Jerimaya 31:25 - Ika

²⁵ M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Jerimaya 31:25 ပူးပေါင်းရင်းမြစ်များ

Ẹbụ-ọma 107:9

O yejun ndị ẹgụn-mirin rị a gụn ẹfọ; o gizikwọ ihiẹn rị mma e yejun ndị ẹgụn ihiẹn-oriri rị a gụn ẹfọ!

Ẹbụ-ọma 23:3

o mẹ ndụn a banzị m. O dugha m ụzọ ezi-omumẹ makẹ ufiri ẹfan a.

Azaya 32:2

Onyẹ-onyẹ imẹ wẹ sikọ d'a wụrụ ebe ịhịan a warị ogẹn okẹn ufere lẹ ebe w'a gbaban ẹbi gha a kpọ; wẹ k'a nọ kẹ mirin iyi imẹ alị ọkpọ-nkụn, lekẹ igungun okẹn-ọmụma imẹ alị anwụn nọ a mụ ọda-ọda.

Azaya 40:29

O mẹ ndụn a ban ndị ndụn gụ, e yecheni ndị ndụn rịlẹni ikẹn.

Azaya 41:17

Ndị igbẹnnyẹ lẹ ndị elu rị a fụ hụ a chọ mirin wẹ k'a ra, kanị w'a ra hụn; ẹkpịrị hụ a kpọ wẹ nkụn yeni ẹgụn-mirin. Kanị mmẹ wụ Osolobuẹ jẹnkọ d'a za wẹ oku — mmẹ wụ Chuku ndị Izrẹlụ alatọkọ wẹ.

Azaya 50:4

Di-nwọnni-ẹnyi wụ Osolobuẹ e yegụọ m ire onyẹ wẹ zụn hụn m gi a marịn oku m'e gi gba onyẹ ndụn gụ umẹ. Ụtụntụn ọwụlẹ k'o gi a kpọtiẹn m, a shịapụ ntịn m — kẹni m gọn ntịn kẹ onyẹ wẹ rị a kuzi ihiẹn.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 31:14

M k'e ye ndị nchụn-ẹjan ihiẹn ọda-ọda; ndị nke m k'e rijun ẹfọ ọhụnma-ọhụnma.” Ya kẹ Osolobuẹ ku.

Izikẹlụ 34:14

Ebe ezigbo ẹfịfịa rị kẹ m'a nọ zụn wẹ; elu ugu ndị rị Izrẹlụ kẹ wẹ k'a nọ a kpa nni. Ẹghẹẹ, wẹ k'e ri, dinẹ ebe ẹfịfịa rị mma jun, wẹ k'a nọ elu ugu Izrẹlụ ebe ẹfịfịa rị mma rị a kpa nni.

Matiu 11:28

“Bịa nị d'e kunrun m, ụnụ ile ndụn gụ, bu ibu nyịnnị, m jẹnkọ d'e ye ụnụ ezumikẹn.

Matiu 5:6

Ngọzi wụ nke ndị ọ rị a gụn nị ihiẹn rị kẹ Osolobuẹ dọn chọ, a gụn wẹ kẹ ihiẹn-oriri lẹ ihiẹn-ọrịra; ẹfọ jẹnkọ d'e jun wẹ.

Luku 1:53

O gigụọ ihiẹn rị mma yejun onyẹ ẹgụn rị a gụn ẹfọ, gba ọdanfịn ẹka chụpụ a.

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Ndị Kọrẹntị Nke Ẹbụọ 7:6

Kanị Osolobuẹ, hụn a kasị ndị ndụn gụ obi nọ gi ọbịbịa Taịtọsụ kasị ẹnyi obi.