Jerimaya 29:32 - Ika

³² mmẹ wụ Osolobuẹ rị nwan e ku ẹ nị m jẹnkọ d'e yerịrị Shẹmaya onyẹ Nẹhẹlam lẹ ẹbozo ẹ afụnfụn. Shẹmaya enwọnkọ akpụ onyẹ nke ẹ ohu jẹnkọ d'a họdụnị mọbụ hụn ihiẹn-ọma m jẹnkọ d'e mẹni ndị nke m, makẹni o kugụọ ihiẹn ụnụ e gi a pa oku m.’ ”

Jerimaya 29:32 ပူးပေါင်းရင်းမြစ်များ

Ndị-nze Nke Ibuzọ 13:18

Ya onyẹ-amụma hụ ka ẹgẹdi nọ sị a, “Mmẹ nwẹn wụzị onyẹ-amụma nọkẹ yụ. Mmọn-ozi gwa m nị Osolobuẹ sị m: ‘D'e wekinhẹn ẹ, n'o d'a nọ iwe i ri, ra.’ ” (Kanị, ntụ kẹ onyẹ-amụma hụ ka ẹgẹdi rị a tụ a.)

Ndị-nze Nke Ẹbụọ 5:27

Oti Naamanị k'e risọnmẹ i nwan, yụ lẹ agbọ ị ile jẹnrin-ejẹn!” Oti nọ fụkpo Gẹhazi n'o d'a gha ebe Ẹlaịsha rị pụ, ẹhụ a ile hụ e nwun kẹ ẹkwa ọchan.

Ndị-nze Nke Ẹbụọ 7:2

Onyẹ-isi agha hụn tanhan eze ẹka nọ sị odibo Osolobuẹ, “Ọsụọdẹn'a nị Osolobuẹ besọnmẹ oghe ye igwere, nị ihiẹnni i ku s'ẹka mẹ?” Ẹlaịsha nọ sị a, “I k'e gi ẹnya ị hụn a, kanị y'e rikọ hụn ọwụlẹ imẹ ẹ!”

Ọpụpụ 20:5

akpọkwọlẹni ni wẹ isi alị mọbụ fe wẹ; makẹni mmẹ, hụn wụ Osolobuẹ, Chuku ụnụ, wụ Chuku ẹnya a fụ omẹni wẹ ye onyẹ ọzọ ihiẹn runi m. M'e gi njọ ndị ize m e ze e sọn ụmụ wẹ d'e rudẹ agbọ nke ẹtọ lẹ nke ẹnọ.

Azaya 14:20

elikọ wẹ i kẹ wẹ dọn li ndị-nze ibe i, makẹni y'e tikpọgụọ alị ị, gbu ndị nke i. Ahịkọzịdẹ wẹ ẹfan ụmụ ị, ịyụ, onyẹ eje-omumẹ.

Azaya 14:22

Osolobuẹ ihiẹn ile rị okpuru ẹ sị, “Mmẹ wụ Osolobuẹ k'e mẹ wẹ ihiẹn. M jẹnkọ d'a napụ alị Babilọnụ ẹfan a lẹ ndị te k'e bikinn'ẹ — kẹ ụmụ kẹ ụmụ-ụmụ.” Ya kẹ Osolobuẹ ku.

Jerimaya 17:6

O k'a nọ kẹ ihiẹn rị e sue alị rịlẹni mma — ọ hụnkọ ihiẹn rị mma ogẹn o gi bịa. O k'e bi alị-ọkpọnkụn rị imẹ atụ, alị nnu ịhịan ghalẹni e bi.

