Jerimaya 31:10 - Ika

¹⁰ Ụnụ ndị alị ile, gọnkwọ nị ntịn ihiẹn Osolobuẹ rị e ku; gwasọnmẹ ni alị ndị rị ebe teni rịdẹ mkpẹnrẹn ohimin nị: “Onyẹ hụn feyịya ndị Izrẹlụ jẹnkọ d'e wegbama wẹ, lepụ wẹ ẹnya nọkẹ onyẹ e du atụnrụn.

Jerimaya 31:10 ပူးပေါင်းရင်းမြစ်များ

Jẹnẹsisi 10:5

Ụmụ Javanị ndịnị mụ ndị bisọnmẹ mkpẹnrẹn Ohimin Mẹditerenia — hụn ọwụlẹ lẹ alị o bi lẹ asụsụ wẹ lẹ ebọn wẹ lẹ ndị alị wẹ.

Ẹbụ-ọma 147:2

Osolobuẹ rị a tụndọnzi Jerusalẹm, e wekinhẹn ndị Izrẹlụ ọ chụpụ alị wẹ.

Ẹbụ-ọma 23:1

Osolobuẹ wụ onyẹ hụn e duni m rịkẹ atụnrụn, onwọnni ihiẹn a kọnị m.

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Itẹn 27:23

Hụnkwọ a n'ị marịn k'ọ rị igunrun anụ ị, lepụkwọ igunrun anụ i ẹnya ọhụnma —

Azaya 24:14

E weshi wẹ nwan olu elu yimẹ oro ịghọghọ; ndị rị ẹbamịn ọdịdan-ẹnyanwụn hụ e yi nị Osolobuẹ e hikẹ ogbe.

Azaya 27:12

O ru ogẹn hụ, Osolobuẹ k'a kụkpọchanrịn alị-eze ile rị gha Iyi Yufretisi d'e ru Iyi udu-mirin rị ebe Ijiptu ru; o k'a kụkpọ wẹ kẹ w'a kụkpọ ọka, tụtụrụ ụnụ ndị Izrẹlụ ohu-ohu rịkẹ akpụrụ-ọka.

Azaya 40:1

“Kasị nị ndị nke m obi; rọkọ nị wẹ obi!” Ya kẹ Chuku ụnụ ku.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 41:1

Gba nị nkịtịn, gọn m ntịn, alị ndị rị nfetu ohimin! Ndị alị ichẹn-ichẹn wẹ kọnrin pụha! Wẹ pụha nwan d'e kin; nị ẹnyi zuni ọgwa d'e kin.

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 48:20

Gha nị Babilọnụ pụ, gbapụnị nị ndị Babilọnụ gini ụnụ! Gi oro ịghọghọ hị ọnwan — ku ẹ nị ịhịan ile nụ; ku ẹ n'ọ ghagbarị ụwa ile; sị, ‘Osolobuẹ a gbapụhagụọ odibo ẹ wụ Jekọpụ!’

Azaya 54:7

M jụ ị hụ ẹkẹrẹ ogẹn, kanị m jẹnkọ d'e gi okẹn omikẹn wekinhẹn i.

Azaya 60:9

Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Azaya 66:19

M k'a kpaghọsị wẹ ikẹn m, e zi m ndị k'a nwụnhọdụnị shi alị ichẹn-ichẹn — alị Tashishi lẹ alị Pulu lẹ alị Ludu (ndị wẹ gi ịgba-ụta marịn) lẹ alị Tubalụ lẹ alị Javanị wụ Grisi lẹ alị ichẹn-ichẹn tegbu enwẹn wẹ, hụn kelẹni nụ otiti m mọbụ hụn ọghọ m. Uwẹ sikọ d'a gwa ndị alị ichẹn-ichẹn oku ọghọ m.

Jerimaya 23:4

M k'e ye wẹ ndị-ndu k'e lepụ wẹ ẹnya, a tụbehi wẹ egun, mabehi piripiri. Onwọnni hụn k'e huni imẹ wẹ. Mmẹ wụ Osolobuẹ ku ẹ.”

Jerimaya 25:22

lẹ ndị-nze alị Taya lẹ ndị-nze alị Sidọnụ lẹ ndị-nze alị ndị rịsọnmẹ nfetu Ohimin Mẹditerenia;

Jerimaya 3:15

E tumẹni m ụnụ ndị-ndu hụn k'e du ụnụ kẹ m chọ. Wẹ k'e gi amamihiẹn lẹ nghọta du ụnụ.”

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Jerimaya 50:19

Kanị m k'e welụa Izrẹlụ alị wẹ wẹ nọ a kpa nni. Wẹ k'a nọzị ugu Kamẹlụ lẹ alị-aradan Bashanị e ri, ebẹhụ ihiẹn-oriri jun, nọzị elu-òke Ifrem lẹ ẹgbẹrẹ Gilẹdị e ri ihiẹn gụnị wẹ.

Izikẹlụ 11:16

“Sị nwan, ‘Lee ni ihiẹn Osolobuẹ nwọn ihiẹn ile ku: Ọsụọn'a nị e te kpọnghọ m wẹ shi alị ndị ọzọ rị ebe teni, fe wẹ yesọnmẹ alị ichẹn-ichẹn, m hụ a nọyeni wẹ ẹkẹrẹ imẹ alị ndị wẹ shi.’

