Jerimaya 31:12 - Ika

¹² Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 31:12 ပူးပေါင်းရင်းမြစ်များ

Ẹbụ-ọma 130:4

Kanị, y'a gbagharị njọ agbagharị, wẹ hụ e gi ufiri ẹ a gbaye i.

Azaya 1:30

Ụnụ jẹnkọ d'a nọ kẹ osisi gbụ ẹhụhụọ, ugbo-nta hụnlẹni mirin.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 51:11

Ya wụ, ndị Osolobuẹ k'a gbapụha k'e kinhẹn; wẹ k'e gi ẹbụ banhan Zayọnụ Jerusalẹm; ịghọghọ itẹbitẹ k'a wụrụ ihiẹn wẹ gi tu wẹ ugọn. Obi-ụsụọ lẹ ịghọghọ k'e rukpumẹ wẹ, ẹkwan lẹ ịsụn-udẹn k'a gba ọsọ.

Azaya 52:8

Gọn nị ntịn-o! Nụ nị kẹ ndị-nche ụnụ rị e yi oro, wẹ ile hụ a bụ ẹbụ-ịghọghọ — makẹni e gigụọ wẹ ẹnya wẹ hụn kẹ Osolobuẹ kinla Zayọnụ!

Azaya 58:11

Osolobuẹ k'e du i ogẹn ile; e ye i ihiẹn rị ị mkpa ọsụọn'a nị ị rị alị kpọchanrịn nkụn; o k'e mẹ ọkpụkpụ ị ze ọhụnma-ọhụnma. Ị k'a rị kẹ ugbo-nta w'a gba mirin ọhụnma, rị kẹ isi-mirin hụn mirin ẹ ghalẹni a gụ.

Azaya 60:20

Anwụn ụnụ arọkọzị; ifọn ụnụ etibehikọ — makẹni Osolobuẹ lẹ enwẹn ẹ k'a wụrụnị ụnụ ukpẹ jẹnrin-ejẹn, ụnụ a kwanbehi ẹkwan.

Azaya 65:19

M k'e gi Jerusalẹm ghọghọ, ndị nke m k'a gha a sụọ m. Anụkọzị wẹ ẹkwan mọbụ ịkwan-ụya imẹ ẹ.

Jerimaya 3:14

Osolobuẹ sị, “Ụnụ ndị danpụgụnị: kinhẹn ni, nị mmẹ wụ di-nwọnni ụnụ! M k'a gha imẹ igunrun ụnụ họrịsọnmẹ onyẹ ohu-ohu imẹ obodo ọwụlẹ, madụ ẹbụọ-ẹbụọ imẹ ebọn ọwụlẹ, e welụa m wẹ obodo Zayọnụ.

Jerimaya 31:24

Ogẹn hụ, ịhịan ile k'e bigbama imẹ alị Juda lẹ ụmụ alị rịn'a — kẹ ndị ugbo kẹ ndị e du anụ.

Jerimaya 31:25

M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Jerimaya 31:4

Nwagbọọ m wụ Izrẹlụ, m jẹnkọ d'a tụndọnzi i nọkẹ ụlọ, y'e turuzi. I jẹnkọ d'a ghọghọmazị, kụma ẹgede, e tẹn egu imẹ ọgbọ-egu.

Jerimaya 31:6

Ogẹn lala hụn ndị a kpọ ọgwa k'e gi gha òke rịsọnmẹ ẹgbẹrẹ Ifrem a hị, ‘Pụha nị, nị ẹnyi jẹn Zayọnụ d'e fe Osolobuẹ wụ Chuku ẹnyi.’ ”

Jerimaya 31:7

Osolobuẹ sịzị, “Bụnị nị Jekọpụ ẹbụ ịghọghọ; yini ni alịnị ka alị ndị-ọzọ ile oro ịghọghọ. Weshi ni olu elu ye ekele, a sị, ‘Euu, Osolobuẹ, dodo zụọpụha ndị nke i, ndị Izrẹlụ họdụnị.’

Jerimaya 32:15

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ sị, ‘Wẹ k'e ṅọnzi kẹ ụlọ kẹ ugbo kẹ alị vaịnị imẹ alịnị.’ ”

Jerimaya 33:12

“Mmẹ wụ Osolobuẹ, hụn ihiẹn ile rị okpuru ẹ sị: ọsụọn'a nị ebeni a gbagụọ nwan okpokoro, nke wụnị onwọnzini ịhịan mọbụ anụmanụ họdụnị, omẹgụ, ọfịa ndị e du anụ k'e wejẹn anụ wẹ d'a kpa nni k'a rịzị imẹ obodo ile rịn'a, anụ a nọ wẹ rijun ẹfọ, makpuru.

