a ọhụnma: Gha ogẹn wẹ k'e gi ye iwu sị wẹ dọnzi Jerusalẹm, tụndọnzi ẹ, d'e ru ogẹn Onyẹ hụ Osolobuẹ tumẹ e gi bịa, ogẹn Onyẹ ọkịkị hụ e gi bịa, k'a wụ ‘ẹsa ụzọ ẹsa cheni ẹsa ụzọ ẹbụọ-kwasị-ọgụn-ẹtọ’. Wẹ k'a tụndọnzi ẹ, tụndẹ ọgbara-ogbe lẹ mgbọn ye ẹ, kanị wẹ k'a hụn nsọngbu wẹ gha a rụn a.

Emọsụ 9:11

“O ru ogẹn hụ, m jẹnkọ d'e weli ụlọ Defidi dannị, tụnkinchanrịn ebe ile oghe rị; a rụndọnzi m ebe ile tikpọnị, a tụn m'a, ọ rịzị k'ọ rị mbụ,

Emọsụ 9:14

M k'e wekinhẹn ndị nke m wẹ kpụnrụn alị wẹ; a tụndọnzi wẹ obodo wẹ ile tikpọnị, birisọnmẹ imẹ wẹ. Wẹ k'a kụn vaịnị, ra manya a; wẹ k'a rụn ugbo, ri ihiẹn rị imẹ ẹ.

Zẹkaraya 8:14

Makẹni, Osolobuẹ ihiẹn ile rị okpuru ẹ sị: Kẹ m dọn ku ẹ ogẹn ndị nẹdi ụnụ gi kpasu m iwe nị m k'e mẹshi ụnụ ikẹn, m nọ mẹ ẹ, eleni m ẹnya azụụn,

Zẹkaraya 8:15

ẹrịra kẹ m dọn nwan rị e ku ẹ nị m k'e mẹ obodo Jerusalẹm lẹ alị Juda ile mma; atụlẹ ni egun.

Ọrụn Ndị-ozi 15:16

‘Ihiẹnni mẹgụ, m k'e kinhẹn; m k'a tụndọnzi ụlọ Defidi dannị; m k'a tụndọnzi ihiẹn wiwini, e mẹ m'ẹ rịzị k'ọ rị mbụ,

Ditrọnọmi 30:9

Osolobuẹ wụ Chuku ụnụ e mẹ ihiẹn ile ụnụ buche ẹka ghachanrịn ihun ọda-ọda, mẹ ụmụ ụnụ bu ọda, mẹ anụ ụnụ barahị, mẹ ihiẹn-ugbo ụnụ mẹ ọda-ọda, makẹni oku ụnụ k'a ghazị e ye Osolobuẹ anwịnrịn kẹ nke ndị nẹdi ụnụ kanị dọn ye ẹ anwịnrịn, o mẹ ụnụ gha ihun: