Jerimaya 29:13 - Ika

¹³ Ụnụ sikọ d'a chọ m, ụnụ a hụn m, omẹni ụnụ e gichanrịn obi ụnụ chọ m.

Jerimaya 29:13 ပူးပေါင်းရင်းမြစ်များ

Ndị-nze Nke Ibuzọ 2:4

lẹni Osolobuẹ hụn ụzọ mẹzu nkwa o kwe m, sị, ‘Ụmụ ị dọnrin ẹnya bi obibi rị mma, gi obi wẹ ile lẹ umẹ-ndụn wẹ ile bini m k'o furu nị wẹ bi, y'e nwọnbehikọ onyẹ ẹbozo ị k'a nọdị ukpo-eze Izrẹlụ.’

Ndị-nze Nke Ẹbụọ 23:3

Eze nọ wuzo ọnọdị a ẹhụ adansụn Ụlọ-nsọ, nọ ebẹhụ, idẹnya Osolobuẹ, kwedọnzi nkwa kẹ Osolobuẹ dọn chọ: n'o k'e sọn Osolobuẹ, n'o k'e gi obi ẹ ile lẹ umẹ-ndụn a ile mẹ ẹ, e mẹ ihiẹn ọ sị wẹ mẹ, e sọn usọnrọn ẹ, e sọn uhi ile o yi, gi ẹ mẹzu ihiẹn ndị rị nkwerigbama wẹ deye imẹ ẹkụkwọnị. Ndị Juda ile nọzị kwe nkwa hụ.

Ihiẹn Mẹni Nke Ibuzọ 22:19

Gi ni nwan obi ụnụ ile lẹ umẹ-ndụn ụnụ ile femẹ Osolobuẹ wụ Chuku ụnụ. D'a tụnma nị nwan Ụlọ-nsọ Osolobuẹ wụ Chuku ụnụ, kẹni ụnụ hụn ụzọ buban Ẹkpẹti Nkwerigbama Osolobuẹ lẹ ihiẹn ile rị nsọ wẹ gi fe Chuku imẹ Ụlọ-nsọ hụn wẹ k'a tụn makẹ Ẹfan Osolobuẹ.”

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ihiẹn Mẹni Nke Ẹbụọ 22:9

Ọ nọ jẹn d'a chọma Ahazia, ndị-agha a nọ hụn Ahazia ebe ọ warị imẹ Obodo Sameria. Wẹ nọ wẹhẹni Jehu ya, ọ nọ gbu ẹ. Wẹ li ya nwẹn ọhụnma, makẹni wẹ sị, “Nwa Jehoshẹfatị rọ, Jehoshẹfatị hụn gi obi ẹ ile sọn Osolobuẹ.” Ya ọ nọzilẹni nwọn kaka akpụ onyẹ ohu imẹ ikpụlọ Ahazia kẹnrẹnni hụn k'a saẹka kị alị-eze Juda.

Ihiẹn Mẹni Nke Ẹbụọ 31:21

O wepụhachanrịn obi e mẹ ihiẹn ile o mẹ o gi kwadọn ofufe rị Ụlọ-nsọ Osolobuẹ lẹ Iwu Osolobuẹ lẹ ihiẹn ile Osolobuẹ ku, e gi wẹ ile e fe Osolobuẹ wụ Chuku ẹ, ọ nọ ghachanrịnn'a.

Ẹbụ-ọma 119:10

Obi m ile kẹ m gi e fe i, dodo, anịkwọlẹ m latọ ihiẹn ndị ị sị ẹnyi e mẹ.

Ẹbụ-ọma 119:145

Obi m ile kẹ m gi a kpọku i; dodo, za m, Osolobuẹ! M k'e dọnmẹ iwu i.

Ẹbụ-ọma 119:2

Ngọzi wụ nke ndị e dọnmẹ iwu Osolobuẹ gi shịanị enwẹn ẹ ẹri, e gi akpakalị obi wẹ e fe Osolobuẹ;

Ẹbụ-ọma 119:58

Obi m ile kẹ m gi a rịọ ị, dodo, lee m ẹnya ihun k'i dọn ku!

Ẹbụ-ọma 119:69

Ndị mpache hụ e buokin m ọnụ, kanị m hụkwọ e gi obi m ile e dọnmẹ iwu i.

Ẹbụ-ọma 145:18

Osolobuẹ a nọkunmẹ ndị ile a kpọkun'ẹ, ndị ile gi ezioku a kpọku ẹ.

Ẹbụ-ọma 32:6

Ya wụ, onyẹ ọwụlẹ hụn e feshi i ikẹn ya rịọma ị ogẹn wẹ e gi s'ẹka nwọnhẹn i — ọsụọn'a nị okẹn mirin rị e hu, o rukọ a ẹhụ.

Ẹbụ-ọma 91:15

O k'a kpọku m, a za m'a, m k'a nọyen'ẹ ogẹn nsọngbu; m k'a zụọpụha a, ye ẹ ọghọ.

Azaya 45:19

Ekuni m'ẹ nzuzue, anọnị m ebe tegbu enwẹn ẹ gba ishi ku ẹ — asịnị m ebọn Jekọpụ ‘femẹ m mmaka’, Ezioku k'e mmẹ wụ Osolobuẹ e ku; ntụ arị oku m.

Azaya 65:10

Alị Sharọnụ k'a wụzị ebe atụnrụn nọ a kpa nni, Ọdanmgbugbu-Nsọngbu a wụrụ ebe efin a nọ e zu ikẹn — m k'e mẹni ndị nke m hụn e feni m ya.

Jerimaya 24:7

M k'e ye wẹ obi wẹ k'e gi marịn nị mmẹ wụ Osolobuẹ; a wụrụ wẹ ndị nke m, a wụrụ m Chuku wẹ — makẹni wẹ k'e gi obi wẹ ile kinhẹn d'e kunrun m.

Jerimaya 3:10

Ihiẹn ndịnị ile mẹni, Juda nwẹnẹ ẹ ẹnya rịlẹni ụzọ ohu egikwọnị obi ẹ ile kinhẹn d'e kunrun m — o kinhẹnhụ nke ọnụnụ-ire. Ya kẹ Osolobuẹ ku.”

Jerimaya 50:4

“Osolobuẹ sị, ‘O ru ogẹn ahụn, ndị Izrẹlụ Ẹbamịn-ugu lẹ ndị Juda k'e gi ẹnya-mirin chọma Osolobuẹ wụ Chuku wẹ.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Juwẹlụ 2:12

Kanị Osolobuẹ sị, “Echẹn kẹ oghere rịkwọ nwan! Gichanrịn nị nwan obi ụnụ ile kinhẹn ya lẹ ibu-ọnụ lẹ ẹkwan lẹ ihulụa-isi;

Matiu 7:7

“Rịọ nị, wẹ sikọ d'e ye ụnụ; chọ nị, ụnụ k'a hụn; dụ nị ẹka, wẹ k'a kpọpụnị ụnụ ụzọ.

Ọrụn Ndị-ozi 8:36

E jẹnbe wẹ, wẹ nọ hụn mirin; okẹn-okporo hụ nọ sị, “Lee mirin ebeni! Kị k'a han m emẹlẹ mirin-Chuku?”