Jerimaya 31:23 - Ika

²³ Osolobuẹ ihiẹn ile rị okpuru ẹ, hụn wụ Chuku Izrẹlụ sị, “Ogẹn m'e gi gha imẹ ẹgbụn igbọn wẹ rị welụa wẹ, ndị bi alị Juda lẹ obodo rịsọnmẹ imẹ ẹ k'e kumẹzi okuni, ‘Osolobuẹ ya gọzi yụ wụ alị ezi-omumẹ, yụ wụ ugu nsọ!’

Jerimaya 31:23 ပူးပေါင်းရင်းမြစ်များ

Ẹbụ-ọma 128:5

Osolobuẹ ya gha Zayọnụ gọzi i; kẹni i hụn aghamihun Jerusalẹm y'e we bigụ;

Ẹbụ-ọma 129:8

hụn ndị ghafekọnị ghalẹni e kele, ‘Osolobuẹ ya gọzi ụnụ! Ẹnyi gi ẹfan Osolobuẹ a gọzi ụnụ!’ ”

Ẹbụ-ọma 134:3

Osolobuẹ ya gha Zayọnụ gọzi ụnụ, Osolobuẹ hụn ke elu-igwee lẹ ụwa.

Ẹbụ-ọma 28:9

Dodo, Zụọpụha ndị nke i, y'a gọzi ukuu i; Du wẹ kẹ anụ ị, pa wẹ jẹnrin ejẹn.

Azaya 1:21

Ledẹ ni nị obodo nwẹn wẹ te gi e dọn ẹnya e họnringụọ nwan ịgbaraja! Ezigbo eṅẹn te jun imẹ ẹ; ezi-omumẹ te bi imẹ ẹ, kanị ndị izighẹ bi ẹ nwan!

Azaya 1:26

E yezi m'i ezigbo ndị-ndu nọkẹ hụn m ye i ogẹn mbụ, yezi i ezigbo ịhaịmẹ nọkẹ ndị hụn m ye i isi mbidọn. Omẹgụ, wẹ k'a kpọmazị ị ‘Obodo Ezi-omumẹ, Obodo wẹ gi e dọn ẹnya.’ ”

Azaya 11:9

Ịrụ-ẹhụ lẹ ntikpọ arịkọzị elu ugu nsọ m ile — makẹni ịmarịn-Osolobuẹ k'e jun elu-ụwa ile kẹ mirin dọn jun ohimin.

Azaya 32:16

Ogẹn hụ, ezioku e weri ọnọdị d'e rudẹ imẹ atụ, ezi-omumẹ e weri ọnọdị d'e rudẹ imẹ alị ugbo rị mma.

Azaya 33:5

Osolobuẹ e nwọnkẹ ọghọ; elu-igwee k'o bi; o k'e gi ezioku lẹ ịrị-ọchan mẹjun Zayọnụ wụ Jerusalẹm.

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Jerimaya 29:14

M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 32:44

Ịhịan k'e gizi egho ṅọnrin alị; wẹ k'e biyezi ẹka ẹkụkwọ wẹ gi re alị, ndị ọshẹri e biye ẹka. Wẹ k'e mẹ ẹ ẹgbẹrẹ alị Bẹnjamini lẹ ụmụ-alị ndị fihunmẹ Jerusalẹm; wẹ k'e mẹ ẹ imẹ obodo ile rị alị Juda lẹ obodo ndị rịsọnmẹ òke; wẹ k'e mẹ ẹ imẹ obodo ndị rị ukun ugu ndị rị ibe ọdịdan-ẹnyanwụn; wẹ k'e mẹ ẹ ẹbamịn ndịdan-mirin Juda wụ Nẹgẹvụ. O k'a rị ẹrịra makẹni m jẹnkọ d'e mẹ n'ọ rịzịnị wẹ mma. Mmẹ wụ Osolobuẹ ku ẹ.”

Jerimaya 50:7

Ndị ile hụnnị wẹ hụ e bu wẹ e ri. Ndị iṅẹnrẹn wẹ hụ a sị, ‘Uwẹ sị ẹnyi mẹ wẹ ihiẹn ẹnyi mẹ wẹ, uwẹ mẹ Osolobuẹ njọ — Osolobuẹ hụn wẹ nọ ẹka a e rijun ẹfọ, Osolobuẹ ndị nẹdi wẹ gi dọn ẹnya.’ Osolobuẹ sị nwan,

Obadaya 1:17

Kanị, elu Ugu Zayọnụ wụ Izrẹlụ, o k'e nwọn ndị k'a wanahịnnị; wẹ k'a rịzịkwọ nsọ; uwẹ ndị ikpụlọ Jekọpụ k'e weri alị wẹ.

Maịka 4:1

Kanị o ru ogẹn ikpanzụụn, ugu ụlọ-nsọ Osolobuẹ sikọ d'e weri ọnọdị, nwọnnahịn ugu lẹ òke ile ọghọ; ndị alị ichẹn-ichẹn jẹnkọ d'a rị e rujẹn ẹ.

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Rutu 2:4

Imẹ ugbo ebẹhụ k'ọ rị kẹ Bụazị gha imẹ obodo Bẹt'lẹhẹm bịa. Bụazị nọ kele ndị-ọrụn a, sị wẹ, “Osolobuẹ ya nọyeni ọnụ-o!” Wẹ nọ za a, “Osolobuẹ ya gọz'i-o!”