Jerimaya 29:26 - Ika

²⁶ ‘Zẹfanaya, ịyụ wụ onyẹ nchụn-ẹjan hụn Osolobuẹ tumẹ onyẹ nlepụ-ẹnya ụlọ Osolobuẹ, gi i nọkin ẹnya onyẹ nchụn-ẹjan wụ Jehoyada; o furu nwan n'i gi aba lẹ igwe wẹ gi a kpọma ịhịan kpọma onyẹ-ẹra ọwụlẹ kpọ enwẹn ẹ onyẹ-amụma.

Jerimaya 29:26 ပူးပေါင်းရင်းမြစ်များ

Ndị-nze Nke Ẹbụọ 11:15

Onyẹ-isi nchụn-ẹjan wụ Jehoyada nọzị sị ndị ọkị-agha hụ, “We ni okpoho hụ che etintin ụnụ ndị agha, ụnụ e dupụ a imẹ Ụlọ-nsọ ebeni; onyẹ sọnmẹ ẹ, ụnụ e gi ọpịa-agha gbu hụnyẹ.” Jehoyada sị, “Ẹlẹ imẹ Ụlọ-nsọ Osolobuẹ ebeni kẹ wẹ k'a nọ gbu ẹ.”

Ndị-nze Nke Ẹbụọ 11:18

Ndị alị hụ ile nọ shi ụlọ-mmọn Baalụ: a kụtu w'ẹ; a kụkpọchanrịn wẹ ukpo nchụn-ẹjan lẹ ihiẹn ile rịn'a w'a rụa, gbu ohẹn mmọn Baalụ wụ Matanị tọ ihun ukpo nchụn-ẹjan ndị hụ. Jehoyada wụ onyẹ nchụn-ẹjan nọ tumẹ ndị nche ye Ụlọ-nsọ Osolobuẹ.

Ndị-nze Nke Ẹbụọ 9:11

Jehu nkẹ e kinhẹn d'e kunrun ibe ẹ, onyẹ ohu imẹ wẹ nọ jụ a, sị, “Demẹ ọ hụkwọ mma? Kị onyẹ-ẹranị chọhanị ị?” Jehu nọ sị wẹ, “Ọnụ a marịngụọ onyẹ nọ ẹnịna lẹ ụdị ihiẹn o k'e ku.”

Ihiẹn Mẹni Nke Ẹbụọ 16:10

Asa nọ gi olulu sọn onyẹ hụ a hụn ọhụn makẹ ihiẹnni o ku, bud'ẹ che ụlọ-ngan. O nwọnzighọ ndị Juda Asa gi ẹka-ikẹn mẹ ihiẹn ogẹn ahụn.

Ihiẹn Mẹni Nke Ẹbụọ 18:26

sị nị wẹ, ‘Eze sị, “Bu ni onyẹni che ụlọ-ngan; eyelẹ n'ẹ ihiẹn-oriri ọzọ karị brẹdi lẹ mirin d'e ru mgbe m lụaha udọn-lẹ-ndọnkwa.” ’ ”

Jerimaya 29:27

Kị haịn nwan i gilẹni ke jụgbọ Jerimaya onyẹ obodo Anatọtụ hụn rị imẹ igunrun ụnụ ebẹhụ e bu amụma hụ ọ rị e bu?

Jerimaya 38:28

Jerimaya nọ nọdị ezi-ọgwa ndị-nche ebẹhụ — d'e ru ụhụọhịn ndị Babilọnụ weri Jerusalẹm.

Jerimaya 38:6

Ya ndị-isi hụ nọ weri Jerimaya, bu ẹ che ọmị Mal'kija nwa eze. Ọmịnị rị ezi-ọgwa ndị-nche. Mirin arị imẹ ẹ ogẹn ahụn, ịkpọtọ sụọ rị a, egi wẹ eriri dọ Jerimaya ye imẹ ẹ, ọ nọ ruban imẹ ịkpọtọ hụ.

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Zẹkaraya 13:1

O ru ogẹn hụ, isi-mirin hụn a chanchanpụ njọ lẹ ụrụ k'e kpupụnị ebọn Defidi lẹ ndị bi Jerusalẹm.

Matiu 21:23

Ogẹn o gi nwan banye Ụlọ-nsọ, ndị-isi nchụn-ẹjan lẹ ndị-isi nọ bịa d'e kunrun ẹ ebe ọ rị a kuzi, sị a, “Onyẹ sị ị mẹ ihiẹn ndịnị ị rị e mẹ? Onyẹ zi i?”

Makị 3:21

Nnẹ lẹ umunẹ Jesu a nụ a, wẹ nọ bịa nị wẹ weri ẹ, makẹni wẹ nụ kẹ wẹ rị e ku oku ẹ, a sị “Ẹra a pụmagụọ a!”

Jọnụ 10:20

Ndị bu ọda imẹ wẹ sị, “Eje-mmọn rị imẹ ẹ; ẹra rị a pụ a! Kị ẹnyi rị e gọnn'ẹ ntịn?”

Jọnụ 10:33

Ndị Ju hụ nọ sị, “Ẹlẹ ọrụn rị mma kẹ ẹnyi k'a man'ị ọmụma, kanị, arụ ị ku. Makẹni yụ wụ ịhịan mmaka weri enwẹn i n'ị wụ Osolobuẹ.”

Jọnụ 8:53

Ebraham nẹdi ẹnyi a nwụnhụnghọ, ndị-amụma a nwụnhụnzịghọ; ịyụ kazị wẹ? K'ị rịdẹ nwan a kpọ enwẹn i?”

Ọrụn Ndị-ozi 16:24

Ọ nọ mẹ ihiẹn ndị-isi gwa a, bu wẹ che ngan rị imẹ-imẹ. Ọ nọ gi aba kpọdọn wẹ ụkụ.

Ọrụn Ndị-ozi 26:11

M'a ghasọnmẹ ụlọ-ofufe ile, e ye wẹ afụnfụn, e mẹ wẹ e kuja oku Jesu. Olulu wẹ bu m ọda-ọda, nke wụ nị m'e jẹndẹ obodo ndị ọzọ d'e kpokpo wẹ.

Ọrụn Ndị-ozi 26:24

Ebe Pọlụ ri e kin ọnụ a, Fẹstọsụ nọ weshi olu elu, yi, “Ẹra rị a pụ ị, Pọlụ! Okẹn-ẹkụkwọ rị a pụ ị ẹra!”

Ọrụn Ndị-ozi 26:25

Kanị Pọlụ nọ sị, “Ezi Gọvanọ wụ Fẹstọsụ, ẹra arị a pụ m! Ezioku we ẹnya kẹ m rị e ku.

Ọrụn Ndị-ozi 4:1

Ogẹn Pita lẹ Jọnụ gi rị a gwa ndị alị oku, ndị nchụn-ẹjan lẹ onyẹ-isi ndị e lepụ Ụlọ-nsọ ẹnya lẹ ụfọdụ ndị itu-Sadusi nọ bịa d'e kunrun wẹ.

Ọrụn Ndị-ozi 5:18

wẹ nọ nwụnrụn ndị-ozi ahụn pụ-ichẹn tụye imẹ ngan ịhịan ile.

Ọrụn Ndị-ozi 5:24

Onyẹ-isi ndị e lepụ Ụlọ-nsọ ẹnya lẹ Ndị-isi nchụn-ẹjan a nụ ihiẹnni, ọ gba wẹ ngharị-ẹnya, wẹ hụ a jụ enwẹn wẹ ihiẹn rị e mẹni.

Ndị Kọrẹntị Nke Ẹbụọ 11:33

kanị e gi wẹ ụkpalị gha oghere rị mgbọn ahụn wetu m, m nọ wanahịn a.

Rẹvẹleshọnụ 2:10

Atụlẹ ni egun afụnfụn ụnụ jẹnkọ nwan d'a ta. Lee ẹ, Ekwensụ e d'a tụ ụfọdụ imẹ ụnụ ngan kẹni wẹ gi ẹ lele ụnụ. Ụnụ k'a ta afụnfụn akpọhịn iri. Kwọnkẹnmẹ ni okukwe ụnụ d'e ru ọnwụn, e gi m ndụn wụ ndụn tu ụnụ ugọn.