Jerimaya 31:20 - Ika

²⁰ Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 31:20 ပူးပေါင်းရင်းမြစ်များ

Jẹnẹsisi 43:30

Hụn ahụn Josẹfụ hụn nwẹnẹ ẹfọ a, o mẹtụ a obi ọda-ọda, ọ nọ pụ ozigbo, ẹkwan hụ a chọ n'ọ nahịn a. Ọ nọ shi mmughẹ ẹ, nọ ebẹhụ kwan ẹkwan.

Ndị-nze Nke Ibuzọ 3:26

Ya okpoho hụn mụ nwa hụ rị ndụn nọ gi omikẹn nwa a rị e mẹn'ẹ, sị eze, “Di-nwọnni m, dodo, we nwa hụ rị ndụn ye ẹ! Egbulẹ ẹ!” Kanị hụn ẹbọ sị, “Kẹ mmẹ kẹ ịyụ, onwọnni hụn k'e wen'ẹ. Wẹ be ẹ ẹbụọ!”

Ẹbụ-ọma 103:13

Kẹ nẹdi dọn e mẹni ụmụ a omikẹn, ẹrịra kẹ Osolobuẹ dọn e mẹ omikẹn ndị a gbayen'ẹ.

Itẹn 3:12

Onyẹ ihiẹn ẹ sụọ Osolobuẹ k'ọ dọ ẹka-ntịn kẹ nẹdi e mẹ nwa a ihiẹn ẹ a sụọ a.

Ẹbụ Solomọnụ 5:4

Nke-m e bu ẹka che oghe wẹ gha a gụnpụ ọnụmụzọ, akpobi m nọ dụman'a.

Azaya 16:11

Obi m hụ a kwannị Mụabụ ẹkwan nọ kẹ ụbọ rị a kpọ ẹbụ ẹkwan, obi m hụ a kwanzịnị Kiri-Harẹsẹti ẹrịra.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Jerimaya 3:12

“D'e bu ẹnya zinmẹ ẹbamịn-ugu n'ị hị ihiẹnni: sị wẹ, ‘Izrẹlụ danpụgụnị, kinhẹn azụụn.’ Ya kẹ Osolobuẹ ku. ‘Ebupụkọzị m ụnụ ihun, onyẹ omikẹn kẹ m wụ.’ Ya kẹ Osolobuẹ ku. “Ewekọ m iwe jẹnrin ejẹn.

Jerimaya 3:19

“Mmẹ nwẹn, m te sị enwẹn m, ‘Nkẹ ọ sụọka m nị m mẹ ụnụ kẹ ụmụ, ye ụnụ alị rị mma, alị manahịn nke ndị alị ọzọ ile mma.’ M te ro ni ụnụ k'a kpọ m, ‘Baba’; nị ụnụ esọnbehikọ m.

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Jerimaya 48:36

“Akpobi m rị nwan a kwannị Mụabụ nọkẹ ẹkpịrị wẹ rị e gbu wẹ gi a kwan ozun. Obi m rịzị a kwannị ndị Kiri-Harẹsẹti rị Mụabụ ẹkwan nọkẹ ẹkpịrị wẹ rị e gbu wẹ gi a kwan ozun, makẹni ihiẹn wẹ kpatọ a lachanrịn iwi.

Ẹkwan 3:22

ihiẹn-ọsụsụọ Osolobuẹ haịn wẹ gilẹni gbuchanrịn ẹnyi, makẹni omikẹn ẹ ara gụ.

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Hosia 14:4

Osolobuẹ sị, “M k'a gwọ wẹ ọdanpụnị wẹ danpụ; m k'a shịapụ ẹfọ nwọn ihiẹn-ọsụsụọ wẹ makẹni olulu m rị e buni wẹ a rọgụọ.

Lẹvitikọsụ 26:44

“K'osilẹrị, ogẹn hụ wẹ k'e gi rị alị ndị iṅẹnrẹn wẹ, ajụkọ m wẹ tọgbọ mọbụ ze ize wẹ hụn m'e gi gbupụchanrịn wẹ ile, gi ẹ tikpọ nkwerigbama mmẹ lẹ wẹ. Mmẹ wụ Osolobuẹ hụn wụ Chuku wẹ.

Luku 15:24

makẹni nwa m nị te nwụnhụn anwụnhụn, kanị ọ rị nwan ndụn; o te tuhu etuhu, kanị a hụngụọ m'a nwan.’ Wẹ nọ rimẹ oriri, ghọghọma.

Luku 15:32

O furu nị ẹnyi ri oriri, ghọghọ, makẹni nwẹnẹ i ni te nwụnhụn anwụnhụn, kalẹ ọ rị nwan ndụn; o te tuhu etuhu, kanị, a hụngụọ w'a nwan.’ ”

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Ndị Filipi 1:8

Osolobuẹ wụ ọshẹri m nị ụnụ a da m ọda-ọda, ọdịda hụn gha ẹka Kraịstị wụ Jizọsị bịa.

Ndị Han Eṅẹn 10:16

Ya wẹ nọ kwapụchanrịn mmọn-lẹ-iyi ichẹn-ichẹn wẹ rị e fe imẹ igunrun wẹ, femẹ Osolobuẹ. Osolobuẹ nkẹ asazịnị ẹka din ụya ndị Izrẹlụ rị e ri.