Jerimaya 31:19 - Ika

¹⁹ Kẹ m kpahugụ, e rohutọ m; kẹ m ghọtagụ, a kwan m, a fịan m ẹka obi; ifẹnrẹn nọ mẹ m, mẹgbuchanrịn m, makẹni njọ m mẹ kẹ m rị okoro kẹ m rị a ta afụnfụn a.”

Jerimaya 31:19 ပူးပေါင်းရင်းမြစ်များ

Ẹzra 9:6

mẹ ekpere, sị, “Euu Chuku m, ifẹnrẹn lẹ ịfanị anịnị m bu ihun zinmẹ i, Chuku m, makẹni njọ ẹnyi mẹ ejẹnnahịngụọ isi ẹnyi enu, ikpe manị ẹnyi e rugụọdẹ elu-igwere!

Jobu 13:26

Ị hụdẹ e detusọnmẹni m ihiẹn jọgbu enwẹn ẹ, e gi njọ ndị m mẹ kẹ m rị okoro e sọn m.

Jobu 20:11

Ndụn hụ ile jun ẹ ọkpụkpụ k'e sọn ẹ fiẹnrin imẹ ẹjan wẹ liye ẹ.

Ẹbụ-ọma 119:67

K'i kelẹni ye m afụnfụn, m te kpahukọ akpahukọ; kanị, m'e mẹ nwan ihiẹn i ku.

Ẹbụ-ọma 25:7

Dodo anyanhanlẹ njọ m mẹ kẹ m rị okoro lẹ ebe m nọsọnmẹ fe isi; gi ufiri ihiẹn-ọsụsụọ ị nyanhan m, makẹni yụ wụ Osolobuẹ a rịka mma.

Azaya 54:4

Atụlẹ egun, ifẹnrẹn emẹkọ ị. Atụlẹ egun ịfa — y'a fakọ. I k'a zọdẹ ifẹnrẹn hụn mẹn'i kẹ ị rị nwagbọọ; y'a nyanhankọzị ụya i ri kẹ m la ị tọ rịkẹ onyẹ di nwụnnahịn.

Jerimaya 22:21

A dọghọ m ụnụ ẹka-ntịn ogẹn ẹhụ gi fu ụnụ, kanị ụnụ nọ sị, ‘Ẹnyi egọnkọ ị ntịn!’ Ẹrịra kẹ ụnụ e mẹ gha alị lala — ụnụ ara gi oku m dọn.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 32:30

“Ihiẹn rịlẹni mma ẹnya m sụọ kẹ ndị Izrẹlụ lẹ ndị Juda e mẹ gha alị lala; iwe-iwe kẹ wẹ gi ihiẹn ẹka wẹ mẹmẹ a kpasu m. Ya kẹ Osolobuẹ ku.

Izikẹlụ 21:12

“ ‘Nwa-ịhịan, yimẹ oro, gomẹ, makẹni ndị nke m kẹ wẹ k'e gi ẹ gbu; ndị-isi Izrẹlụ ile kẹ wẹ k'e gi ẹ gbu. A tụgụọ wẹ wẹ yeni ọpịa-agha hụ, uwẹ lẹ ndị nke m. Fịanma nwan ẹka obi.

Izikẹlụ 21:17

Mmẹ nwẹn k'a kpọzị ẹka e yeni wẹ ya, e bu m oluluni ru alị, d'e ru n'ọ rọ. Mmẹ wụ Osolobuẹ e kugụọ a.”

Izikẹlụ 23:3

Wẹ ẹbụọ gba ịgbaraja kẹ wẹ rị alị Ijiptu; wẹ gha alị gbama ịgbaraja! A pịnghọ wẹ wẹ ẹka ẹran ebẹhụ, a pịnghọ wẹ wẹ ẹka ọnụnụ-ẹran ebẹhụ.

Izikẹlụ 36:26

M k'e ye ụnụ obi ọhụn, bu mmọn ọhụn che imẹ ndụn ụnụ; e wepụ m obi-ọmụma imẹ ụnụ, ye ụnụ obi rị alụlụa.

Izikẹlụ 36:31

Ogẹn ahụn, ụnụ a nyanhan eje-obibi ụnụ lẹ eje-ihiẹn ndị hụ ụnụ mẹ, ize enwẹn ụnụ a ban ụnụ yeni njọ ụnụ lẹ arụ ile ụnụ mẹ.

Izikẹlụ 6:9

Ndị hụ hụn isi imẹ ụnụ k'a nyanhan m imẹ alị ichẹn-ichẹn ndị hụ wẹ kpụnjẹn wẹ, nyanhan kẹ obi dọn gbawapụ m yeni obi wẹ rịlẹni ụzọ ohu, obi wẹ hụn pụchanrịn ebe m rị shi mmọn wẹ ndị hụ chanban wẹ ẹnya, ize enwẹn wẹ a ban wẹ yeni eje-ihiẹn ile wẹ mẹ lẹ arụ ile wẹ mẹ.

Zẹkaraya 12:10

M k'e hu mmọn omikẹn lẹ arịrịọ ye ebọn eze-Defidi lẹ ndị bi Jerusalẹm obi, nke wụnị, wẹ k'e lee m ẹnya, onyẹ hụn wẹ dụn ihiẹn, a kwannị w'a ẹkwan kẹ ịhịan a kwan akpụ nwa ohu ọ mụ; wẹ k'a kwangbu enwẹn wẹ nọkẹ onyẹ okẹnnyẹ ibuzọ a nwụnnahịn.

Luku 15:30

Kanị, nwa ị nị gigụ ihiẹn i ile bu ịgbaraja a lụa nwan, y'e gbun'ẹ nwa-efin hụ kachanrịn mma ẹnyi zụntọ!!’

Luku 18:13

“Kanị, onyẹ ụgwọ-isi nọ wuzo ebe teni; ọ sadẹni ẹka bu ihun zinmẹ elu-igwee, kama, ọ hụ a fịan ẹka obi, a sị, ‘Osolobuẹ, dodo mẹ omikẹn m, onyẹ njọ kẹ m wụ!’

Ndị Rom 6:21

Kị wụ nwan erere ihiẹn ndị ahụn ụnụ mẹ ogẹn ahụn — hụn rị nwan e mẹ ụnụ ifẹnrẹn? Ọnwụn, ya kẹ ihiẹn ndị ahụn e buhẹ!

Ditrọnọmi 30:2

nị ụnụ lẹ ụmụ ụnụ e gbehutọ buru Osolobuẹ wụ Chuku ụnụ, gi obi ụnụ ile lẹ umẹ-ndụn ụnụ ile mẹmẹ ihiẹn ile m gwa ụnụ tannị,

Timoti Nke Ẹbụọ 2:25

e gi nwayọ a kọwanị ndị ghalẹni e kweyen'ẹ, makẹni Osolobuẹ nwọn ikẹn mẹ wẹ rogharị, bịa d'a marịn ezioku,