Jerimaya 31:27 - Ika

²⁷ Osolobuẹ sị, “Ezioku, ogẹn lala hụn m k'e gi kụn mmụ ye imẹ Izrẹlụ Ẹbamịn-ugu lẹ imẹ Juda nọkẹ mkpụrụ wẹ kụnye imẹ ugbo — kẹ ịhịan kẹ anụ-ụlọ jẹnkọ d'a mụba.

Jerimaya 31:27 ပူးပေါင်းရင်းမြစ်များ

Ẹbụ-ọma 107:41

kanị ọ gbapụha ndị ụya rị e ri imẹ eje-ọnọdị, mẹ ikpụlọ wẹ ba ụba rịkẹ ihiẹn-uriri.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Izikẹlụ 36:10

m k'e mẹ ịhịan ba ụba elu ụnụ imẹ Izrẹlụ ile; ịhịan k'e bizi obodo ndị rị Izrẹlụ; wẹ k'a tụnkin ndị hụ wẹ tikpọ la iwi.

Izikẹlụ 36:11

M k'e mẹ kẹ ịhịan kẹ anụmanụ ba ụba elu ụnụ, mụ ụmụ ọda-ọda, barahị. M k'e mẹ ịhịan biri elu ụnụ kẹ wẹ dọn bi ẹ mbụ, mẹ ihiẹn rịnị ụnụ mma karị k'ọ rị mbụ. Ogẹn ahụn, ụnụ a marịn nị mmẹ wụ Osolobuẹ.

Izikẹlụ 36:9

Lee ẹ, m nọyeni ụnụ anọyeni, m k'e lee ụnụ ẹnya ihun: wẹ k'a dụkpọzị alị ụnụ, rụnzị a ugbo,

Hosia 2:23

“M k'a kụnye Izrẹlụ alịnị kẹ ihiẹn m, e mẹni m ‘Omikẹn-arịa’ omikẹn ọsụọn'a nị m kpọ a ‘Omikẹn-arịa’; m k'a sị ndị nwẹn w'a kpọ ‘Ẹlẹ wẹ ndị nke m,’ ‘ndị nke m kẹ ụnụ wụ,’ a sị wẹ m, ‘Ịyụ wụ Chuku ẹnyi.’ ”

Zẹkaraya 10:9

Ọsụọn'a nị m fe wẹ ye alị ndị ọzọ, wẹ k'a nọzịkwọ alị ndị hụ teni nyanhan m; wẹ k'a rị ndụn, wẹ lẹ ụmụ wẹ, lụahazị ebeni.

Ditrọnọmi 30:9

Osolobuẹ wụ Chuku ụnụ e mẹ ihiẹn ile ụnụ buche ẹka ghachanrịn ihun ọda-ọda, mẹ ụmụ ụnụ bu ọda, mẹ anụ ụnụ barahị, mẹ ihiẹn-ugbo ụnụ mẹ ọda-ọda, makẹni oku ụnụ k'a ghazị e ye Osolobuẹ anwịnrịn kẹ nke ndị nẹdi ụnụ kanị dọn ye ẹ anwịnrịn, o mẹ ụnụ gha ihun: