Jerimaya 29:14 - Ika

¹⁴ M k'a nị ụnụ hụn m; m k'e wepụha ụnụ ẹka ndị gini ụnụ, wekinhẹn ụnụ. M jẹnkọ d'a gha alị ile lẹ ebe ile m chụye ụnụ wẹhẹzi ụnụ ebeni — e mẹ m n'ọ rịzịnị ụnụ mma, wekinhẹn ụnụ ebe m gha kpụnrụn ụnụ.’ Ya kẹ Osolobuẹ ku.

Jerimaya 29:14 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ẹbụ-ọma 126:1

Ogẹn Osolobuẹ gi mẹ n'ọ rịzị nị obodo Zayọnụ mma, ọ rị ẹnyi kẹ nrọ!

Ẹbụ-ọma 126:4

Osolobuẹ dodo, mẹ nwan n'ọ rịzịnị ẹnyi mma nọkẹ kẹ mirin dọn e junzi iyi tahịgụnị imẹ alị ọkpọ-nkụn Nẹgẹvụ:

Ẹbụ-ọma 32:6

Ya wụ, onyẹ ọwụlẹ hụn e feshi i ikẹn ya rịọma ị ogẹn wẹ e gi s'ẹka nwọnhẹn i — ọsụọn'a nị okẹn mirin rị e hu, o rukọ a ẹhụ.

Ẹbụ-ọma 46:1

Osolobuẹ wụ ikẹn ẹnyi lẹ onyẹ ẹnyi e gbọnni; eyemẹka a rịchanrịn ẹhụ-nsue ogẹn nsọngbu k'ọ wụ.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 43:5

Atụlẹ egun, mmẹ lẹ yụ wị; m k'a gha ẹbamịn ọwụwa-ẹnyanwụn welụa ụmụ ị, m k'a ghazị ẹbamịn ọdịdan-ẹnyanwụn welụa ụnụ.

Azaya 43:6

M k'a sịzịkwọ ẹbamịn ọwụwa-ẹnyanwụn, ‘Hapụ wẹ nị wẹ la!’ sị ndịdan-mirin, ‘Egbọndọnkwọlẹ wẹ!’ Welụa nị ụmụ m ikẹnnyẹ rị ebe teni, lẹ ụmụ m ikpoho rị ebe ụwa ru —

Azaya 45:19

Ekuni m'ẹ nzuzue, anọnị m ebe tegbu enwẹn ẹ gba ishi ku ẹ — asịnị m ebọn Jekọpụ ‘femẹ m mmaka’, Ezioku k'e mmẹ wụ Osolobuẹ e ku; ntụ arị oku m.

Azaya 55:6

Chọ Osolobuẹ ogẹn y'e gi hụn a; kpọku ẹ ogẹn o gi rị nsue.

Jerimaya 12:15

M huepụgụ ndị alị ndị ahụn ile, m k'e mẹni Izrẹlụ omikẹn, wekinsọnmẹ onyẹ-onyẹ ukuu ẹ lẹ alị a.

Jerimaya 3:14

Osolobuẹ sị, “Ụnụ ndị danpụgụnị: kinhẹn ni, nị mmẹ wụ di-nwọnni ụnụ! M k'a gha imẹ igunrun ụnụ họrịsọnmẹ onyẹ ohu-ohu imẹ obodo ọwụlẹ, madụ ẹbụọ-ẹbụọ imẹ ebọn ọwụlẹ, e welụa m wẹ obodo Zayọnụ.

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 30:18

Osolobuẹ sị, “M jẹnkọ d'e dọnzini ebọn Jekọpụ ụlọ wẹ ndị tikpọnị; m k'e mẹ omikẹn rụnkin ebe ile wẹ te bi mbụ; wẹ k'a rụndọnzi obodo ẹ ye ọnọdị a daị, rụndọnzi obi-eze ye ebe ọ rị mbụ.

Jerimaya 30:3

Ogẹn lala hụn m k'e gi wepụha ndị nke m wụ ndị Izrẹlụ lẹ ndị Juda ẹka ndị gini wẹ, mẹzi n'ọ rịnị wẹ mma imẹ alịnị m ye ndị nẹdi wẹ kanị weri.’ Ya kẹ Osolobuẹ ku.”

Jerimaya 31:16

Osolobuẹ sị, “Akwanzilẹ; anịzịlẹ ẹnya-mirin gba ị. I k'e ri ihiẹn ị rụn; mmụ ị k'a gha alị ndị-iṅẹnrẹn lụa. Ya kẹ Osolobuẹ ku.

Jerimaya 31:17

Ihiẹn k'a rịnị ị mma ihun; ụmụ ị jẹnkọ d'a lụaha alị wẹ.” Ya kẹ Osolobuẹ ku.

Jerimaya 31:23

Osolobuẹ ihiẹn ile rị okpuru ẹ, hụn wụ Chuku Izrẹlụ sị, “Ogẹn m'e gi gha imẹ ẹgbụn igbọn wẹ rị welụa wẹ, ndị bi alị Juda lẹ obodo rịsọnmẹ imẹ ẹ k'e kumẹzi okuni, ‘Osolobuẹ ya gọzi yụ wụ alị ezi-omumẹ, yụ wụ ugu nsọ!’

Jerimaya 51:10

“Ndị nke m k'a sị, ‘Osolobuẹ a ghọsịgụọ nị ẹnyi wụ nke ẹ! Bịa nị, nị ẹnyi gwa wẹ imẹ Zayọnụ ihiẹn Osolobuẹ wụ Chuku ẹnyi mẹ!’ ”

Jerimaya 8:3

Ọnwụn k'a ka ndị eje-alịnị m k'e dọnmẹ ndụn mma ebe-lẹ-ebe m k'a chụshi wẹ. Ya kẹ Osolobuẹ ihiẹn ile rị okpuru ẹ ku.”

Izikẹlụ 37:21

y'a sị wẹ, ‘Osolobuẹ nwọn ihiẹn ile sị: M sikọ d'e weri ndị Izrẹlụ imẹ alị ndị hụ wẹ rị, e wegbama m wẹ, ebe lẹ ebe wẹ rịlẹ, welụa wẹ alị wẹ.

Izikẹlụ 39:25

“Osolobuẹ Nwọn Ihiẹn Ile sị: M k'e wepụha nwan ebọn Jekọpụ ẹka ndị gini wẹ. Ẹghẹẹ, m sikọ nwan d'e mẹ omikẹn Izrẹlụ ile; m sikọ d'e mẹ nị m dọnmẹ Ẹfan-nsọ m.

Emọsụ 9:14

M k'e wekinhẹn ndị nke m wẹ kpụnrụn alị wẹ; a tụndọnzi wẹ obodo wẹ ile tikpọnị, birisọnmẹ imẹ wẹ. Wẹ k'a kụn vaịnị, ra manya a; wẹ k'a rụn ugbo, ri ihiẹn rị imẹ ẹ.

Maịka 4:12

Kanị amarịn wẹ ihiẹn Osolobuẹ romẹ, aghọtanị wẹ uche ẹ; aghọtanị wẹ n'o kpọnhẹn wẹ d'a kụkpọ kẹ ọka!

Zẹfanaya 3:20

O ru ogẹn ahụn, m k'e welụa ụnụ, ogẹn ahụn m'e gi wegbama ụnụ. M k'e ye ụnụ ọghọ imẹ alị ile rị elu ụwa. Wẹ k'a gha a ja ụnụ mma Ogẹn m'e gi mẹ n'ọ rịzịnị ụnụ mma.” Ya kẹ Osolobuẹ ku.

Ndị Rom 10:20

Azaya kupụ a, sị, “Ndị rịlẹni a chọ m, uwẹ hụn m; e we m enwẹn m ghọsị ndị rịlẹni a jụ ukwere m.”

Ditrọnọmi 30:1

Mgbe ngọzi ndịnị ile m gwa ụnụ e gi rumẹ ụnụ ẹhụ, nị ọnụ-ẹsọn ndịnị ile m gwa ụnụ e kunrun ụnụ, ụnụ ro wẹ ebe ile Osolobuẹ feyịya ụnụ imẹ alị ndị ọzọ,

Ditrọnọmi 30:3

Osolobuẹ wụ Chuku ụnụ sikọ d'e mẹ ndị gini ụnụ hatu ụnụ, mẹ omikẹn ụnụ, gha alị ndị ọzọ ile ọ kpụnshi ụnụ welụa ụnụ.

Ditrọnọmi 30:5

O k'e wẹhẹ ụnụ imẹ alị ahụn wụ nke ndị nẹdi ụnụ kanị, ụnụ e nwọnrinzi ẹ. O k'e mẹ ụnụ gha ihun, ba ụba, karị ndị nẹdi ụnụ kanị.

Ditrọnọmi 4:7

Elee alị wụ okẹn alị ẹnịna? Alị hụn mmọn wẹ a nọkunmẹ wẹ ụdị hụn Osolobuẹ wụ Chuku ẹnyi a nọkunmẹ ẹnyi ogẹn ọwụlẹ ẹnyi kpọ a?