Jerimaya 29:18 - Ika

¹⁸ Ẹghẹẹ, m k'e gi ọpịa-agha lẹ ụnwụn lẹ eje-emu chụ wẹ. Ndị alị-eze ile rị ụwa hụn ihiẹn m mẹ ndị ahụn, egun a tụ wẹ. Wẹ k'a wụrụ ihiẹn wẹ gi a bụ ọnụ, ihiẹn w'a hụn a jụpụ ẹsọn, ihiẹn w'a mụ ẹmụ lẹ ihiẹn-ifẹnrẹn ẹnya ndị alị ile m k'a chụjẹn wẹ.

Jerimaya 29:18 ပူးပေါင်းရင်းမြစ်များ

Ihiẹn Mẹni Nke Ẹbụọ 29:8

Ya kẹ Osolobuẹ nọ nwan gi olulu sọn Juda lẹ Jerusalẹm, gi wẹ họnrin ihiẹn w'a gbanị ọsọ, ihiẹn-ụya lẹ ihiẹn w'a mụ ẹmụ, kẹ ụnụ dọn nwan rị a hụn a.

Ẹbụ-ọma 44:11

Y'e wegụọ ẹnyi ye wẹ e gbu kẹ atụnrụn, y'e feyịyagụọ ẹnyi ye alị ndị ọzọ.

Azaya 65:15

Ọnyanhan wẹ k'a nyanhan ẹfan ụnụ wụ nị ndị nke m k'a gha e gi ẹfan ụnụ a bụ ọnụ! Di-nwọnni-ẹnyi wụ Osolobuẹ k'e gbuchanrịn ụnụ, kanị o jẹnkọ d'e ye idibo ẹ ẹfan ọzọ.

Jerimaya 15:4

M k'e gi ufiri ihiẹn eze Juda mbụ wụ Manasẹ nwa Hezikaya mẹ imẹ Jerusalẹm mẹ wẹ ihiẹn alị-eze ndị ọzọ ile rị ụwa jẹnkọ d'a hụn, egun a tụ wẹ.

Jerimaya 18:16

Alị wẹ jẹnkọ nwan d'a gba okpokoro, wụrụ ihiẹn w'a mụ ẹmụ jẹnrin ejẹn; onyẹ ghafe, o be ọrịọ, finfin isi.

Jerimaya 19:8

M k'e tikpọchanrịn obodoni, o họnrin ihiẹn w'a mụ ẹmụ; onyẹ ghafe, egun a tụ a, o finfin isi, ma ọsụa (ọsụọ) makẹ eje-ihiẹn hụn mẹ obodoni.

Jerimaya 24:10

M k'e gi ọpịa-agha lẹ ụnwụn lẹ eje-emu sọn wẹ d'e ru ni a gụchanrịn wẹ alịnị m ye wẹ lẹ ndị nẹdi wẹ kanị.”

Jerimaya 24:9

M k'e gi wẹ họnrin ihiẹn a tụ egun lẹ ihiẹn jọgbu enwẹn ẹ ẹnya ndị alị ile rị elu ụwa. Ebe ọwụlẹ m k'a chụshi wẹ, wẹ k'a wụrụ ihiẹn-ifẹnrẹn lẹ ihiẹn wẹ gi e ku oku, ihiẹn wẹ gi a kpa ẹmụ lẹ ihiẹn wẹ gi a bụ ọnụ.

Jerimaya 25:9

m jẹnkọ d'a kpọhanị ụnụ ndị alị ile rị ẹbamịn-ugu — uwẹ lẹ odibo m wụ Nebukadineza eze Babilọnụ. M k'e wẹhẹ wẹ d'e mẹ alịnị lẹ ndị rịn'a lẹ alị ndị ọzọ ile fihunmẹ alịnị ihiẹn. M k'e tikpọchanrịn wẹ, mẹ wẹ gba okpokoro, mẹ wẹ wụrụ ihiẹn w'a manị ọsụa (ọsụọ) lẹ ebe mẹ mkpọkọ-mkpọkọ jẹnrin ejẹn.