Jerimaya 20:6

“ ‘Yụ nwẹn wụ Pashuru, wẹ k'a kpụn yụ lẹ ndị ile rị iwe i shi Babilọnụ. I k'a nọ ebẹhụ nwụnhụn; ebẹhụ kẹ wẹ k'e litọ ị, kẹ yụ kẹ ndị-ọwụ ị ile ị rị a tụ ntụ n'o nwọnni ihiẹn jẹnkọ d'e mẹni.’ ”

Jerimaya 22:30

Osolobuẹ sị, “Gụn nị okẹnnyẹni yeni ndị mụlẹni nwa; Gụn n'a yeni ndị elu jẹnkọlẹni d'a masị e we wẹ nwụn, makẹni onwọnni nwa a ọwụlẹ ọ k'a rịnị mma, onwọnni hụn k'a nọdị ukpo-eze Defidi mọbụ kị alị Juda.”

Jerimaya 28:16

Lee nwan ihiẹn Osolobuẹ ku: ‘M'e d'e wepụ ị elu-ụwanị. Ahụanị k'i jẹnkọ d'a nwụn, makẹni y'e mẹgụọ ndịnị jụ oku Osolobuẹ.’ ”

Jerimaya 29:24

Nke Shẹmaya onyẹ Nẹhẹlam, sị a,

Jerimaya 30:1

Ọnwan wụ ihiẹn Osolobuẹ gwa Jerimaya:

Jerimaya 35:19

Mmẹ wụ Osolobuẹ ihiẹn ile rị okpuru ẹ hụn wụ Chuku Izrẹlụ rị nwan a sị, ‘Ebọn Jonadabụ nwa Rekabụ agụkọ imẹ ndị a rụnnị m ọrụn.’ ”

Jerimaya 36:31

M k'e ye ya lẹ ụmụ a lẹ idibo ẹ afụnfụn eje-omumẹ wẹ. M k'e wẹhẹni wẹ lẹ ndị bi imẹ Jerusalẹm lẹ ndị Juda ile nsọngbu ile m gwatọ wẹ nị m k'e wẹhẹni wẹ bụ egọnni wẹ ntịn.’ ”

Izikẹlụ 20:38

M k'a gha alị ụnụ shiẹnpụchanrịn ndị ile rị imẹ ụnụ hụn a pa oku m lẹ ndị e feni m isi. M k'e wepụha wẹ alị wẹ bi, kanị abanyekọ wẹ alị Izrẹlụ, ụnụ e gi ẹ marịn nị m wụ Osolobuẹ.

Emọsụ 7:17

Ufiri ihiẹnni i ku, Osolobuẹ sị: Nwunyẹ i k'e họnrin ịgbaraja imẹ obodoni! Wẹ k'e gi ọpịa-agha gbu ụmụ i — kẹ ikẹnnyẹ kẹ ikpoho! Ndị ọzọ k'a kpachanpụ ẹnya keri alị ị — a ma a, e kebe; ịyụ lẹ enwẹn i wụ Amazia k'a nwụntọ alị ọzọ rụnị; wẹ k'e wepụrịrị ndị alịnị, ndị Izrẹlụ Ẹbamịn-ugu, alị wẹ, we wẹ shi alị ọzọ.’ ”

Emọsụ 9:10

Wẹ k'e gi ọpịa-agha gbuchanrịn ndị nke m ile e mẹ njọ, ndị hụn a sị, ‘Eje-ihiẹn erukọ ẹnyi ẹhụ, o kunrunkọ ẹnyi.’

Ditrọnọmi 13:5

Wẹ k'e gburịrị onyẹ-amụma ahụn mọbụ onyẹ ahụn nrọ a a bụn, makẹni ọ sị wẹ nupụ isi okpuru Osolobuẹ wụ Chuku ụnụ, Onyẹ hụn gha Ijiptu wepụha ụnụ, gha alị ụnụ nọ wụ igbọn gbarị ụnụ! Hụnyẹ a chọgụọ n'o wepụ ụnụ imẹ ihiẹn Osolobuẹ wụ Chuku ụnụ sị ụnụ mẹ. Ụnụ k'e wepụrịrị eje-ihiẹn ahụn imẹ igunrun ụnụ, wepụchanrịn.