Jerimaya 33:13

O k'a rịzị ẹrịra azụụn ile, kẹ obodo ndị rị elu òke kẹ obodo ndị rị ukun ugu ibe ọdịdan-ẹnyanwụn kẹ ndị rị ẹgbẹrẹ Nẹgẹvụ ẹbamịn ndịdan-mirin kẹ ẹgbẹrẹ alị Bẹnjamini kẹ mmụ obodo fihunmẹ Jerusalẹm kẹ imẹ obodo ndị ọzọ ile rị alị Juda. Atụnrụn lẹ ewu jẹnkọ d'a rịzị a pụ, a banhan, ndị e duni wẹ a gụnzị wẹ kẹ w'a gụn wẹ mbụ.” Ya kẹ Osolobuẹ ku.

Izikẹlụ 17:23

Mkpọnụnụ ugu Izrẹlụ kẹ m k'a gbọye ẹ; o k'a wa ẹka, mị mkpụrụ; o k'e họnrin okẹn-osisi sida a la ẹnya. Ụdị nnụnụ ile k'a kụ ẹkụ ye elu ẹ; wẹ ile e fe imẹ elu k'e biri igungun agalaba a.

Izikẹlụ 20:40

Makẹni, mmẹ, Osolobuẹ Nwọn Ihiẹn Ile, rị e ku ẹ nị Izrẹlụ ile k'a nọrịrị elu-ugu nsọ m, elu ugu rị Izrẹlụ, fe m ofufe, wẹ ile k'a nọrịrị imẹ alị Izrẹlụ ebẹhụ fe m. M k'a nabanhan wẹ ebẹhụ, nọ a lemẹzi ẹnya ihiẹn ụnụ a tụhanị m lẹ oyiye ndị hụ kachanrịn mma ụnụ e ye lẹ ihiẹn ndị ọzọ ile rị nsọ ụnụ gi e fe m.

Izikẹlụ 34:14

Ebe ezigbo ẹfịfịa rị kẹ m'a nọ zụn wẹ; elu ugu ndị rị Izrẹlụ kẹ wẹ k'a nọ a kpa nni. Ẹghẹẹ, wẹ k'e ri, dinẹ ebe ẹfịfịa rị mma jun, wẹ k'a nọ elu ugu Izrẹlụ ebe ẹfịfịa rị mma rị a kpa nni.

Izikẹlụ 36:30

M k'e mẹ mkpụrụ-osisi lẹ ihiẹn-ugbo barahị, nke wụnị onwọnni ogẹn ụnwụn e gizi kpọrị ụnụ ihun alị ndị ọzọ.

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Juwẹlụ 3:18

O ru ogẹn ahụn, ugu ndịnị k'e ye manya vaịnị ọda-ọda; elu-òke ndịnị e ye mirin-ẹran efin ọda-ọda mirin k'e jun iyi ile rị alị Juda; Isi-mirin k'a rị Ụlọ Osolobuẹ hụn mirin ẹ k'a gha e hupụha, a gba Ọdanmgbugbu Shitim mirin.

Hagaị 2:19

Ihiẹn-ugbo a gụgụọ ọban, ẹlẹ ya? Kẹ vaịnị kẹ figi kẹ pomegraneti kẹ olivu, onwọnzini hụn a mị mkpụrụ, ẹlẹ ya? Kanị m sị ụnụ nị gha tannị jẹnmẹ, m k'a gọzi ụnụ.”

Zẹkaraya 8:12

Mba! M jẹnkọ d'a kụn ọrịrịmma nọkẹ mkpụrụ; osisi vaịnị k'a mị mkpụrụ a; alị k'e mẹ ihiẹn; igwere k'e ye mirin ẹ. M k'e mẹ ndịnị họdụ imẹ ndị Juda nwọnrin ihiẹn ndịnị ile.

Jọnụ 16:22

Ẹrịra kẹ ụnụ rị nwan a hụnjun ẹnya; kanị, nị m hụnzịghọ ụnụ; ogẹn hụ, ịghọghọ e jun ụnụ obi; onwọnni onyẹ k'a napụ ụnụ ịghọghọ hụ.

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Rẹvẹleshọnụ 21:4

O k'e finchanpụchanrịn wẹ ẹnya-mirin. Ọnwụn arịkọzị, ẹnya-mirin lẹ ẹkwan lẹ ụfụ arịkọzị, makẹni ihiẹn akan a ghafegụọ.”

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”