Jerimaya 26:6

m jẹnkọ d'e mẹ ụlọ-nsọnị ihiẹn m mẹ obodo Shilo, mẹ obodoni wụrụ ihiẹn ndị alị ile rị elu-ụwa gi a bụ ọnụ.’ ”

Jerimaya 27:8

“ ‘Kanị, alị mọbụ alị-eze ọwụlẹ jụ n'o humẹkọnị ezeni wụ Nebukadineza isi, n'o bukọ olu che agbụn a, m jẹnkọ d'e gi agha lẹ ụnwụn lẹ eje-emu sọn wẹ d'e ru ni e gi m Nebukadineza tikpọchanrịn wẹ.

Jerimaya 29:17

Osolobuẹ ihiẹn ile rị okpuru ẹ sị, ‘M jẹnkọ d'e zihẹni wẹ ọpịa-agha, ụnwụn lẹ eje-emu, a nọ wẹ kẹ ogbe figi jọgbu enwẹn ẹ njọ jẹnkọlẹni d'a nị ri.

Jerimaya 29:22

Ihiẹn m jẹnkọ d'e mẹ wẹ k'a wụrụ ihiẹn ndị Juda ile wẹ kpụnjẹn Babilọnụ e gi a bụ ịhịan ọnụ: a sị ịhịan, “Osolobuẹ ya mẹ i ihiẹn o mẹ Zẹdikaya lẹ Ehabụ, ndị hụn eze Babilọnụ dụn ọkụn.”

Jerimaya 32:24

“Lee kẹ ndị Babilọnụ tụnsọnmẹ mkpọnyin ye mgbọn obodoni, nọ ebẹhụ a lụsọn ẹ agha kẹni wẹ weri ẹ. Y'e gigụọ ọpịa-agha lẹ ụnwụn lẹ eje-emu mẹ obodoni ban ẹka ndị Babilọnụnị rị a lụsọn ẹ agha. Ihiẹn nwẹn i ku e mẹgụọ kẹ ị dọn nwan rị a hụn a.

Jerimaya 34:17

“Ufiri ẹ, mmẹ wụ Osolobuẹ sị, ‘Ụnụ egọnni m ntịn hatu umunẹ ụnụ, ndị alị Juda ibe ụnụ. M jẹnkọ nwan d'a hatu ụnụ nwẹn, ha ụnụ yeni ọpịa-agha, eje-emu lẹ ẹgụn nị wẹ gbu ụnụ. Ya kẹ Osolobuẹ ku. M mẹgụ ụnụ ihiẹn m k'e mẹ ụnụ, egun k'a tụma ndị alị-eze ile rị ụwa.

Jerimaya 42:18

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Jerimaya 44:12

M jẹnkọ d'e gbupụ ndị Juda hụ ile họdụnị hụn bu isi-ikẹn bịa alị Ijiptu d'e biri. Wẹ k'a nwụntọ Ijiptu ebeni, ọpịa-agha lẹ ẹgụn k'e gbu wẹ — kẹ onyẹ-uku kẹ onyẹ-nta. Ọpịa-agha lẹ ẹgụn k'e gbu wẹ. Wẹ k'a wụrụ ihiẹn wẹ gi a bụ ọnụ lẹ ihiẹn a tụ ịhịan egun lẹ ihiẹn wẹ gi a kpọ iyi lẹ ihiẹn ifẹnrẹn.

Jerimaya 44:22

Makẹni Osolobuẹ asazịnị ẹka din eje-ihiẹn lẹ arụ ile ụnụ rị e mẹ haịn alị ụnụ gi nwan wụrụ ihiẹn wẹ gi a bụ ọnụ lẹ ebe gba okpokoro la iwi, alị ịhịan bizilẹni, k'o dọn rị tannị.

Izikẹlụ 12:15

“Wẹ sikọ d'a marịn nị m wụ Osolobuẹ — ogẹn m'e gi kpọn wẹ ye imẹ ndị alị ichẹn-ichẹn, feyịya wẹ ye alị ichẹn-ichẹn.