Izikẹlụ 20:34

M k'e gi ẹka-ikẹn lẹ ẹka zeni lẹ ọnụma wepụha ụnụ imẹ alị ndị hụ wẹ feyịya nwan ụnụ ye,

Izikẹlụ 34:12

Kẹ onyẹ e du atụnrụn rị igunrun atụnrụn dọn a chọ ndị kpapụnị, ẹrịra kẹ m k'a dọn chọ atụnrụn m. A zụọpụha m wẹ ebe-lẹ-ebe wẹ gbajẹn ụhụọhịn igwere fọnlẹni.

Izikẹlụ 37:24

“ ‘Odibo m wụ Defidi k'a wụrụ eze wẹ, wẹ ile e nwọnrin onyẹ-ndu ohu, e gi wẹ usọnrọn m tumẹni wẹ e bi, e dọnmẹ Iwu m.

Izikẹlụ 5:10

Ndị nẹdi k'a gha e ri ụmụ wẹ imẹ i, ụmụ hụ e ri ndị nẹdi wẹ. M k'e ye i afụnfụn, e feyịya m ndị k'a họdụ imẹ i ye alị ichẹn-ichẹn rị ẹbamịn ile.

Izikẹlụ 5:2

Ị nọzugụ akpọhịn ole hụ y'e gi ghọsị okehunmẹ wẹ sikọ d'e kehunmẹ Jerusalẹm, y'e weri ụzọ ohu imẹ ntutu hụ ị kọpụha, dụn a ọkụn etintinnaị Jerusalẹm hụ i seye elu ụrụa. Y'e weri ụzọ ohu, gi ọpịa-agha beyịya wẹ imẹ obodo hụ; y'a bụọ ụzọ ohu họdụnị ye imẹ ufere, m jẹnkọ d'e sepụha ọpịa-agha chụ wẹ.

Daniẹlụ 11:18

“O bunụmanị alị ndị rị mkpẹnrẹn Ohimin, weri ndị bu ọda imẹ wẹ, kanị ọkị-agha ohu jẹnkọ d'a kụsị ụya ahụn ọ rị e ye wẹ e ri, we ẹ ye ya nwẹn ri.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Maịka 2:12

“Omẹgụ, m sikọ d'e wegbamazịrịrị ụnụ, ụmụ Jekọpụ; m jẹnkọ d'e wegbamazị ndị k'a hụn isi. M k'e wegbama wẹ ile, a nọ wẹ kẹ atụnrụn rị ebe wụ nke wẹ, nọkẹ igunrun atụnrụn rịchanrịn ebe wẹ nọ a kpa nni hụn wụ nke wẹ; ụzụn k'e jun alịnị yeni ndị bu ọda rịn'a.”

Maịka 4:6

Osolobuẹ sị, “O ru ogẹn hụ, m jẹnkọ d'e welụa ndị nọ nwan kẹ ngụrọ; m k'e welụa ndị nke m hụn m jụ lẹ ndị m rụ ẹhụ.

Maịka 5:4

O k'a pụha nwan, gi ikẹn Osolobuẹ, ọghọ rị ẹfan Osolobuẹ wụ Chuku ẹ zụn atụnrụn a. Onwọnzini ihiẹn k'e mẹ wẹ, makẹni o k'a wụ okẹn ịhịan elu ụwa ile;

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹfanaya 3:19

O ru ogẹn hụ, m k'e mẹshi ndị rị a bịangbuni ụnụ ikẹn. M k'a zụọpụha atụnrụn m ndụn rịlẹni, e wegbama m atụnrụn m wẹ chụzịza; e wepụha m wẹ imẹ ụya wẹ rị, ye wẹ ezigbo ẹfan w'a ja mma elu ụwa ile.

Zẹkaraya 10:8

M k'e gi ọfịfị welụa wẹ, makẹni a gbarịgụọ m wẹ; wẹ k'e buzi ọda kẹ wẹ bu mbụ.

Zẹkaraya 2:6

Lihi ni! Lihi ni! Gha nị alị ahụn rị ẹbamịn-ugu gbapụ, ọsụọn'a nị e te feyịyagụọ m ụnụ nọkẹ ufere ye ẹbamịn ẹnọ rị ụwa! Ya kẹ Osolobuẹ ku.

Zẹkaraya 9:16

O ru ụhụọhịn hụ, Osolobuẹ wụ Chuku wẹ k'a zụọpụha wẹ, kẹ igunrun atụnrụn wụ nke ẹ; wẹ k'a gha e gbuke imẹ alị a kẹ ihiẹn wẹ gi chọ okpu-eze mma!

Luku 12:32

“Ụmụ-atụnrụn m, atụlẹ ni egun, makẹni ọ sụọghọ Nẹdi ụnụ n'o ye ụnụ Alị-eze.

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 11:52

Ẹlẹdẹ ndị Ju sụọ kẹ Jesu sikọ d'a nwụndọnni, n'o gizighọ ọnwụn a wegbama ndị nke Osolobuẹ ile rị ebe ọwụlẹ.

Ditrọnọmi 30:4

Ọsụọkwọn'a nị alị kachanrịn e te elu-ụwa k'o te chụshi ụnụ, Osolobuẹ wụ Chuku ụnụ k'a gha ebahụn kokomẹ ụnụ wekinhẹn.

Ditrọnọmi 32:26

M te sị nị m k'e feyịya wẹ, kpọnchanpụ wẹ, ịhịan anyanhankọzị wẹ.