Izikẹlụ 22:15

M k'e fe ụnụ ye imẹ igunrun ndị alị ọzọ rị ichẹn-ichẹn, fe ụnụ ye alị ichẹn-ichẹn; m k'e wepụchanrịn ụrụ ị.

Izikẹlụ 23:46

“Lee ihiẹn Osolobuẹ Nwọn Ihiẹn Ile ku: kịha nị nị wẹ igunrun ịhịan nị wẹ mẹ wẹ ihiẹn; bu wẹ che ọnọdị a tụ egun, mẹ wẹ kwanarịn wẹ ihiẹn wẹ.

Izikẹlụ 36:19

M nọ feyịya wẹ ye alị ndị ọzọ, wẹ nọ rị alị ichẹn-ichẹn ndị hụ. Ya wụ, obibi wẹ lẹ eje-ihiẹn ndị wẹ mẹ kẹ m gi kin wẹ ikpe.

Izikẹlụ 5:15

Ị k'a wụrụ ihiẹn-ifẹnrẹn lẹ ihiẹn-ẹmụ lẹ ihiẹn w'e gi a dọ ẹka-ntịn lẹ ihiẹn-egun ẹnya alị ndị nọkunmẹn'i, ogẹn m'e gi gi olulu lẹ ọnụma ye i afụnfụn. Mmẹ wụ Osolobuẹ e kuọl'a.

Izikẹlụ 6:8

“Kanị, o nwọnghọ ndị m k'e dọnmẹ ndụn. Ogẹn hụ, ndị ọpịa-agha k'e gbuhọdụ imẹ ụnụ k'a rị alị ndị ọzọ m k'e feyịya ụnụ ye.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Emọsụ 9:9

“M k'a sị wẹ mẹ wẹ ihiẹn ẹ, e gi m alị ndị ọzọ ile zinzin Izrẹlụ, kẹ w'e gi adana e zinzin ọka, onwọnni ẹfịfịa k'a ghafeni.

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Zẹkaraya 7:14

E gi m ndị-iṅẹnrẹn feyịya wẹ kẹ okẹn ufere dọn e feyịya ihiẹn, fe wẹ ye alị ndị ọzọ wẹ marịnlẹni. Ẹrịra kẹ alị wẹ dọn gba okpokoro, onwọnzini onyẹ a gha a e jẹn, onwọnzini onyẹ a gha a a la; alị ọma nwẹn nọ gba okpokoro.

Zẹkaraya 8:13

Kẹ ụnụ ndị Juda lẹ Izrẹlụ ile te dọn wụ ihiẹn wẹ bụ ọnụ ẹnya alị ndị-ọzọ, ẹrịra kẹ m sikọ nwan d'a zụọpụha ụnụ, ụnụ a wụrụ ngọzi. Atụlẹ ni nwan egun; ka jikẹnmẹ ni a rụn Ụlọ ahụn.

Ọgụngụn 5:27

Omẹni ọ zọgụọ ụkụ ye ọfịa gi ẹ rụ enwẹn ẹ, wẹ yegụ a mirin ọnụ-ẹsọn hụ ra, o sikọ d'a ban a ẹhụ, buhẹn'ẹ eje-afụnfụn; ẹfọ a e fun, ọgbọdọgbọ a e sekpọ, ọ wụrụ onyẹ wẹ bụ ọnụ ebe ndị nke ẹ rị.

Luku 21:24

Wẹ k'e gi ọpịa-agha gbu wẹ, kpụnrụn wẹ shi alị ile rị ichẹn-ichẹn. Alị ndị ọzọ jẹnkọ d'a zọ Jerusalẹm ụkụ d'e ru nị ogẹn alị ndị ọzọ e zu.

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Ditrọnọmi 28:37

Ụnụ k'a wụrụ ihiẹn w'e beni ọrịọ lẹ ihiẹn-ẹmụ imẹ igunrun ndị alị ile Osolobuẹ k'a chụshi ụnụ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!